੧-੧੦. ਉਮਾਪੁਪ੍ਫਿਯਤ੍ਥੇਰਅਪਦਾਨਾਦਿਵਣ੍ਣਨਾ

ਤੇਤ੍ਤਿਂਸਤਿਮੇ ਵਗ੍ਗੇ ਪਠਮਦੁਤਿਯਤਤਿਯਚਤੁਤ੍ਥਪਞ੍ਚਮਛਟ੍ਠਾਪਦਾਨਾਨਿ ਉਤ੍ਤਾਨਾਨਿਯੇਵ.

੫੫. ਸਤ੍ਤਮਾਪਦਾਨੇ ਸਮਯਂ ਅਗਮਾਸਹਨ੍ਤਿ ਸਮੂਹਂ ਸਮਾਗਮਟ੍ਠਾਨਂ ਅਹਂ ਅਗਮਾਸਿਨ੍ਤਿ ਅਤ੍ਥੋ.

੬੨. ਅਬ੍ਬੁਦਨਿਰਬ੍ਬੁਦਾਨੀਤਿ ‘‘ਪਕੋਟਿਸਤਸਹਸ੍ਸਾਨਂ ਸਤਂ ਅਬ੍ਬੁਦਂ, ਅਬ੍ਬੁਦਸਤਸਹਸ੍ਸਾਨਂ ਸਤਂ ਨਿਰਬ੍ਬੁਦ’’ਨ੍ਤਿ ਵੁਤ੍ਤਤ੍ਤਾ ਆਯੁਨਾ ਅਬ੍ਬੁਦਨਿਰਬ੍ਬੁਦਾਨਿ ਗਤਮਹਾਆਯੁਵਨ੍ਤਾ ਮਨੁਜਾਧਿਪਾ ਚਕ੍ਕਵਤ੍ਤਿਨੋ ਖਤ੍ਤਿਯਾ ਅਟ੍ਠ ਅਟ੍ਠ ਹੁਤ੍ਵਾ ਕਪ੍ਪਾਨਂ ਪਞ੍ਚਵੀਸਸਹਸ੍ਸਮ੍ਹਿ ਆਸਿਂਸੁ ਅਹੇਸੁਨ੍ਤਿ ਅਤ੍ਥੋ. ਅਟ੍ਠਮਨਵਮਦਸਮਾਪਦਾਨਾਨਿ ਪਾਕਟਾਨੇਵਾਤਿ.