੯. ਭਦ੍ਦਾਕੁਣ੍ਡਲਕੇਸਾਥੇਰੀਗਾਥਾ

੧੦੭. ‘‘ਲੂਨਕੇਸੀ ਪਙ੍ਕਧਰੀ, ਏਕਸਾਟੀ ਪੁਰੇ ਚਰਿਂ;

ਅਵਜ੍ਜੇ ਵਜ੍ਜਮਤਿਨੀ, ਵਜ੍ਜੇ ਚਾਵਜ੍ਜਦਸ੍ਸਿਨੀ.

੧੦੮. ‘‘ਦਿਵਾਵਿਹਾਰਾ ਨਿਕ੍ਖਮ੍ਮ, ਗਿਜ੍ਝਕੂਟਮ੍ਹਿ ਪਬ੍ਬਤੇ;

ਅਦ੍ਦਸਂ ਵਿਰਜਂ ਬੁਦ੍ਧਂ, ਭਿਕ੍ਖੁਸਙ੍ਘਪੁਰਕ੍ਖਤਂ.

੧੦੯. ‘‘ਨਿਹਚ੍ਚ ਜਾਣੁਂ ਵਨ੍ਦਿਤ੍ਵਾ, ਸਮ੍ਮੁਖਾ ਅਞ੍ਜਲਿਂ ਅਕਂ;

‘ਏਹਿ ਭਦ੍ਦੇ’ਤਿ ਮਂ ਅਵਚ, ਸਾ ਮੇ ਆਸੂਪਸਮ੍ਪਦਾ.

੧੧੦. ‘‘ਚਿਣ੍ਣਾ ਅਙ੍ਗਾ ਚ ਮਗਧਾ, ਵਜ੍ਜੀ ਕਾਸੀ ਚ ਕੋਸਲਾ;

ਅਨਣਾ ਪਣ੍ਣਾਸਵਸ੍ਸਾਨਿ, ਰਟ੍ਠਪਿਣ੍ਡਂ ਅਭੁਞ੍ਜਹਂ.

੧੧੧. ‘‘ਪੁਞ੍ਞਂ ਵਤ ਪਸਵਿ ਬਹੁਂ, ਸਪ੍ਪਞ੍ਞੋ ਵਤਾਯਂ ਉਪਾਸਕੋ;

ਯੋ ਭਦ੍ਦਾਯ ਚੀਵਰਂ ਅਦਾਸਿ, ਵਿਪ੍ਪਮੁਤ੍ਤਾਯ ਸਬ੍ਬਗਨ੍ਥੇਹੀ’’ਤਿ.

… ਭਦ੍ਦਾ ਕੁਣ੍ਡਲਕੇਸਾ ਥੇਰੀ….