੧੦. ਦਸਮਸਿਕ੍ਖਾਪਦਵਣ੍ਣਨਾ

੧੧੬੪. ਦਸਮੇ – ਅਨਾਪੁਚ੍ਛਾਤਿ ਅਨਾਪੁਚ੍ਛਿਤ੍ਵਾ. ਭਿਕ੍ਖੁਨੀਹਿ ਦ੍ਵਿਕ੍ਖਤ੍ਤੁਂ ਆਪੁਚ੍ਛਿਤਬ੍ਬਂ – ਪਬ੍ਬਜ੍ਜਾਕਾਲੇ ਚ ਉਪਸਮ੍ਪਦਾਕਾਲੇ ਚ, ਭਿਕ੍ਖੂਨਂ ਪਨ ਸਕਿਂ ਆਪੁਚ੍ਛਿਤੇਪਿ ਵਟ੍ਟਤਿ.

੧੧੬੫. ਅਜਾਨਨ੍ਤੀਤਿ ਮਾਤਾਦੀਨਂ ਅਤ੍ਥਿਭਾਵਂ ਅਜਾਨਨ੍ਤੀ. ਸੇਸਂ ਉਤ੍ਤਾਨਮੇਵ. ਇਦਂ ਅਪੁਬ੍ਬਸਮੁਟ੍ਠਾਨਸੀਸਂ. ਚਤੁਸਮੁਟ੍ਠਾਨਂ – ਵਾਚਤੋ ਕਾਯਵਾਚਤੋ ਵਾਚਾਚਿਤ੍ਤਤੋ ਕਾਯਵਾਚਾਚਿਤ੍ਤਤੋ ਚ ਸਮੁਟ੍ਠਾਤਿ. ਕਥਂ? ਅਬ੍ਭਾਨਕਮ੍ਮਾਦੀਸੁ ਕੇਨਚਿਦੇਵ ਕਰਣੀਯੇਨ ਖਣ੍ਡਸੀਮਾਯਂ ਨਿਸਿਨ੍ਨਾ ‘‘ਪਕ੍ਕੋਸਥ ਸਿਕ੍ਖਮਾਨਂ, ਇਧੇਵ ਨਂ ਉਪਸਮ੍ਪਾਦੇਸ੍ਸਾਮਾ’’ਤਿ ਉਪਸਮ੍ਪਾਦੇਤਿ; ਏਵਂ ਵਾਚਤੋ ਸਮੁਟ੍ਠਾਤਿ. ਉਪਸ੍ਸਯਤੋ ਪਟ੍ਠਾਯ ਉਪਸਮ੍ਪਾਦੇਸ੍ਸਾਮੀਤਿ ਵਤ੍ਵਾ ਖਣ੍ਡਸੀਮਂ ਗਚ੍ਛਨ੍ਤਿਯਾ ਕਾਯਵਾਚਤੋ ਸਮੁਟ੍ਠਾਤਿ. ਦ੍ਵੀਸੁਪਿ ਠਾਨੇਸੁ ਪਣ੍ਣਤ੍ਤਿਭਾਵਂ ਜਾਨਿਤ੍ਵਾਵ ਵੀਤਿਕ੍ਕਮਂ ਕਰੋਨ੍ਤਿਯਾ ਵਾਚਾਚਿਤ੍ਤਤੋ ਕਾਯਵਾਚਾਚਿਤ੍ਤਤੋ ਚ ਸਮੁਟ੍ਠਾਤਿ. ਅਨਨੁਜਾਨਾਪੇਤ੍ਵਾ ਉਪਸਮ੍ਪਾਦਨਤੋ ਕਿਰਿਯਾਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਦਸਮਸਿਕ੍ਖਾਪਦਂ.