੪੧. ਖਨ੍ਤਿਞਾਣਨਿਦ੍ਦੇਸੋ

੯੨. ਕਥਂ ਵਿਦਿਤਤ੍ਤਾ ਪਞ੍ਞਾ ਖਨ੍ਤਿਞਾਣਂ? ਰੂਪਂ ਅਨਿਚ੍ਚਤੋ ਵਿਦਿਤਂ, ਰੂਪਂ ਦੁਕ੍ਖਤੋ ਵਿਦਿਤਂ, ਰੂਪਂ ਅਨਤ੍ਤਤੋ ਵਿਦਿਤਂ. ਯਂ ਯਂ ਵਿਦਿਤਂ ਤਂ ਤਂ ਖਮਤੀਤਿ – ਵਿਦਿਤਤ੍ਤਾ ਪਞ੍ਞਾ ਖਨ੍ਤਿਞਾਣਂ. ਵੇਦਨਾ…ਪੇ… ਸਞ੍ਞਾ… ਸਙ੍ਖਾਰਾ… ਵਿਞ੍ਞਾਣਂ… ਚਕ੍ਖੁ…ਪੇ… ਜਰਾਮਰਣਂ ਅਨਿਚ੍ਚਤੋ ਵਿਦਿਤਂ, ਜਰਾਮਰਣਂ ਦੁਕ੍ਖਤੋ ਵਿਦਿਤਂ, ਜਰਾਮਰਣਂ ਅਨਤ੍ਤਤੋ ਵਿਦਿਤਂ. ਯਂ ਯਂ ਵਿਦਿਤਂ ਤਂ ਤਂ ਖਮਤੀਤਿ – ਵਿਦਿਤਤ੍ਤਾ ਪਞ੍ਞਾ ਖਨ੍ਤਿਞਾਣਂ. ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ. ਤੇਨ ਵੁਚ੍ਚਤਿ – ‘‘ਵਿਦਿਤਤ੍ਤਾ ਪਞ੍ਞਾ ਖਨ੍ਤਿਞਾਣਂ’’.

ਖਨ੍ਤਿਞਾਣਨਿਦ੍ਦੇਸੋ ਏਕਚਤ੍ਤਾਲੀਸਮੋ.