੨. ਸੀਲਵਗ੍ਗੋ

੧੧. ਹੋਤਿ ਸੀਲਵਤਂ ਅਤ੍ਥੋ, ਪਟਿਸਨ੍ਥਾਰ [ਪਟਿਸਨ੍ਧਾਰ (ਕ.)] ਵੁਤ੍ਤਿਨਂ;

ਲਕ੍ਖਣਂ ਪਸ੍ਸ ਆਯਨ੍ਤਂ, ਞਾਤਿਸਙ੍ਘਪੁਰਕ੍ਖਤਂ [ਪੁਰਕ੍ਖਿਤਂ (ਸ੍ਯਾ.), ਪੁਰੇਕ੍ਖਿਤਂ (ਕ.)];

ਅਥ ਪਸ੍ਸਸਿਮਂ ਕਾਲ਼ਂ, ਸੁਵਿਹੀਨਂਵ ਞਾਤਿਭੀਤਿ.

ਲਕ੍ਖਣਮਿਗਜਾਤਕਂ ਪਠਮਂ.

੧੨. ਨਿਗ੍ਰੋਧਮੇਵ ਸੇਵੇਯ੍ਯ, ਨ ਸਾਖਮੁਪਸਂਵਸੇ;

ਨਿਗ੍ਰੋਧਸ੍ਮਿਂ ਮਤਂ ਸੇਯ੍ਯੋ, ਯਞ੍ਚੇ ਸਾਖਸ੍ਮਿ [ਸਾਖਸ੍ਮਿਂ (ਸੀ. ਪੀ.)] ਜੀਵਿਤਨ੍ਤਿ.

ਨਿਗ੍ਰੋਧਮਿਗਜਾਤਕਂ ਦੁਤਿਯਂ.

੧੩. ਧਿਰਤ੍ਥੁ ਕਣ੍ਡਿਨਂ ਸਲ੍ਲਂ, ਪੁਰਿਸਂ ਗਾਲ਼੍ਹਵੇਧਿਨਂ;

ਧਿਰਤ੍ਥੁ ਤਂ ਜਨਪਦਂ, ਯਤ੍ਥਿਤ੍ਥੀ ਪਰਿਣਾਯਿਕਾ;

ਤੇ ਚਾਪਿ ਧਿਕ੍ਕਿਤਾ [ਧਿਕ੍ਕਤਾ (?)] ਸਤ੍ਤਾ, ਯੇ ਇਤ੍ਥੀਨਂ ਵਸਂਗਤਾਤਿ.

ਕਣ੍ਡਿਜਾਤਕਂ ਤਤਿਯਂ.

੧੪. ਨ ਕਿਰਤ੍ਥਿ ਰਸੇਹਿ ਪਾਪਿਯੋ, ਆਵਾਸੇਹਿ ਵ [ਵਾ (ਸਬ੍ਬਤ੍ਥ)] ਸਨ੍ਥਵੇਹਿ ਵਾ;

ਵਾਤਮਿਗਂ ਗਹਨਨਿਸ੍ਸਿਤਂ [ਗੇਹਨਿਸ੍ਸਿਤਂ (ਸੀ. ਪੀ.)], ਵਸਮਾਨੇਸਿ ਰਸੇਹਿ ਸਞ੍ਜਯੋਤਿ.

ਵਾਤਮਿਗਜਾਤਕਂ ਚਤੁਤ੍ਥਂ.

੧੫. ਅਟ੍ਠਕ੍ਖੁਰਂ ਖਰਾਦਿਯੇ, ਮਿਗਂ ਵਙ੍ਕਾਤਿਵਙ੍ਕਿਨਂ;

ਸਤ੍ਤਹਿ ਕਾਲਾਤਿਕ੍ਕਨ੍ਤਂ [ਸਤ੍ਤਹਿ ਕਲਾਹ’ਤਿਕ੍ਕਨ੍ਤਂ (ਸੀ.), ਸਤ੍ਤਕਾਲੇਹ’ਤਿਕ੍ਕਨ੍ਤਂ (ਸ੍ਯਾ.), ਸਤ੍ਤਹਿ ਕਾਲਾਹ’ਤਿਕ੍ਕਨ੍ਤਂ (ਪੀ.)], ਨ ਨਂ ਓਵਦਿਤੁਸ੍ਸਹੇਤਿ.

ਖਰਾਦਿਯਜਾਤਕਂ ਪਞ੍ਚਮਂ.

੧੬. ਮਿਗਂ ਤਿਪਲ੍ਲਤ੍ਥ [ਤਿਪਲ੍ਲਤ੍ਤ (ਕ.)] ਮਨੇਕਮਾਯਂ, ਅਟ੍ਠਕ੍ਖੁਰਂ ਅਡ੍ਢਰਤ੍ਤਾਪਪਾਯਿਂ [ਅਡ੍ਢਰਤ੍ਤਾਵਪਾਯਿਂ (ਸੀ. ਪੀ.)];

ਏਕੇਨ ਸੋਤੇਨ ਛਮਾਸ੍ਸਸਨ੍ਤੋ, ਛਹਿ ਕਲਾਹਿਤਿਭੋਤਿ [ਕਲਾਹਤਿਭੋਤਿ (ਸੀ. ਸ੍ਯਾ. ਪੀ.)] ਭਾਗਿਨੇਯ੍ਯੋਤਿ.

ਤਿਪਲ੍ਲਤ੍ਥਮਿਗਜਾਤਕਂ ਛਟ੍ਠਂ.

੧੭. ਕਾਲ਼ੇ ਵਾ ਯਦਿ ਵਾ ਜੁਣ੍ਹੇ, ਯਦਾ ਵਾਯਤਿ ਮਾਲੁਤੋ;

ਵਾਤਜਾਨਿ ਹਿ ਸੀਤਾਨਿ, ਉਭੋਤ੍ਥਮਪਰਾਜਿਤਾਤਿ.

ਮਾਲੁਤਜਾਤਕਂ ਸਤ੍ਤਮਂ.

੧੮. ਏਵਂ ਚੇ ਸਤ੍ਤਾ ਜਾਨੇਯ੍ਯੁਂ, ਦੁਕ੍ਖਾਯਂ ਜਾਤਿਸਮ੍ਭਵੋ;

ਨ ਪਾਣੋ ਪਾਣਿਨਂ ਹਞ੍ਞੇ, ਪਾਣਘਾਤੀ ਹਿ ਸੋਚਤੀਤਿ.

ਮਤਕਭਤ੍ਤਜਾਤਕਂ ਅਟ੍ਠਮਂ.

੧੯. ਸਚੇ ਮੁਚ੍ਚੇ [ਮੁਞ੍ਚੇ (ਸੀ. ਸ੍ਯਾ. ਪੀ.)] ਪੇਚ੍ਚ ਮੁਚ੍ਚੇ [ਮੁਞ੍ਚੇ (ਸੀ. ਸ੍ਯਾ. ਪੀ.)], ਮੁਚ੍ਚਮਾਨੋ ਹਿ ਬਜ੍ਝਤਿ;

ਨ ਹੇਵਂ ਧੀਰਾ ਮੁਚ੍ਚਨ੍ਤਿ, ਮੁਤ੍ਤਿ ਬਾਲਸ੍ਸ ਬਨ੍ਧਨਨ੍ਤਿ.

ਆਯਾਚਿਤਭਤ੍ਤਜਾਤਕਂ ਨਵਮਂ.

੨੦. ਦਿਸ੍ਵਾ ਪਦਮਨੁਤ੍ਤਿਣ੍ਣਂ, ਦਿਸ੍ਵਾਨੋਤਰਿਤਂ ਪਦਂ;

ਨਲ਼ੇਨ ਵਾਰਿਂ ਪਿਸ੍ਸਾਮ [ਪਿਵਿਸ੍ਸਾਮ (ਸੀ. ਸ੍ਯਾ. ਪੀ.)], ਨੇਵ [ਨ ਚ (ਕ.)] ਮਂ ਤ੍ਵਂ ਵਧਿਸ੍ਸਸੀਤਿ.

ਨਲ਼ਪਾਨਜਾਤਕਂ ਦਸਮਂ.

ਸੀਲਵਗ੍ਗੋ ਦੁਤਿਯੋ.

ਤਸ੍ਸੁਦ੍ਦਾਨਂ –

ਅਥ ਲਕ੍ਖਣ ਸਾਖ ਧਿਰਤ੍ਥੁ ਪੁਨ, ਨ ਕਿਰਤ੍ਥਿ ਰਸੇਹਿ ਖਰਾਦਿਯਾ;

ਅਤਿਭੋਤਿ ਵਰ [ਰਸ (ਸਬ੍ਬਤ੍ਥ)] ਮਾਲੁਤ ਪਾਣ, ਮੁਚ੍ਚੇਨ ਨਲ਼ਅਵ੍ਹਯਨੇਨ ਭਵਨ੍ਤਿ ਦਸਾਤਿ.