੧੦. ਖੋਮਦਾਯਕਤ੍ਥੇਰਅਪਦਾਨਂ

੧੮੪. ‘‘ਨਗਰੇ ਬਨ੍ਧੁਮਤਿਯਾ, ਅਹੋਸਿਂ ਵਾਣਿਜੋ ਤਦਾ;

ਤੇਨੇਵ ਦਾਰਂ ਪੋਸੇਮਿ, ਰੋਪੇਮਿ ਬੀਜਸਮ੍ਪਦਂ.

੧੮੫. ‘‘ਰਥਿਯਂ ਪਟਿਪਨ੍ਨਸ੍ਸ, ਵਿਪਸ੍ਸਿਸ੍ਸ ਮਹੇਸਿਨੋ;

ਏਕਂ ਖੋਮਂ ਮਯਾ ਦਿਨ੍ਨਂ, ਕੁਸਲਤ੍ਥਾਯ ਸਤ੍ਥੁਨੋ.

੧੮੬. ‘‘ਏਕਨਵੁਤਿਤੋ ਕਪ੍ਪੇ, ਯਂ ਖੋਮਮਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਖੋਮਦਾਨਸ੍ਸਿਦਂ ਫਲਂ.

੧੮੭. ‘‘ਸਤ੍ਤਰਸੇ [ਸਤ੍ਤਵੀਸੇ (ਸੀ. ਸ੍ਯਾ.)] ਇਤੋ ਕਪ੍ਪੇ, ਏਕੋ ਸਿਨ੍ਧਵਸਨ੍ਧਨੋ;

ਸਤ੍ਤਰਤਨਸਮ੍ਪਨ੍ਨੋ, ਚਤੁਦੀਪਮ੍ਹਿ ਇਸ੍ਸਰੋ.

੧੮੮. ‘‘ਪਟਿਸਮ੍ਭਿਦਾ ਚਤਸ੍ਸੋ, ਵਿਮੋਕ੍ਖਾਪਿ ਚ ਅਟ੍ਠਿਮੇ;

ਛਲ਼ਭਿਞ੍ਞਾ ਸਚ੍ਛਿਕਤਾ, ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਖੋਮਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਖੋਮਦਾਯਕਤ੍ਥੇਰਸ੍ਸਾਪਦਾਨਂ ਦਸਮਂ.

ਤਸ੍ਸੁਦ੍ਦਾਨਂ –

ਸੁਸੂਤਿ ਉਪਵਾਨੋ ਚ, ਸਰਣੋ ਸੀਲਗਾਹਕੋ;

ਅਨ੍ਨਸਂਸਾਵਕੋ ਖੋਮਦਾਯੀ ਚ, ਦਸੇਵ ਤਤਿਯੇ ਗਣੇ;

ਅਞ੍ਜਲੀ ਖੋਮਦਾਯੀ ਚ, ਦਸੇਵ ਤਤਿਯੇ ਗਣੇ;

ਪਞ੍ਚਾਲੀਸੀਤਿਸਤਂ ਵੁਤ੍ਤਾ, ਗਾਥਾਯੋ ਸਬ੍ਬਪਿਣ੍ਡਿਤਾ.

ਸੁਭੂਤਿਵਗ੍ਗੋ ਤਤਿਯੋ.