੩. ਤਿਂਸਮਤ੍ਤਸੁਤ੍ਤਵਣ੍ਣਨਾ

੧੩੬. ਤਤਿਯੇ ਪਾਵੇਯ੍ਯਕਾਤਿ ਪਾਵੇਯ੍ਯਦੇਸਵਾਸਿਨੋ. ਸਬ੍ਬੇ ਆਰਞ੍ਞਿਕਾਤਿਆਦੀਸੁ ਧੁਤਙ੍ਗਸਮਾਦਾਨਵਸੇਨ ਤੇਸਂ ਆਰਞ੍ਞਿਕਾਦਿਭਾਵੋ ਵੇਦਿਤਬ੍ਬੋ. ਸਬ੍ਬੇ ਸਸਂਯੋਜਨਾਤਿ ਸਬ੍ਬੇ ਸਬਨ੍ਧਨਾ, ਕੇਚਿ ਸੋਤਾਪਨ੍ਨਾ, ਕੇਚਿ ਸਕਦਾਗਾਮਿਨੋ, ਕੇਚਿ ਅਨਾਗਾਮਿਨੋ. ਤੇਸੁ ਹਿ ਪੁਥੁਜ੍ਜਨੋ ਵਾ ਖੀਣਾਸਵੋ ਵਾ ਨਤ੍ਥਿ. ਗੁਨ੍ਨਨ੍ਤਿਆਦੀਸੁ ਸੇਤਕਾਲ਼ਾਦਿਵਣ੍ਣੇਸੁ ਏਕੇਕਵਣ੍ਣਕਾਲੋਵ ਗਹੇਤਬ੍ਬੋ. ਪਾਰਿਪਨ੍ਥਕਾਤਿ ਪਰਿਪਨ੍ਥੇ ਤਿਟ੍ਠਨਕਾ ਪਨ੍ਥਘਾਤਚੋਰਾ. ਪਾਰਦਾਰਿਕਾਤਿ ਪਰਦਾਰਚਾਰਿਤ੍ਤਂ ਆਪਜ੍ਜਨਕਾ. ਤਤਿਯਂ.