੩. ਸੀਹਾਥੇਰੀਗਾਥਾ
੭੭. ‘‘ਅਯੋਨਿਸੋ ਮਨਸਿਕਾਰਾ, ਕਾਮਰਾਗੇਨ ਅਟ੍ਟਿਤਾ;
ਅਹੋਸਿਂ ਉਦ੍ਧਤਾ ਪੁਬ੍ਬੇ, ਚਿਤ੍ਤੇ ਅਵਸਵਤ੍ਤਿਨੀ.
੭੮. ‘‘ਪਰਿਯੁਟ੍ਠਿਤਾ ਕ੍ਲੇਸੇਹਿ, ਸੁਭਸਞ੍ਞਾਨੁਵਤ੍ਤਿਨੀ;
ਸਮਂ ਚਿਤ੍ਤਸ੍ਸ ਨ ਲਭਿਂ, ਰਾਗਚਿਤ੍ਤਵਸਾਨੁਗਾ.
੭੯. ‘‘ਕਿਸਾ ਪਣ੍ਡੁ ਵਿਵਣ੍ਣਾ ਚ, ਸਤ੍ਤ ਵਸ੍ਸਾਨਿ ਚਾਰਿਹਂ;
ਨਾਹਂ ਦਿਵਾ ਵਾ ਰਤ੍ਤਿਂ ਵਾ, ਸੁਖਂ ਵਿਨ੍ਦਿਂ ਸੁਦੁਕ੍ਖਿਤਾ.
੮੦. ‘‘ਤਤੋ ਰਜ੍ਜੁਂ ਗਹੇਤ੍ਵਾਨ, ਪਾਵਿਸਿਂ ਵਨਮਨ੍ਤਰਂ;
ਵਰਂ ਮੇ ਇਧ ਉਬ੍ਬਨ੍ਧਂ, ਯਞ੍ਚ ਹੀਨਂ ਪੁਨਾਚਰੇ.
੮੧. ‘‘ਦਲ਼੍ਹਪਾਸਂ [ਦਲ਼੍ਹਂ ਪਾਸਂ (ਸੀ.)] ਕਰਿਤ੍ਵਾਨ, ਰੁਕ੍ਖਸਾਖਾਯ ਬਨ੍ਧਿਯ;
ਪਕ੍ਖਿਪਿਂ ਪਾਸਂ ਗੀਵਾਯਂ, ਅਥ ਚਿਤ੍ਤਂ ਵਿਮੁਚ੍ਚਿ ਮੇ’’ਤਿ.
… ਸੀਹਾ ਥੇਰੀ….