੩੦੬. ਸੁਜਾਤਜਾਤਕਂ (੪-੧-੬)

੨੧. ਕਿਮਣ੍ਡਕਾ ਇਮੇ ਦੇਵ, ਨਿਕ੍ਖਿਤ੍ਤਾ ਕਂਸਮਲ੍ਲਕੇ;

ਉਪਲੋਹਿਤਕਾ ਵਗ੍ਗੂ, ਤਂ [ਤੇ (ਪੀ.)] ਮੇ ਅਕ੍ਖਾਹਿ ਪੁਚ੍ਛਿਤੋ.

੨੨. ਯਾਨਿ ਪੁਰੇ ਤੁਵਂ ਦੇਵਿ, ਭਣ੍ਡੁ ਨਨ੍ਤਕਵਾਸਿਨੀ;

ਉਚ੍ਛਙ੍ਗਹਤ੍ਥਾ ਪਚਿਨਾਸਿ, ਤਸ੍ਸਾ ਤੇ ਕੋਲਿਯਂ ਫਲਂ.

੨੩. ਉਡ੍ਡਯ੍ਹਤੇ ਨ ਰਮਤਿ, ਭੋਗਾ ਵਿਪ੍ਪਜਹਨ੍ਤਿ ਤਂ [ਵਿਪ੍ਪਜਹਨ੍ਤਿ’ਮਂ (?)];

ਤਤ੍ਥੇਵਿਮਂ ਪਟਿਨੇਥ, ਯਤ੍ਥ ਕੋਲਂ ਪਚਿਸ੍ਸਤਿ.

੨੪. ਹੋਨ੍ਤਿ ਹੇਤੇ ਮਹਾਰਾਜ, ਇਦ੍ਧਿਪ੍ਪਤ੍ਤਾਯ [ਇਦ੍ਧਿਮਤ੍ਤਾਯ (ਕ.)] ਨਾਰਿਯਾ;

ਖਮ ਦੇਵ ਸੁਜਾਤਾਯ, ਮਾਸ੍ਸਾ [ਮਾਸੁ (ਕ.)] ਕੁਜ੍ਝ ਰਥੇਸਭਾਤਿ.

ਸੁਜਾਤਜਾਤਕਂ ਛਟ੍ਠਂ.