੫-੬. ਚਨ੍ਦਨਸੁਤ੍ਤਾਦਿਵਣ੍ਣਨਾ

੯੬. ਪਞ੍ਚਮੇ ਅਪ੍ਪਤਿਟ੍ਠੇ ਅਨਾਲਮ੍ਬੇਤਿ ਹੇਟ੍ਠਾ ਅਪਤਿਟ੍ਠੇ ਉਪਰਿ ਅਨਾਲਮ੍ਬਨੇ. ਸੁਸਮਾਹਿਤੋਤਿ ਅਪ੍ਪਨਾਯਪਿ ਉਪਚਾਰੇਨਪਿ ਸੁਟ੍ਠੁ ਸਮਾਹਿਤੋ. ਪਹਿਤਤ੍ਤੋਤਿ ਪੇਸਿਤਤ੍ਤੋ. ਨਨ੍ਦੀਰਾਗਪਰਿਕ੍ਖੀਣੋਤਿ ਪਰਿਕ੍ਖੀਣਨਨ੍ਦੀਰਾਗੋ. ਨਨ੍ਦੀਰਾਗੋ ਨਾਮ ਤਯੋ ਕਮ੍ਮਾਭਿਸਙ੍ਖਾਰਾ. ਇਤਿ ਇਮਾਯ ਗਾਥਾਯ ਕਾਮਸਞ੍ਞਾਗਹਣੇਨ ਪਞ੍ਚੋਰਮ੍ਭਾਗਿਯਸਂਯੋਜਨਾਨਿ, ਰੂਪਸਂਯੋਜਨਗਹਣੇਨ ਪਞ੍ਚ ਉਦ੍ਧਮ੍ਭਾਗਿਯਸਂਯੋਜਨਾਨਿ, ਨਨ੍ਦੀਰਾਗੇਨ ਤਯੋ ਕਮ੍ਮਾਭਿਸਙ੍ਖਾਰਾ ਗਹਿਤਾ. ਏਵਂ ਯਸ੍ਸ ਦਸ ਸਂਯੋਜਨਾਨਿ ਤਯੋ ਚ ਕਮ੍ਮਾਭਿਸਙ੍ਖਾਰਾ ਪਹੀਨਾ, ਸੋ ਗਮ੍ਭੀਰੇ ਮਹੋਘੇ ਨ ਸੀਦਤੀਤਿ. ਕਾਮਸਞ੍ਞਾਯ ਵਾ ਕਾਮਭਵੋ, ਰੂਪਸਂਯੋਜਨੇਨ ਰੂਪਭਵੋ ਗਹਿਤੋ, ਤੇਸਂ ਗਹਣੇਨ ਅਰੂਪਭਵੋ ਗਹਿਤੋਵ, ਨਨ੍ਦੀਰਾਗੇਨ ਤਯੋ ਕਮ੍ਮਾਭਿਸਙ੍ਖਾਰਾ ਗਹਿਤਾਤਿ ਏਵਂ ਯਸ੍ਸ ਤੀਸੁ ਭਵੇਸੁ ਤਯੋ ਸਙ੍ਖਾਰਾ ਨਤ੍ਥਿ, ਸੋ ਗਮ੍ਭੀਰੇ ਨ ਸੀਦਤੀਤਿਪਿ ਦਸ੍ਸੇਤਿ. ਪਞ੍ਚਮਂ.

੯੭. ਛਟ੍ਠਂ ਵੁਤ੍ਤਤ੍ਥਮੇਵ. ਛਟ੍ਠਂ.