੯. ਨਵਮਸਙ੍ਘਾਦਿਸੇਸਸਿਕ੍ਖਾਪਦਵਣ੍ਣਨਾ

੭੨੩. ਨਵਮੇ – ਸਂਸਟ੍ਠਾਤਿ ਮਿਸ੍ਸੀਭੂਤਾ. ਅਨਨੁਲੋਮਿਕੇਨਾਤਿ ਪਬ੍ਬਜਿਤਾਨਂ ਅਨਨੁਲੋਮੇਨ ਕਾਯਿਕਵਾਚਸਿਕੇਨ. ਸਂਸਟ੍ਠਾਤਿ ਗਿਹੀਨਂ ਕੋਟ੍ਟਨਪਚਨਗਨ੍ਧਪਿਸਨਮਾਲਾਗਨ੍ਥਨਾਦਿਨਾ ਕਾਯਿਕੇਨ ਸਾਸਨਪਟਿਸਾਸਨਾਹਰਣਸਞ੍ਚਰਿਤ੍ਤਾਦਿਨਾ ਵਾਚਸਿਕੇਨ ਚ ਸਂਸਟ੍ਠਾ. ਪਾਪੋ ਕਿਤ੍ਤਿਸਦ੍ਦੋ ਏਤਾਸਨ੍ਤਿ ਪਾਪਸਦ੍ਦਾ. ਪਾਪੋ ਆਜੀਵਸਙ੍ਖਾਤੋ ਸਿਲੋਕੋ ਏਤਾਸਨ੍ਤਿ ਪਾਪਸਿਲੋਕਾ. ਸੇਸਂ ਉਤ੍ਤਾਨਮੇਵ ਸਦ੍ਧਿਂ ਸਮੁਟ੍ਠਾਨਾਦੀਹੀਤਿ.

ਨਵਮਸਿਕ੍ਖਾਪਦਂ.