੩. ਸਕਲਿਕਸੁਤ੍ਤਵਣ੍ਣਨਾ

੧੪੯. ਤਤਿਯੇ ਮਨ੍ਦਿਯਾ ਨੂਤਿ ਮਨ੍ਦਭਾਵੇਨ ਮੋਮੂਹਭਾਵੇਨ. ਉਦਾਹੁ ਕਾਵੇਯ੍ਯਮਤ੍ਤੋਤਿ ਉਦਾਹੁ ਯਥਾ ਕਵਿ ਕਬ੍ਬਂ ਚਿਨ੍ਤੇਨ੍ਤੋ ਤੇਨ ਕਬ੍ਬਕਰਣੇਨ ਮਤ੍ਤੋ ਸਯਤਿ, ਏਵਂ ਸਯਸਿ. ਸਮ੍ਪਚੁਰਾਤਿ ਬਹਵੋ. ਕਿਮਿਦਂ ਸੋਪ੍ਪਸੇ ਵਾਤਿ ਕਸ੍ਮਾ ਇਦਂ ਸੋਪ੍ਪਂ ਸੋਪ੍ਪਸਿਯੇਵ? ਅਤ੍ਥਂ ਸਮੇਚ੍ਚਾਤਿ ਅਤ੍ਥਂ ਸਮਾਗਨ੍ਤ੍ਵਾ ਪਾਪੁਣਿਤ੍ਵਾ. ਮਯ੍ਹਂ ਹਿ ਅਸਙ੍ਗਹੋ ਨਾਮ ਸਙ੍ਗਹਵਿਪਨ੍ਨੋ ਵਾ ਅਤ੍ਥੋ ਨਤ੍ਥਿ. ਸਲ੍ਲਨ੍ਤਿ ਤਿਖਿਣਂ ਸਤ੍ਤਿਸਲ੍ਲਂ. ਜਗ੍ਗਂ ਨ ਸਙ੍ਕੇਤਿ ਯਥਾ ਏਕਚ੍ਚੋ ਸੀਹਪਥਾਦੀਸੁ ਜਗ੍ਗਨ੍ਤੋ ਸਙ੍ਕਤਿ, ਤਥਾ ਅਹਂ ਜਗ੍ਗਨ੍ਤੋਪਿ ਨ ਸਙ੍ਕਾਮਿ. ਨਪਿ ਭੇਮਿ ਸੋਤ੍ਤੁਨ੍ਤਿ ਯਥਾ ਏਕਚ੍ਚੋ ਸੀਹਪਥਾਦੀਸੁਯੇਵ ਸੁਪਿਤੁਂ ਭਾਯਤਿ, ਏਵਂ ਅਹਂ ਸੁਪਿਤੁਮ੍ਪਿ ਨ ਭਾਯਾਮਿ. ਨਾਨੁਤਪਨ੍ਤਿ ਮਾਮਨ੍ਤਿ ਯਥਾ ਆਚਰਿਯਸ੍ਸ ਵਾ ਅਨ੍ਤੇਵਾਸਿਕਸ੍ਸ ਵਾ ਅਫਾਸੁਕੇ ਜਾਤੇ ਉਦ੍ਦੇਸਪਰਿਪੁਚ੍ਛਾਯ ਠਿਤਤ੍ਤਾ ਅਨ੍ਤੇਵਾਸਿਂ ਰਤ੍ਤਿਨ੍ਦਿਵਾ ਅਤਿਕ੍ਕਮਨ੍ਤਾ ਅਨੁਤਪਨ੍ਤਿ, ਏਵਂ ਮਂ ਨਾਨੁਤਪਨ੍ਤਿ. ਨ ਹਿ ਮਯ੍ਹਂ ਕਿਞ੍ਚਿ ਅਪਰਿਨਿਟ੍ਠਿਤਕਮ੍ਮਂ ਨਾਮ ਅਤ੍ਥਿ. ਤੇਨੇਵਾਹ ਹਾਨਿਂ ਨ ਪਸ੍ਸਾਮਿ ਕੁਹਿਞ੍ਚਿ ਲੋਕੇਤਿ. ਤਤਿਯਂ.