੧੦. ਚਤੁਤ੍ਥਅਨਾਗਤਭਯਸੁਤ੍ਤਵਣ੍ਣਨਾ

੮੦. ਦਸਮੇ ਕਲ੍ਯਾਣਕਾਮਾਤਿ ਸੁਨ੍ਦਰਕਾਮਾ. ਰਸਗ੍ਗਾਨੀਤਿ ਉਤ੍ਤਮਰਸਾਨਿ. ਸਂਸਟ੍ਠਾ ਵਿਹਰਿਸ੍ਸਨ੍ਤੀਤਿ ਪਞ੍ਚਵਿਧੇਨ ਸਂਸਗ੍ਗੇਨ ਸਂਸਟ੍ਠਾ ਵਿਹਰਿਸ੍ਸਨ੍ਤਿ. ਸਨ੍ਨਿਧਿਕਾਰਪਰਿਭੋਗਨ੍ਤਿ ਸਨ੍ਨਿਧਿਕਤਸ੍ਸ ਪਰਿਭੋਗਂ. ਓਲ਼ਾਰਿਕਮ੍ਪਿ ਨਿਮਿਤ੍ਤਨ੍ਤਿ ਏਤ੍ਥ ਪਥਵਿਂ ਖਣਨ੍ਤੋਪਿ ਖਣਾਹੀਤਿ ਆਣਾਪੇਨ੍ਤੋਪਿ ਪਥਵਿਯਂ ਓਲ਼ਾਰਿਕਂ ਨਿਮਿਤ੍ਤਂ ਕਰੋਤਿ ਨਾਮ. ਤਿਣਕਟ੍ਠਸਾਖਾਪਲਾਸਂ ਛਿਨ੍ਦਨ੍ਤੋਪਿ ਛਿਨ੍ਦਾਤਿ ਆਣਾਪੇਨ੍ਤੋਪਿ ਹਰਿਤਗ੍ਗੇ ਓਲ਼ਾਰਿਕਂ ਨਿਮਿਤ੍ਤਂ ਕਰੋਤਿ ਨਾਮ. ਆਜੀਵਤ੍ਥਾਯ ਪਣ੍ਣਨਿਵਾਪਆਦੀਨਿ ਗਾਹਾਪੇਨ੍ਤੋ ਫਲਾਨਿ ਓਚਿਨਨ੍ਤੇ ਵਾ ਓਚਿਨਾਪੇਨ੍ਤੇਨ ਵਤ੍ਤਬ੍ਬਮੇਵ ਨਤ੍ਥਿ. ਇਮੇਸੁ ਚਤੂਸੁ ਸੁਤ੍ਤੇਸੁ ਸਤ੍ਥਾਰਾ ਸਾਸਨੇ ਵੁਦ੍ਧਿਪਰਿਹਾਨਿ ਕਥਿਤਾਤਿ.

ਯੋਧਾਜੀਵਵਗ੍ਗੋ ਤਤਿਯੋ.