੬. ਦੂਤੇਯ੍ਯਸੁਤ੍ਤਵਣ੍ਣਨਾ

੧੬. ਛਟ੍ਠੇ ਦੂਤੇਯ੍ਯਨ੍ਤਿ ਦੂਤਕਮ੍ਮਂ. ਗਨ੍ਤੁਮਰਹਤੀਤਿ ਤਂ ਦੂਤੇਯ੍ਯਸਙ੍ਖਾਤਂ ਸਾਸਨਂ ਧਾਰੇਤ੍ਵਾ ਹਰਿਤੁਂ ਅਰਹਤਿ. ਸੋਤਾਤਿ ਯੋ ਤਂ ਅਸ੍ਸ ਸਾਸਨਂ ਦੇਤਿ, ਤਸ੍ਸ ਸੋਤਾ. ਸਾਵੇਤਾਤਿ ਤਂ ਉਗ੍ਗਣ੍ਹਿਤ੍ਵਾ ‘‘ਇਦਂ ਨਾਮ ਤੁਮ੍ਹੇਹਿ ਵੁਤ੍ਤ’’ਨ੍ਤਿ ਪਟਿਸਾਵੇਤਾ. ਉਗ੍ਗਹੇਤਾਤਿ ਸੁਗ੍ਗਹਿਤਂ ਕਤ੍ਵਾ ਉਗ੍ਗਹੇਤਾ. ਧਾਰੇਤਾਤਿ ਸੁਧਾਰਿਤਂ ਕਤ੍ਵਾ ਧਾਰੇਤਾ. ਵਿਞ੍ਞਾਤਿ ਅਤ੍ਥਾਨਤ੍ਥਸ੍ਸ ਅਤ੍ਥਂ ਜਾਨਿਤਾ. ਵਿਞ੍ਞਾਪੇਤਾਤਿ ਪਰਂ ਵਿਜਾਨਾਪੇਤਾ. ਸਹਿਤਾ ਸਹਿਤਸ੍ਸਾਤਿ ਇਦਂ ਸਹਿਤਂ, ਇਦਂ ਅਸਹਿਤਨ੍ਤਿ ਏਵਂ ਸਹਿਤਾਸਹਿਤਸ੍ਸ ਕੁਸਲੋ, ਉਪਗਤਾਨੁਪਗਤੇਸੁ ਛੇਕੋ ਸਾਸਨਂ ਆਰੋਚੇਨ੍ਤੋ ਸਹਿਤਂ ਸਲ੍ਲਕ੍ਖੇਤ੍ਵਾ ਆਰੋਚੇਤਿ. ਨ ਬ੍ਯਥਤੀਤਿ ਵੇਧਤਿ ਨ ਛਮ੍ਭਤਿ. ਅਸਨ੍ਦਿਦ੍ਧਨ੍ਤਿ ਨਿਸ੍ਸਨ੍ਦੇਹਂ ਵਿਗਤਸਂਸਯਂ. ਪੁਚ੍ਛਿਤੋਤਿ ਪਞ੍ਹਤ੍ਥਾਯ ਪੁਚ੍ਛਿਤੋ.