੨. ਦੁਤਿਯਮਾਰਪਾਸਸੁਤ੍ਤਂ

੧੧੫. ‘‘ਸਨ੍ਤਿ, ਭਿਕ੍ਖਵੇ, ਚਕ੍ਖੁਵਿਞ੍ਞੇਯ੍ਯਾ ਰੂਪਾ, ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਤਞ੍ਚੇ ਭਿਕ੍ਖੁ ਅਭਿਨਨ੍ਦਤਿ ਅਭਿਵਦਤਿ ਅਜ੍ਝੋਸਾਯ ਤਿਟ੍ਠਤਿ – ਅਯਂ ਵੁਚ੍ਚਤਿ, ਭਿਕ੍ਖਵੇ, ਭਿਕ੍ਖੁ ਬਦ੍ਧੋ ਚਕ੍ਖੁਵਿਞ੍ਞੇਯ੍ਯੇਸੁ ਰੂਪੇਸੁ, ਆਵਾਸਗਤੋ ਮਾਰਸ੍ਸ, ਮਾਰਸ੍ਸ ਵਸਂ ਗਤੋ, ਪਟਿਮੁਕ੍ਕਸ੍ਸ ਮਾਰਪਾਸੋ. ਬਦ੍ਧੋ ਸੋ ਮਾਰਬਨ੍ਧਨੇਨ ਯਥਾਕਾਮਕਰਣੀਯੋ ਪਾਪਿਮਤੋ…ਪੇ….

‘‘ਸਨ੍ਤਿ, ਭਿਕ੍ਖਵੇ, ਜਿਵ੍ਹਾਵਿਞ੍ਞੇਯ੍ਯਾ ਰਸਾ…ਪੇ… ਸਨ੍ਤਿ, ਭਿਕ੍ਖਵੇ, ਮਨੋਵਿਞ੍ਞੇਯ੍ਯਾ ਧਮ੍ਮਾ, ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਤਞ੍ਚੇ ਭਿਕ੍ਖੁ ਅਭਿਨਨ੍ਦਤਿ ਅਭਿਵਦਤਿ ਅਜ੍ਝੋਸਾਯ ਤਿਟ੍ਠਤਿ – ਅਯਂ ਵੁਚ੍ਚਤਿ, ਭਿਕ੍ਖਵੇ, ਭਿਕ੍ਖੁ ਬਦ੍ਧੋ ਮਨੋਵਿਞ੍ਞੇਯ੍ਯੇਸੁ ਧਮ੍ਮੇਸੁ, ਆਵਾਸਗਤੋ ਮਾਰਸ੍ਸ, ਮਾਰਸ੍ਸ ਵਸਂ ਗਤੋ, ਪਟਿਮੁਕ੍ਕਸ੍ਸ ਮਾਰਪਾਸੋ. ਬਦ੍ਧੋ ਸੋ ਮਾਰਬਨ੍ਧਨੇਨ ਯਥਾਕਾਮਕਰਣੀਯੋ ਪਾਪਿਮਤੋ…ਪੇ….

‘‘ਸਨ੍ਤਿ ਚ ਖੋ, ਭਿਕ੍ਖਵੇ, ਚਕ੍ਖੁਵਿਞ੍ਞੇਯ੍ਯਾ ਰੂਪਾ, ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਤਞ੍ਚੇ ਭਿਕ੍ਖੁ ਨਾਭਿਨਨ੍ਦਤਿ ਨਾਭਿਵਦਤਿ ਨਾਜ੍ਝੋਸਾਯ ਤਿਟ੍ਠਤਿ – ਅਯਂ ਵੁਚ੍ਚਤਿ, ਭਿਕ੍ਖਵੇ, ਭਿਕ੍ਖੁ ਮੁਤ੍ਤੋ ਚਕ੍ਖੁਵਿਞ੍ਞੇਯ੍ਯੇਹਿ ਰੂਪੇਹਿ, ਨਾਵਾਸਗਤੋ ਮਾਰਸ੍ਸ, ਨ ਮਾਰਸ੍ਸ ਵਸਂ ਗਤੋ, ਉਮ੍ਮੁਕ੍ਕਸ੍ਸ ਮਾਰਪਾਸੋ. ਮੁਤ੍ਤੋ ਸੋ ਮਾਰਬਨ੍ਧਨੇਨ ਨ ਯਥਾਕਾਮਕਰਣੀਯੋ ਪਾਪਿਮਤੋ…ਪੇ….

‘‘ਸਨ੍ਤਿ, ਭਿਕ੍ਖਵੇ, ਜਿਵ੍ਹਾਵਿਞ੍ਞੇਯ੍ਯਾ ਰਸਾ…ਪੇ… ਸਨ੍ਤਿ, ਭਿਕ੍ਖਵੇ, ਮਨੋਵਿਞ੍ਞੇਯ੍ਯਾ ਧਮ੍ਮਾ, ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਤਞ੍ਚੇ ਭਿਕ੍ਖੁ ਨਾਭਿਨਨ੍ਦਤਿ ਨਾਭਿਵਦਤਿ ਨਾਜ੍ਝੋਸਾਯ ਤਿਟ੍ਠਤਿ – ਅਯਂ ਵੁਚ੍ਚਤਿ, ਭਿਕ੍ਖਵੇ, ਭਿਕ੍ਖੁ ਮੁਤ੍ਤੋ ਮਨੋਵਿਞ੍ਞੇਯ੍ਯੇਹਿ ਧਮ੍ਮੇਹਿ, ਨਾਵਾਸਗਤੋ ਮਾਰਸ੍ਸ, ਨ ਮਾਰਸ੍ਸ ਵਸਂ ਗਤੋ, ਉਮ੍ਮੁਕ੍ਕਸ੍ਸ ਮਾਰਪਾਸੋ. ਮੁਤ੍ਤੋ ਸੋ ਮਾਰਬਨ੍ਧਨੇਨ ਨ ਯਥਾਕਾਮਕਰਣੀਯੋ ਪਾਪਿਮਤੋ’’ਤਿ. ਦੁਤਿਯਂ.