੮. ਨਿਰੋਧਵਗ੍ਗੋ

੧. ਅਸੁਭਸੁਤ੍ਤਂ

੨੪੮. ‘‘ਅਸੁਭਸਞ੍ਞਾ, ਭਿਕ੍ਖਵੇ…ਪੇ… ਪਠਮਂ.

੨. ਮਰਣਸੁਤ੍ਤਂ

੨੪੯. ‘‘ਮਰਣਸਞ੍ਞਾ, ਭਿਕ੍ਖਵੇ…ਪੇ… ਦੁਤਿਯਂ.

੩. ਆਹਾਰੇਪਟਿਕੂਲਸੁਤ੍ਤਂ

੨੫੦. ‘‘ਆਹਾਰੇ ਪਟਿਕੂਲਸਞ੍ਞਾ, ਭਿਕ੍ਖਵੇ…ਪੇ… ਤਤਿਯਂ.

੪. ਅਨਭਿਰਤਿਸੁਤ੍ਤਂ

੨੫੧. ‘‘ਸਬ੍ਬਲੋਕੇ ਅਨਭਿਰਤਿਸਞ੍ਞਾ, ਭਿਕ੍ਖਵੇ…ਪੇ… ਚਤੁਤ੍ਥਂ.

੫. ਅਨਿਚ੍ਚਸੁਤ੍ਤਂ

੨੫੨. ‘‘ਅਨਿਚ੍ਚਸਞ੍ਞਾ, ਭਿਕ੍ਖਵੇ…ਪੇ… ਪਞ੍ਚਮਂ.

੬. ਦੁਕ੍ਖਸੁਤ੍ਤਂ

੨੫੩. ‘‘ਅਨਿਚ੍ਚੇ ਦੁਕ੍ਖਸਞ੍ਞਾ, ਭਿਕ੍ਖਵੇ…ਪੇ… ਛਟ੍ਠਂ.

੭. ਅਨਤ੍ਤਸੁਤ੍ਤਂ

੨੫੪. ‘‘ਦੁਕ੍ਖੇ ਅਨਤ੍ਤਸਞ੍ਞਾ, ਭਿਕ੍ਖਵੇ…ਪੇ… ਸਤ੍ਤਮਂ.

੮. ਪਹਾਨਸੁਤ੍ਤਂ

੨੫੫. ‘‘ਪਹਾਨਸਞ੍ਞਾ, ਭਿਕ੍ਖਵੇ…ਪੇ… ਅਟ੍ਠਮਂ.

੯. ਵਿਰਾਗਸੁਤ੍ਤਂ

੨੫੬. ‘‘ਵਿਰਾਗਸਞ੍ਞਾ, ਭਿਕ੍ਖਵੇ…ਪੇ… ਨਵਮਂ.

੧੦. ਨਿਰੋਧਸੁਤ੍ਤਂ

੨੫੭. ‘‘ਨਿਰੋਧਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਨਿਰੋਧਸਞ੍ਞਾ ਕਥਂ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾ? ਇਧ, ਭਿਕ੍ਖਵੇ, ਭਿਕ੍ਖੁ ਨਿਰੋਧਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਨਿਰੋਧਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਨਿਰੋਧਸਞ੍ਞਾ ਏਵਂ ਬਹੁਲੀਕਤਾ ਮਹਪ੍ਫਲਾ ਹੋਤਿ ਮਹਾਨਿਸਂਸਾਤਿ.

‘‘ਨਿਰੋਧਸਞ੍ਞਾਯ, ਭਿਕ੍ਖਵੇ, ਭਾਵਿਤਾਯ ਬਹੁਲੀਕਤਾਯ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ – ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ. ਕਥਂ ਭਾਵਿਤਾਯ, ਭਿਕ੍ਖਵੇ, ਨਿਰੋਧਸਞ੍ਞਾਯ ਕਥਂ ਬਹੁਲੀਕਤਾਯ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ – ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ? ਇਧ, ਭਿਕ੍ਖਵੇ, ਭਿਕ੍ਖੁ ਨਿਰੋਧਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਨਿਰੋਧਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾਯ ਖੋ, ਭਿਕ੍ਖਵੇ, ਨਿਰੋਧਸਞ੍ਞਾਯ ਏਵਂ ਬਹੁਲੀਕਤਾਯ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ – ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ’’ਤਿ.

‘‘ਨਿਰੋਧਸਞ੍ਞਾ, ਭਿਕ੍ਖਵੇ, ਭਾਵਿਤਾ ਬਹੁਲੀਕਤਾ ਮਹਤੋ ਅਤ੍ਥਾਯ ਸਂਵਤ੍ਤਤਿ, ਮਹਤੋ ਯੋਗਕ੍ਖੇਮਾਯ ਸਂਵਤ੍ਤਤਿ, ਮਹਤੋ ਸਂਵੇਗਾਯ ਸਂਵਤ੍ਤਤਿ, ਮਹਤੋ ਫਾਸੁਵਿਹਾਰਾਯ ਸਂਵਤ੍ਤਤਿ. ਕਥਂ ਭਾਵਿਤਾ ਚ, ਭਿਕ੍ਖਵੇ, ਨਿਰੋਧਸਞ੍ਞਾ ਕਥਂ ਬਹੁਲੀਕਤਾ ਮਹਤੋ ਅਤ੍ਥਾਯ ਸਂਵਤ੍ਤਤਿ, ਮਹਤੋ ਯੋਗਕ੍ਖੇਮਾਯ ਸਂਵਤ੍ਤਤਿ, ਮਹਤੋ ਸਂਵੇਗਾਯ ਸਂਵਤ੍ਤਤਿ, ਮਹਤੋ ਫਾਸੁਵਿਹਾਰਾਯ ਸਂਵਤ੍ਤਤਿ? ਇਧ, ਭਿਕ੍ਖਵੇ, ਭਿਕ੍ਖੁ ਨਿਰੋਧਸਞ੍ਞਾਸਹਗਤਂ ਸਤਿਸਮ੍ਬੋਜ੍ਝਙ੍ਗਂ ਭਾਵੇਤਿ…ਪੇ… ਨਿਰੋਧਸਞ੍ਞਾਸਹਗਤਂ ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾਵੇਤਿ ਵਿਵੇਕਨਿਸ੍ਸਿਤਂ ਵਿਰਾਗਨਿਸ੍ਸਿਤਂ ਨਿਰੋਧਨਿਸ੍ਸਿਤਂ ਵੋਸ੍ਸਗ੍ਗਪਰਿਣਾਮਿਂ. ਏਵਂ ਭਾਵਿਤਾ ਖੋ, ਭਿਕ੍ਖਵੇ, ਨਿਰੋਧਸਞ੍ਞਾ ਏਵਂ ਬਹੁਲੀਕਤਾ ਮਹਤੋ ਅਤ੍ਥਾਯ ਸਂਵਤ੍ਤਤਿ, ਮਹਤੋ ਯੋਗਕ੍ਖੇਮਾਯ ਸਂਵਤ੍ਤਤਿ, ਮਹਤੋ ਸਂਵੇਗਾਯ ਸਂਵਤ੍ਤਤਿ, ਮਹਤੋ ਫਾਸੁਵਿਹਾਰਾਯ ਸਂਵਤ੍ਤਤੀ’’ਤਿ. ਦਸਮਂ.

ਨਿਰੋਧਵਗ੍ਗੋ ਅਟ੍ਠਮੋ.

ਤਸ੍ਸੁਦ੍ਦਾਨਂ –

ਅਸੁਭਮਰਣਆਹਾਰੇ, ਪਟਿਕੂਲਅਨਭਿਰਤੇਨ [ਪਟਿਕੂਲੇਨ ਚ ਸਬ੍ਬਲੋਕੇ (ਸ੍ਯਾ.)];

ਅਨਿਚ੍ਚਦੁਕ੍ਖਅਨਤ੍ਤਪਹਾਨਂ, ਵਿਰਾਗਨਿਰੋਧੇਨ ਤੇ ਦਸਾਤਿ.