੨. ਦੁਤਿਯਉਗ੍ਗਸੁਤ੍ਤਵਣ੍ਣਨਾ

੨੨. ਦੁਤਿਯੇ ਨਾਗਵਨੇਤਿ ਤਸ੍ਸ ਕਿਰ ਸੇਟ੍ਠਿਨੋ ਨਾਗਵਨਂ ਨਾਮ ਉਯ੍ਯਾਨਂ, ਸੋ ਤਤ੍ਥ ਪੁਰੇਭਤ੍ਤਂ ਗਨ੍ਧਮਾਲਾਦੀਨਿ ਗਾਹਾਪੇਤ੍ਵਾ ਉਯ੍ਯਾਨਕੀਲ਼ਿਕਂ ਕੀਲ਼ਿਤੁਕਾਮੋ ਗਨ੍ਤ੍ਵਾ ਪਰਿਚਾਰਿਯਮਾਨੋ ਭਗਵਨ੍ਤਂ ਅਦ੍ਦਸ. ਸਹ ਦਸ੍ਸਨੇਨੇਵਸ੍ਸ ਪੁਰਿਮਨਯੇਨੇਵ ਚਿਤ੍ਤਂ ਪਸੀਦਿ, ਸੁਰਾਪਾਨੇਨ ਚ ਉਪ੍ਪਨ੍ਨਮਨ੍ਦੋ ਤਙ੍ਖਣਂਯੇਵ ਪਹੀਯਿ. ਤਂ ਸਨ੍ਧਾਯੇਵਮਾਹ. ਓਣੋਜੇਸਿਨ੍ਤਿ ਉਦਕਂ ਹਤ੍ਥੇ ਪਾਤੇਤ੍ਵਾ ਅਦਾਸਿਂ. ਅਸੁਕੋਤਿ ਅਮੁਕੋ. ਸਮਚਿਤ੍ਤੋਵ ਦੇਮੀਤਿ ‘‘ਇਮਸ੍ਸ ਥੋਕਂ, ਇਮਸ੍ਸ ਬਹੁਕ’’ਨ੍ਤਿ ਏਵਂ ਚਿਤ੍ਤਨਾਨਤ੍ਤਂ ਨ ਕਰੋਮਿ, ਦੇਯ੍ਯਧਮ੍ਮਂ ਪਨ ਏਕਸਦਿਸਂ ਕਰੋਮੀਤਿ ਦਸ੍ਸੇਤਿ. ਆਰੋਚੇਨ੍ਤੀਤਿ ਆਕਾਸੇ ਠਤ੍ਵਾ ਆਰੋਚੇਨ੍ਤਿ. ਨਤ੍ਥਿ ਤਂ ਸਂਯੋਜਨਨ੍ਤਿ ਇਮਿਨਾ ਉਪਾਸਕੋ ਅਤ੍ਤਨੋ ਅਨਾਗਾਮਿਫਲਂ ਬ੍ਯਾਕਰੋਤਿ.