੧੪. ਪਞ੍ਚਵੇਰਸੁਤ੍ਤਂ

੨੯੩. ‘‘ਪਞ੍ਚਹਿ, ਅਨੁਰੁਦ੍ਧ, ਧਮ੍ਮੇਹਿ ਸਮਨ੍ਨਾਗਤੋ ਮਾਤੁਗਾਮੋ…ਪੇ… ਨਿਰਯਂ ਉਪਪਜ੍ਜਤਿ. ਕਤਮੇਹਿ ਪਞ੍ਚਹਿ? ਪਾਣਾਤਿਪਾਤੀ ਚ ਹੋਤਿ, ਅਦਿਨ੍ਨਾਦਾਯੀ ਚ ਹੋਤਿ, ਕਾਮੇਸੁਮਿਚ੍ਛਾਚਾਰੀ ਚ ਹੋਤਿ, ਮੁਸਾਵਾਦੀ ਚ ਹੋਤਿ, ਸੁਰਾਮੇਰਯਮਜ੍ਜਪ੍ਪਮਾਦਟ੍ਠਾਯੀ ਚ ਹੋਤਿ – ਇਮੇਹਿ ਖੋ, ਅਨੁਰੁਦ੍ਧ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਮਾਤੁਗਾਮੋ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤੀ’’ਤਿ. ਚੁਦ੍ਦਸਮਂ.

ਪਠਮਪੇਯ੍ਯਾਲਵਗ੍ਗੋ.

ਤਸ੍ਸੁਦ੍ਦਾਨਂ –

ਮਾਤੁਗਾਮੋ ਪੁਰਿਸੋ ਚ, ਆਵੇਣਿਕਾ ਤਿਧਮ੍ਮੋ ਚ [ਦ੍ਵੇ ਮਨਾਪਾਮਨਾਪਾਚ, ਆਵੇਣਿਕਾ ਤੀਹਿ ਅਨੁਰੁਦ੍ਧੋ (ਸਬ੍ਬਤ੍ਥ)];

ਕੋਧਨੋ ਉਪਨਾਹੀ ਚ, ਇਸ੍ਸੁਕੀ ਮਚ੍ਛਰੇਨ ਚ;

ਅਤਿਚਾਰੀ ਚ ਦੁਸ੍ਸੀਲੋ, ਅਪ੍ਪਸ੍ਸੁਤੋ ਚ ਕੁਸੀਤੋ;

ਮੁਟ੍ਠਸ੍ਸਤਿ ਪਞ੍ਚਵੇਰਂ, ਕਣ੍ਹਪਕ੍ਖੇ ਪਕਾਸਿਤੋ.