੪੨. ਪਰਿਯੋਗਾਹਣਞਾਣਨਿਦ੍ਦੇਸੋ

੯੩. ਕਥਂ ਫੁਟ੍ਠਤ੍ਤਾ ਪਞ੍ਞਾ ਪਰਿਯੋਗਾਹਣੇ ਞਾਣਂ? ਰੂਪਂ ਅਨਿਚ੍ਚਤੋ ਫੁਸਤਿ, ਰੂਪਂ ਦੁਕ੍ਖਤੋ ਫੁਸਤਿ, ਰੂਪਂ ਅਨਤ੍ਤਤੋ ਫੁਸਤਿ. ਯਂ ਯਂ ਫੁਸਤਿ ਤਂ ਤਂ ਪਰਿਯੋਗਾਹਤੀਤਿ – ਫੁਟ੍ਠਤ੍ਤਾ ਪਞ੍ਞਾ ਪਰਿਯੋਗਾਹਣੇ ਞਾਣਂ. ਵੇਦਨਂ…ਪੇ… ਸਞ੍ਞਂ… ਸਙ੍ਖਾਰੇ… ਵਿਞ੍ਞਾਣਂ… ਚਕ੍ਖੁਂ…ਪੇ… ਜਰਾਮਰਣਂ ਅਨਿਚ੍ਚਤੋ ਫੁਸਤਿ, ਦੁਕ੍ਖਤੋ ਫੁਸਤਿ, ਅਨਤ੍ਤਤੋ ਫੁਸਤਿ. ਯਂ ਯਂ ਫੁਸਤਿ ਤਂ ਤਂ ਪਰਿਯੋਗਾਹਤੀਤਿ – ਫੁਟ੍ਠਤ੍ਤਾ ਪਞ੍ਞਾ ਪਰਿਯੋਗਾਹਣੇ ਞਾਣਂ. ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ. ਤੇਨ ਵੁਚ੍ਚਤਿ – ‘‘ਫੁਟ੍ਠਤ੍ਤਾ ਪਞ੍ਞਾ ਪਰਿਯੋਗਾਹਣੇ ਞਾਣਂ’’.

ਪਰਿਯੋਗਾਹਣਞਾਣਨਿਦ੍ਦੇਸੋ ਦ੍ਵੇਚਤ੍ਤਾਲੀਸਮੋ.