੧੨. ਭਦ੍ਰਾਵੁਧਮਾਣਵਪੁਚ੍ਛਾ

੧੨੬. ‘‘ਓਕਞ੍ਜਹਂ ਤਣ੍ਹਚ੍ਛਿਦਂ ਅਨੇਜਂ, [ਇਚ੍ਚਾਯਸ੍ਮਾ ਭਦ੍ਰਾਵੁਧੋ]

ਨਨ੍ਦਿਞ੍ਜਹਂ ਓਘਤਿਣ੍ਣਂ ਵਿਮੁਤ੍ਤਂ;

ਕਪ੍ਪਞ੍ਜਹਂ ਅਭਿਯਾਚੇ ਸੁਮੇਧਂ, ਸੁਤ੍ਵਾਨ ਨਾਗਸ੍ਸ ਅਪਨਮਿਸ੍ਸਨ੍ਤਿ ਇਤੋ.

੧੨੭. ‘‘ਨਾਨਾਜਨਾ ਜਨਪਦੇਹਿ ਸਙ੍ਗਤਾ,

ਤਵ ਵੀਰ ਵਾਕ੍ਯਂ ਅਭਿਕਙ੍ਖਮਾਨਾ;

ਤੇਸਂ ਤੁਵਂ ਸਾਧੁ ਵਿਯਾਕਰੋਹਿ, ਤਥਾ ਹਿ ਤੇ ਵਿਦਿਤੋ ਏਸ ਧਮ੍ਮੋ’’.

੧੨੮. ‘‘ਆਦਾਨਤਣ੍ਹਂ ਵਿਨਯੇਥ ਸਬ੍ਬਂ, [ਭਦ੍ਰਾਵੁਧਾਤਿ ਭਗਵਾ]

ਉਦ੍ਧਂ ਅਧੋ ਤਿਰਿਯਞ੍ਚਾਪਿ ਮਜ੍ਝੇ;

ਯਂ ਯਞ੍ਹਿ ਲੋਕਸ੍ਮਿਮੁਪਾਦਿਯਨ੍ਤਿ, ਤੇਨੇਵ ਮਾਰੋ ਅਨ੍ਵੇਤਿ ਜਨ੍ਤੁਂ.

੧੨੯. ‘‘ਤਸ੍ਮਾ ਪਜਾਨਂ ਨ ਉਪਾਦਿਯੇਥ, ਭਿਕ੍ਖੁ ਸਤੋ ਕਿਞ੍ਚਨਂ ਸਬ੍ਬਲੋਕੇ;

ਆਦਾਨਸਤ੍ਤੇ ਇਤਿ ਪੇਕ੍ਖਮਾਨੋ, ਪਜਂ ਇਮਂ ਮਚ੍ਚੁਧੇਯ੍ਯੇ ਵਿਸਤ੍ਤ’’ਨ੍ਤਿ.

ਭਦ੍ਰਾਵੁਧਮਾਣਵਪੁਚ੍ਛਾ ਦ੍ਵਾਦਸਮਾ.