੮. ਅਟ੍ਠਮਸਿਕ੍ਖਾਪਦਵਣ੍ਣਨਾ

੮੨੪. ਅਟ੍ਠਮੇ – ਨਿਬ੍ਬਿਟ੍ਠੋ ਰਾਜਭਟੋ ਰਞ੍ਞੋ ਭਤਿ ਕੇਣਿ ਏਤੇਨਾਤਿ ਨਿਬ੍ਬਿਟ੍ਠਰਾਜਭਟੋ, ਏਕਂ ਠਾਨਨ੍ਤਰਂ ਕੇਣਿਯਾ ਗਹੇਤ੍ਵਾ ਤਤੋ ਲਦ੍ਧਉਦਯੋਤਿ ਅਤ੍ਥੋ. ਤਞ੍ਞੇਵ ਭਟਪਥਂ ਯਾਚਿਸ੍ਸਾਮੀਤਿ ਰਞ੍ਞੋ ਕੇਣਿਂ ਦਤ੍ਵਾ ਪੁਨ ਤਂਯੇਵ ਠਾਨਨ੍ਤਰਂ ਯਾਚਿਸ੍ਸਾਮੀਤਿ ਚਿਨ੍ਤੇਨ੍ਤੋ. ਪਰਿਭਾਸੀਤਿ ਤਾ ਭਿਕ੍ਖੁਨਿਯੋ ‘‘ਮਾ ਪੁਨ ਏਵਂ ਕਰਿਤ੍ਥਾ’’ਤਿ ਸਨ੍ਤਜ੍ਜੇਸਿ.

੮੨੬. ਸਯਂ ਛਡ੍ਡੇਤੀਤਿ ਚਤ੍ਤਾਰਿਪਿ ਵਤ੍ਥੂਨਿ ਏਕਪਯੋਗੇਨ ਛਡ੍ਡੇਨ੍ਤਿਯਾ ਏਕਾਵ ਆਪਤ੍ਤਿ, ਪਾਟੇਕ੍ਕਂ ਛਡ੍ਡੇਨ੍ਤਿਯਾ ਵਤ੍ਥੁਗਣਨਾਯ ਆਪਤ੍ਤਿਯੋ. ਆਣਤ੍ਤਿਯਮ੍ਪਿ ਏਸੇਵ ਨਯੋ. ਦਨ੍ਤਕਟ੍ਠਛਡ੍ਡਨੇਪਿ ਭਿਕ੍ਖੁਨਿਯਾ ਪਾਚਿਤ੍ਤਿਯਮੇਵ. ਭਿਕ੍ਖੁਸ੍ਸ ਸਬ੍ਬਤ੍ਥ ਦੁਕ੍ਕਟਂ. ਸੇਸਂ ਉਤ੍ਤਾਨਮੇਵ.

ਛਸਮੁਟ੍ਠਾਨਂ – ਕਿਰਿਯਾਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਅਟ੍ਠਮਸਿਕ੍ਖਾਪਦਂ.