੧੪. ਏਕਰਾਜਚਰਿਯਾ

੧੧੪. ‘‘ਪੁਨਾਪਰਂ ਯਦਾ ਹੋਮਿ, ਏਕਰਾਜਾਤਿ ਵਿਸ੍ਸੁਤੋ;

ਪਰਮਂ ਸੀਲਂ ਅਧਿਟ੍ਠਾਯ, ਪਸਾਸਾਮਿ ਮਹਾਮਹਿਂ.

੧੧੫. ‘‘ਦਸ ਕੁਸਲਕਮ੍ਮਪਥੇ, ਵਤ੍ਤਾਮਿ ਅਨਵਸੇਸਤੋ;

ਚਤੂਹਿ ਸਙ੍ਗਹਵਤ੍ਥੂਹਿ, ਸਙ੍ਗਣ੍ਹਾਮਿ [ਸਙ੍ਗਹਾਮਿ (ਕ.)] ਮਹਾਜਨਂ.

੧੧੬. ‘‘ਏਵਂ ਮੇ ਅਪ੍ਪਮਤ੍ਤਸ੍ਸ, ਇਧ ਲੋਕੇ ਪਰਤ੍ਥ ਚ;

ਦਬ੍ਬਸੇਨੋ ਉਪਗਨ੍ਤ੍ਵਾ, ਅਚ੍ਛਿਨ੍ਦਨ੍ਤੋ ਪੁਰਂ ਮਮ.

੧੧੭. ‘‘ਰਾਜੂਪਜੀਵੇ ਨਿਗਮੇ, ਸਬਲਟ੍ਠੇ ਸਰਟ੍ਠਕੇ;

ਸਬ੍ਬਂ ਹਤ੍ਥਗਤਂ ਕਤ੍ਵਾ, ਕਾਸੁਯਾ ਨਿਖਣੀ ਮਮਂ.

੧੧੮. ‘‘ਅਮਚ੍ਚਮਣ੍ਡਲਂ ਰਜ੍ਜਂ, ਫੀਤਂ ਅਨ੍ਤੇਪੁਰਂ ਮਮ;

ਅਚ੍ਛਿਨ੍ਦਿਤ੍ਵਾਨ ਗਹਿਤਂ, ਪਿਯਂ ਪੁਤ੍ਤਂਵ ਪਸ੍ਸਹਂ;

ਮੇਤ੍ਤਾਯ ਮੇ ਸਮੋ ਨਤ੍ਥਿ, ਏਸਾ ਮੇ ਮੇਤ੍ਤਾਪਾਰਮੀ’’ਤਿ.

ਏਕਰਾਜਚਰਿਯਂ ਚੁਦ੍ਦਸਮਂ.