੧. ਸਂਯੋਜਨਸੁਤ੍ਤਵਣ੍ਣਨਾ

੧੩੧. ਚਤੁਤ੍ਥਸ੍ਸ ਪਠਮੇ ਉਪਪਤ੍ਤਿਪਟਿਲਾਭਿਯਾਨੀਤਿ ਯੇਹਿ ਅਨਨ੍ਤਰਾ ਉਪਪਤ੍ਤਿਂ ਪਟਿਲਭਤਿ. ਭਵਪਟਿਲਾਭਿਯਾਨੀਤਿ ਉਪਪਤ੍ਤਿਭਵਸ੍ਸ ਪਟਿਲਾਭਾਯ ਪਚ੍ਚਯਾਨਿ. ਸਕਦਾਗਾਮਿਸ੍ਸਾਤਿ ਇਦਂ ਅਪ੍ਪਹੀਨਸਂਯੋਜਨੇਸੁ ਅਰਿਯੇਸੁ ਉਤ੍ਤਮਕੋਟਿਯਾ ਗਹਿਤਂ. ਯਸ੍ਮਾ ਪਨ ਅਨ੍ਤਰਾਪਰਿਨਿਬ੍ਬਾਯਿਸ੍ਸ ਅਨ੍ਤਰਾ ਉਪਪਤ੍ਤਿ ਨਤ੍ਥਿ, ਯਂ ਪਨ ਸੋ ਤਤ੍ਥ ਝਾਨਂ ਸਮਾਪਜ੍ਜਤਿ, ਤਂ ਕੁਸਲਤ੍ਤਾ ‘‘ਉਪਪਤ੍ਤਿਭਵਸ੍ਸ ਪਚ੍ਚਯੋ’’ ਤੇਵ ਸਙ੍ਖ੍ਯਂ ਗਚ੍ਛਤਿ. ਤਸ੍ਮਾਸ੍ਸ ‘‘ਉਪਪਤ੍ਤਿਪਟਿਲਾਭਿਯਾਨਿ ਸਂਯੋਜਨਾਨਿ ਪਹੀਨਾਨਿ, ਭਵਪਟਿਲਾਭਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨੀ’’ਤਿ ਵੁਤ੍ਤਂ. ਓਰਮ੍ਭਾਗਿਯੇਸੁ ਚ ਅਪ੍ਪਹੀਨਂ ਉਪਾਦਾਯ ਸਕਦਾਗਾਮਿਸ੍ਸ ਅਵਿਸੇਸੇਨ ‘‘ਓਰਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨੀ’’ਤਿ ਵੁਤ੍ਤਂ. ਸੇਸਮੇਤ੍ਥ ਉਤ੍ਤਾਨਮੇਵ.