੪. ਆਰਕ੍ਖਦਾਯਕਤ੍ਥੇਰਅਪਦਾਨਂ

੧੯. ‘‘ਸਿਦ੍ਧਤ੍ਥਸ੍ਸ ਭਗਵਤੋ, ਵੇਦਿ ਕਾਰਾਪਿਤਾ [ਵੇਦਿਕਾ ਕਾਰਿਤਾ (ਸ੍ਯਾ.)] ਮਯਾ;

ਆਰਕ੍ਖੋ ਚ ਮਯਾ ਦਿਨ੍ਨੋ, ਸੁਗਤਸ੍ਸ ਮਹੇਸਿਨੋ.

੨੦. ‘‘ਤੇਨ ਕਮ੍ਮਵਿਸੇਸੇਨ, ਨ ਪਸ੍ਸਿਂ ਭਯਭੇਰਵਂ;

ਕੁਹਿਞ੍ਚਿ ਉਪਪਨ੍ਨਸ੍ਸ, ਤਾਸੋ ਮਯ੍ਹਂ ਨ ਵਿਜ੍ਜਤਿ.

੨੧. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਵੇਦਿਂ ਕਾਰਯਿਂ ਪੁਰੇ;

ਦੁਗ੍ਗਤਿਂ ਨਾਭਿਜਾਨਾਮਿ, ਵੇਦਿਕਾਯ ਇਦਂ ਫਲਂ.

੨੨. ‘‘ਇਤੋ ਛਟ੍ਠਮ੍ਹਿ ਕਪ੍ਪਮ੍ਹਿ, ਅਪਸ੍ਸੇਨਸਨਾਮਕੋ;

ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.

੨੩. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਆਰਕ੍ਖਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਆਰਕ੍ਖਦਾਯਕਤ੍ਥੇਰਸ੍ਸਾਪਦਾਨਂ ਚਤੁਤ੍ਥਂ.