੮. ਅਤ੍ਤਕਾਰੀਸੁਤ੍ਤਵਣ੍ਣਨਾ

੩੮. ਅਟ੍ਠਮੇ ਅਦ੍ਦਸਂ ਵਾ ਅਸ੍ਸੋਸਿਂ ਵਾਤਿ ਅਕ੍ਖੀਨਿ ਉਮ੍ਮੀਲੇਤ੍ਵਾ ਮਾ ਅਦ੍ਦਸਂ, ਅਸੁਕਸ੍ਮਿਂ ਨਾਮ ਠਾਨੇ ਵਸਤੀਤਿ ਮਾ ਅਸ੍ਸੋਸਿਂ, ਕਥੇਨ੍ਤਸ੍ਸ ਵਾ ਵਚਨਂ ਮਾ ਅਸ੍ਸੋਸਿਂ. ਕਥਞ੍ਹਿ ਨਾਮਾਤਿ ਕੇਨ ਨਾਮ ਕਾਰਣੇਨ. ਆਰਮ੍ਭਧਾਤੂਤਿ ਆਰਭਨਵਸੇਨ ਪਵਤ੍ਤਵੀਰਿਯਂ. ਨਿਕ੍ਕਮਧਾਤੂਤਿ ਕੋਸਜ੍ਜਤੋ ਨਿਕ੍ਖਮਨਸਭਾਵਂ ਵੀਰਿਯਂ. ਪਰਕ੍ਕਮਧਾਤੂਤਿ ਪਰਕ੍ਕਮਸਭਾਵੋ. ਥਾਮਧਾਤੂਤਿ ਥਾਮਸਭਾਵੋ. ਠਿਤਿਧਾਤੂਤਿ ਠਿਤਿਸਭਾਵੋ. ਉਪਕ੍ਕਮਧਾਤੂਤਿ ਉਪਕ੍ਕਮਸਭਾਵੋ. ਸਬ੍ਬਂ ਚੇਤਂ ਤੇਨ ਤੇਨਾਕਾਰੇਨ ਪਵਤ੍ਤਸ੍ਸ ਵੀਰਿਯਸ੍ਸੇਵ ਨਾਮਂ.