੪. ਤੀਹਿਧਮ੍ਮੇਹਿਸੁਤ੍ਤਾਦਿਵਣ੍ਣਨਾ

੨੮੩-੩੦੩. ਚਤੁਤ੍ਥੇ ਮਚ੍ਛੇਰਮਲਪਰਿਯੁਟ੍ਠਿਤੇਨਾਤਿ ਪੁਬ੍ਬਣ੍ਹਸਮਯਸ੍ਮਿਞ੍ਹਿ ਮਾਤੁਗਾਮੋ ਖੀਰਦਧਿਸਙ੍ਗੋਪਨਰਨ੍ਧਨਪਚਨਾਦੀਨਿ ਕਾਤੁਂ ਆਰਦ੍ਧੋ, ਪੁਤ੍ਤਕੇਹਿਪਿ ਯਾਚਿਯਮਾਨੋ ਕਿਞ੍ਚਿ ਦਾਤੁਂ ਨ ਇਚ੍ਛਤਿ. ਤੇਨੇਤਂ ਵੁਤ੍ਤਂ ‘‘ਪੁਬ੍ਬਣ੍ਹਸਮਯਂ ਮਚ੍ਛੇਰਮਲਪਰਿਯੁਟ੍ਠਿਤੇਨ ਚੇਤਸਾ’’ਤਿ. ਮਜ੍ਝਨ੍ਹਿਕਸਮਯੇ ਪਨ ਮਾਤੁਗਾਮੋ ਕੋਧਾਭਿਭੂਤੋਵ ਹੋਤਿ, ਅਨ੍ਤੋਘਰੇ ਕਲਹਂ ਅਲਭਨ੍ਤੋ ਪਟਿਵਿਸ੍ਸਕਘਰਮ੍ਪਿ ਗਨ੍ਤ੍ਵਾ ਕਲਹਂ ਕਰੋਤਿ, ਸਾਮਿਕਸ੍ਸ ਚ ਠਿਤਨਿਸਿਨ੍ਨਟ੍ਠਾਨਾਨਿ ਵਿਲੋਕੇਨ੍ਤੋ ਵਿਚਰਤਿ. ਤੇਨ ਵੁਤ੍ਤਂ ‘‘ਮਜ੍ਝਨ੍ਹਿਕਸਮਯਂ ਇਸ੍ਸਾਪਰਿਯੁਟ੍ਠਿਤੇਨ ਚੇਤਸਾ’’ਤਿ. ਸਾਯਨ੍ਹੇ ਪਨਸ੍ਸਾ ਅਸਦ੍ਧਮ੍ਮਪਟਿਸੇਵਨਾਯ ਚਿਤ੍ਤਂ ਨਮਤਿ. ਤੇਨ ਵੁਤ੍ਤਂ ‘‘ਸਾਯਨ੍ਹਸਮਯਂ ਕਾਮਰਾਗਪਰਿਯੁਟ੍ਠਿਤੇਨ ਚੇਤਸਾ’’ਤਿ. ਪਞ੍ਚਮਾਦੀਨਿ ਉਤ੍ਤਾਨਤ੍ਥਾਨੇਵ.