੧੦. ਗਨ੍ਧਬ੍ਬਕਾਯਸਂਯੁਤ੍ਤਂ

੧. ਸੁਦ੍ਧਿਕਸੁਤ੍ਤਂ

੪੩੮. ਏਕਂ ਸਮਯਂ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ …ਪੇ… ਭਗਵਾ ਏਤਦਵੋਚ – ‘‘ਗਨ੍ਧਬ੍ਬਕਾਯਿਕੇ ਵੋ, ਭਿਕ੍ਖਵੇ, ਦੇਵੇ ਦੇਸੇਸ੍ਸਾਮਿ. ਤਂ ਸੁਣਾਥ. ਕਤਮਾ ਚ, ਭਿਕ੍ਖਵੇ, ਗਨ੍ਧਬ੍ਬਕਾਯਿਕਾ ਦੇਵਾ? ਸਨ੍ਤਿ, ਭਿਕ੍ਖਵੇ, ਮੂਲਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਸਾਰਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਫੇਗ੍ਗੁਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਤਚਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਪਪਟਿਕਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਪਤ੍ਤਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਪੁਪ੍ਫਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਫਲਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਰਸਗਨ੍ਧੇ ਅਧਿਵਤ੍ਥਾ ਦੇਵਾ. ਸਨ੍ਤਿ, ਭਿਕ੍ਖਵੇ, ਗਨ੍ਧਗਨ੍ਧੇ ਅਧਿਵਤ੍ਥਾ ਦੇਵਾ. ਇਮੇ ਵੁਚ੍ਚਨ੍ਤਿ, ਭਿਕ੍ਖਵੇ, ਗਨ੍ਧਬ੍ਬਕਾਯਿਕਾ ਦੇਵਾ’’ਤਿ. ਪਠਮਂ.

੨. ਸੁਚਰਿਤਸੁਤ੍ਤਂ

੪੩੯. ਸਾਵਤ੍ਥਿਨਿਦਾਨਂ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗਵਨ੍ਤਂ ਏਤਦਵੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਬ੍ਬਕਾਯਿਕਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ? ‘‘ਇਧ, ਭਿਕ੍ਖੁ, ਏਕਚ੍ਚੋ ਕਾਯੇਨ ਸੁਚਰਿਤਂ ਚਰਤਿ, ਵਾਚਾਯ ਸੁਚਰਿਤਂ ਚਰਤਿ, ਮਨਸਾ ਸੁਚਰਿਤਂ ਚਰਤਿ. ਤਸ੍ਸ ਸੁਤਂ ਹੋਤਿ – ‘ਗਨ੍ਧਬ੍ਬਕਾਯਿਕਾ ਦੇਵਾ ਦੀਘਾਯੁਕਾ ਵਣ੍ਣਵਨ੍ਤੋ ਸੁਖਬਹੁਲਾ’ਤਿ. ਤਸ੍ਸ ਏਵਂ ਹੋਤਿ – ‘ਅਹੋ ਵਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਬ੍ਬਕਾਯਿਕਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’ਨ੍ਤਿ. ਸੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਬ੍ਬਕਾਯਿਕਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤਿ. ਅਯਂ ਖੋ, ਭਿਕ੍ਖੁ, ਹੇਤੁ, ਅਯਂ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਬ੍ਬਕਾਯਿਕਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ. ਦੁਤਿਯਂ.

੩. ਮੂਲਗਨ੍ਧਦਾਤਾਸੁਤ੍ਤਂ

੪੪੦. ਸਾਵਤ੍ਥਿਨਿਦਾਨਂ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗਵਨ੍ਤਂ ਏਤਦਵੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ? ‘‘ਇਧ, ਭਿਕ੍ਖੁ, ਏਕਚ੍ਚੋ ਕਾਯੇਨ ਸੁਚਰਿਤਂ ਚਰਤਿ, ਵਾਚਾਯ ਸੁਚਰਿਤਂ ਚਰਤਿ, ਮਨਸਾ ਸੁਚਰਿਤਂ ਚਰਤਿ. ਤਸ੍ਸ ਸੁਤਂ ਹੋਤਿ – ‘ਮੂਲਗਨ੍ਧੇ ਅਧਿਵਤ੍ਥਾ ਦੇਵਾ ਦੀਘਾਯੁਕਾ ਵਣ੍ਣਵਨ੍ਤੋ ਸੁਖਬਹੁਲਾ’ਤਿ. ਤਸ੍ਸ ਏਵਂ ਹੋਤਿ – ‘ਅਹੋ ਵਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’ਨ੍ਤਿ. ਸੋ ਦਾਤਾ ਹੋਤਿ ਮੂਲਗਨ੍ਧਾਨਂ. ਸੋ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤਿ. ਅਯਂ ਖੋ, ਭਿਕ੍ਖੁ, ਹੇਤੁ…ਪੇ… ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ. ਤਤਿਯਂ.

੪-੧੨. ਸਾਰਗਨ੍ਧਾਦਿਦਾਤਾਸੁਤ੍ਤਨਵਕਂ

੪੪੧-੪੪੯. ਸਾਵਤ੍ਥਿਨਿਦਾਨਂ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗਵਨ੍ਤਂ ਏਤਦਵੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸਾਰਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ…ਪੇ… ਫੇਗ੍ਗੁਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਤਚਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪਪਟਿਕਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪਤ੍ਤਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪੁਪ੍ਫਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਫਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਰਸਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ? ‘‘ਇਧ, ਭਿਕ੍ਖੁ, ਏਕਚ੍ਚੋ ਕਾਯੇਨ ਸੁਚਰਿਤਂ ਚਰਤਿ, ਵਾਚਾਯ ਸੁਚਰਿਤਂ ਚਰਤਿ, ਮਨਸਾ ਸੁਚਰਿਤਂ ਚਰਤਿ. ਤਸ੍ਸ ਸੁਤਂ ਹੋਤਿ – ‘ਸਾਰਗਨ੍ਧੇ ਅਧਿਵਤ੍ਥਾ ਦੇਵਾ ਦੀਘਾਯੁਕਾ ਵਣ੍ਣਵਨ੍ਤੋ ਸੁਖਬਹੁਲਾ’ਤਿ. ਤਸ੍ਸ ਏਵਂ ਹੋਤਿ – ‘ਅਹੋ ਵਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਸਾਰਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ…ਪੇ… ਫੇਗ੍ਗੁਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਤਚਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪਪਟਿਕਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪਤ੍ਤਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪੁਪ੍ਫਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਫਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਰਸਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’ਨ੍ਤਿ. ਸੋ ਦਾਤਾ ਹੋਤਿ ਸਾਰਗਨ੍ਧਾਨਂ…ਪੇ… ਸੋ ਦਾਤਾ ਹੋਤਿ ਫੇਗ੍ਗੁਗਨ੍ਧਾਨਂ… ਸੋ ਦਾਤਾ ਹੋਤਿ ਤਚਗਨ੍ਧਾਨਂ… ਸੋ ਦਾਤਾ ਹੋਤਿ ਪਪਟਿਕਗਨ੍ਧਾਨਂ… ਸੋ ਦਾਤਾ ਹੋਤਿ ਪਤ੍ਤਗਨ੍ਧਾਨਂ… ਸੋ ਦਾਤਾ ਹੋਤਿ ਪੁਪ੍ਫਗਨ੍ਧਾਨਂ… ਸੋ ਦਾਤਾ ਹੋਤਿ ਫਲਗਨ੍ਧਾਨਂ… ਸੋ ਦਾਤਾ ਹੋਤਿ ਰਸਗਨ੍ਧਾਨਂ… ਸੋ ਦਾਤਾ ਹੋਤਿ ਗਨ੍ਧਗਨ੍ਧਾਨਂ. ਸੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤਿ. ਅਯਂ ਖੋ, ਭਿਕ੍ਖੁ, ਹੇਤੁ, ਅਯਂ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ. ਦ੍ਵਾਦਸਮਂ.

੧੩-੨੨. ਮੂਲਗਨ੍ਧਦਾਨੂਪਕਾਰਸੁਤ੍ਤਦਸਕਂ

੪੫੦-੪੫੯. ਸਾਵਤ੍ਥਿਨਿਦਾਨਂ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗਵਨ੍ਤਂ ਏਤਦਵੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ? ‘‘ਇਧ, ਭਿਕ੍ਖੁ, ਏਕਚ੍ਚੋ ਕਾਯੇਨ ਸੁਚਰਿਤਂ ਚਰਤਿ, ਵਾਚਾਯ ਸੁਚਰਿਤਂ ਚਰਤਿ, ਮਨਸਾ ਸੁਚਰਿਤਂ ਚਰਤਿ. ਤਸ੍ਸ ਸੁਤਂ ਹੋਤਿ – ‘ਮੂਲਗਨ੍ਧੇ ਅਧਿਵਤ੍ਥਾ ਦੇਵਾ ਦੀਘਾਯੁਕਾ ਵਣ੍ਣਵਨ੍ਤੋ ਸੁਖਬਹੁਲਾ’ਤਿ. ਤਸ੍ਸ ਏਵਂ ਹੋਤਿ – ‘ਅਹੋ ਵਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’ਨ੍ਤਿ. ਸੋ ਅਨ੍ਨਂ ਦੇਤਿ…ਪੇ… ਪਾਨਂ ਦੇਤਿ… ਵਤ੍ਥਂ ਦੇਤਿ… ਯਾਨਂ ਦੇਤਿ… ਮਾਲਂ ਦੇਤਿ… ਗਨ੍ਧਂ ਦੇਤਿ… ਵਿਲੇਪਨਂ ਦੇਤਿ… ਸੇਯ੍ਯਂ ਦੇਤਿ… ਆਵਸਥਂ ਦੇਤਿ… ਪਦੀਪੇਯ੍ਯਂ ਦੇਤਿ. ਸੋ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤਿ. ਅਯਂ ਖੋ, ਭਿਕ੍ਖੁ, ਹੇਤੁ, ਅਯਂ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਮੂਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ. ਬਾਵੀਸਤਿਮਂ.

੨੩-੧੧੨. ਸਾਰਗਨ੍ਧਾਦਿਦਾਨੂਪਕਾਰਸੁਤ੍ਤਨਵੁਤਿਕਂ

੪੬੦-੫੪੯. ਸਾਵਤ੍ਥਿਨਿਦਾਨਂ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗਵਨ੍ਤਂ ਏਤਦਵੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸਾਰਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ…ਪੇ… ਫੇਗ੍ਗੁਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਤਚਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ … ਪਪਟਿਕਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪਤ੍ਤਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਪੁਪ੍ਫਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਫਲਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਰਸਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ… ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ? ‘‘ਇਧ, ਭਿਕ੍ਖੁ, ਏਕਚ੍ਚੋ ਕਾਯੇਨ ਸੁਚਰਿਤਂ ਚਰਤਿ, ਵਾਚਾਯ ਸੁਚਰਿਤਂ ਚਰਤਿ, ਮਨਸਾ ਸੁਚਰਿਤਂ ਚਰਤਿ. ਤਸ੍ਸ ਸੁਤਂ ਹੋਤਿ – ‘ਗਨ੍ਧਗਨ੍ਧੇ ਅਧਿਵਤ੍ਥਾ ਦੇਵਾ ਦੀਘਾਯੁਕਾ ਵਣ੍ਣਵਨ੍ਤੋ ਸੁਖਬਹੁਲਾ’ਤਿ. ਤਸ੍ਸ ਏਵਂ ਹੋਤਿ – ‘ਅਹੋ ਵਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’ਨ੍ਤਿ. ਸੋ ਅਨ੍ਨਂ ਦੇਤਿ…ਪੇ… ਪਾਨਂ ਦੇਤਿ… ਵਤ੍ਥਂ ਦੇਤਿ… ਯਾਨਂ ਦੇਤਿ… ਮਾਲਂ ਦੇਤਿ… ਗਨ੍ਧਂ ਦੇਤਿ… ਵਿਲੇਪਨਂ ਦੇਤਿ… ਸੇਯ੍ਯਂ ਦੇਤਿ… ਆਵਸਥਂ ਦੇਤਿ… ਪਦੀਪੇਯ੍ਯਂ ਦੇਤਿ. ਸੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤਿ. ਅਯਂ ਖੋ, ਭਿਕ੍ਖੁ, ਹੇਤੁ, ਅਯਂ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿਵਤ੍ਥਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ. ਦ੍ਵਾਦਸਸਤਿਮਂ.

(ਏਵਂ ਪਿਣ੍ਡਕੇਨ ਏਕਸਤਞ੍ਚ ਦ੍ਵਾਦਸ ਚ ਸੁਤ੍ਤਨ੍ਤਾ ਹੋਨ੍ਤਿ.)

ਗਨ੍ਧਬ੍ਬਕਾਯਸਂਯੁਤ੍ਤਂ ਸਮਤ੍ਤਂ.