੩. ਬੁਦ੍ਧਸ੍ਸ ਅਨੁਤ੍ਤਰਭਾਵਜਾਨਨਪਞ੍ਹੋ

੩. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਸਕ੍ਕਾ ਜਾਨਿਤੁਂ ‘ਬੁਦ੍ਧੋ ਅਨੁਤ੍ਤਰੋ’’’ਤਿ? ‘‘ਆਮ, ਮਹਾਰਾਜ, ਸਕ੍ਕਾ ਜਾਨਿਤੁਂ ‘ਭਗਵਾ ਅਨੁਤ੍ਤਰੋ’’’ਤਿ. ‘‘ਕਥਂ, ਭਨ੍ਤੇ ਨਾਗਸੇਨ, ਸਕ੍ਕਾ ਜਾਨਿਤੁਂ ‘ਬੁਦ੍ਧੋ ਅਨੁਤ੍ਤਰੋ’’’ਤਿ. ‘‘ਭੂਤਪੁਬ੍ਬਂ, ਮਹਾਰਾਜ, ਤਿਸ੍ਸਤ੍ਥੇਰੋ ਨਾਮ ਲੇਖਾਚਰਿਯੋ ਅਹੋਸਿ, ਬਹੂਨਿ ਵਸ੍ਸਾਨਿ ਅਬ੍ਭਤੀਤਾਨਿ ਕਾਲਙ੍ਕਤਸ੍ਸ ਕਥਂ ਸੋ ਞਾਯਤੀ’’ਤਿ. ‘‘ਲੇਖੇਨ ਭਨ੍ਤੇ’’ਤਿ. ‘‘ਏਵਮੇਵ ਖੋ, ਮਹਾਰਾਜ, ਯੋ ਧਮ੍ਮਂ ਪਸ੍ਸਤਿ, ਸੋ ਭਗਵਨ੍ਤਂ ਪਸ੍ਸਤਿ, ਧਮ੍ਮੋ ਹਿ, ਮਹਾਰਾਜ, ਭਗਵਤਾ ਦੇਸਿਤੋ’’ਤਿ.

‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ.

ਬੁਦ੍ਧਸ੍ਸ ਅਨੁਤ੍ਤਰਭਾਵਜਾਨਨਪਞ੍ਹੋ ਤਤਿਯੋ.