(੯) ੪. ਧਮ੍ਮਵਗ੍ਗਵਣ੍ਣਨਾ

੮੮. ਚਤੁਤ੍ਥਸ੍ਸ ਪਠਮੇ ਚੇਤੋਵਿਮੁਤ੍ਤੀਤਿ ਫਲਸਮਾਧਿ. ਪਞ੍ਞਾਵਿਮੁਤ੍ਤੀਤਿ ਫਲਪਞ੍ਞਾ.

੮੯. ਦੁਤਿਯੇ ਪਗ੍ਗਾਹੋਤਿ ਵੀਰਿਯਂ. ਅਵਿਕ੍ਖੇਪੋਤਿ ਚਿਤ੍ਤੇਕਗ੍ਗਤਾ.

੯੦. ਤਤਿਯੇ ਨਾਮਨ੍ਤਿ ਚਤ੍ਤਾਰੋ ਅਰੂਪਕ੍ਖਨ੍ਧਾ. ਰੂਪਨ੍ਤਿ ਰੂਪਕ੍ਖਨ੍ਧੋ. ਇਤਿ ਇਮਸ੍ਮਿਂ ਸੁਤ੍ਤੇ ਧਮ੍ਮਕੋਟ੍ਠਾਸਪਰਿਚ੍ਛੇਦਞਾਣਂ ਨਾਮ ਕਥਿਤਂ.

੯੧. ਚਤੁਤ੍ਥੇ ਵਿਜ੍ਜਾਤਿ ਫਲਞਾਣਂ. ਵਿਮੁਤ੍ਤੀਤਿ ਤਂਸਮ੍ਪਯੁਤ੍ਤਾ ਸੇਸਧਮ੍ਮਾ.

੯੨. ਪਞ੍ਚਮੇ ਭਵਦਿਟ੍ਠੀਤਿ ਸਸ੍ਸਤਦਿਟ੍ਠਿ. ਵਿਭਵਦਿਟ੍ਠੀਤਿ ਉਚ੍ਛੇਦਦਿਟ੍ਠਿ. ਛਟ੍ਠਸਤ੍ਤਮਾਨਿ ਉਤ੍ਤਾਨਤ੍ਥਾਨੇਵ.

੯੫. ਅਟ੍ਠਮੇ ਦੋਵਚਸ੍ਸਤਾਤਿ ਦੁਬ੍ਬਚਭਾਵੋ. ਪਾਪਮਿਤ੍ਤਤਾਤਿ ਪਾਪਮਿਤ੍ਤਸੇਵਨਭਾਵੋ. ਨਵਮਂ ਵੁਤ੍ਤਵਿਪਰਿਯਾਯੇਨ ਵੇਦਿਤਬ੍ਬਂ.

੯੭. ਦਸਮੇ ਧਾਤੁਕੁਸਲਤਾਤਿ ਅਟ੍ਠਾਰਸ ਧਾਤੁਯੋ ਧਾਤੂਤਿ ਜਾਨਨਂ. ਮਨਸਿਕਾਰਕੁਸਲਤਾਤਿ ਤਾਸਂਯੇਵ ਧਾਤੂਨਂ ਅਨਿਚ੍ਚਾਦਿਵਸੇਨ ਲਕ੍ਖਣਤ੍ਤਯਂ ਆਰੋਪੇਤ੍ਵਾ ਜਾਨਨਂ.

੯੮. ਏਕਾਦਸਮੇ ਆਪਤ੍ਤਿਕੁਸਲਤਾਤਿ ਪਞ੍ਚਨ੍ਨਞ੍ਚ ਸਤ੍ਤਨ੍ਨਞ੍ਚ ਆਪਤ੍ਤਿਕ੍ਖਨ੍ਧਾਨਂ ਜਾਨਨਂ. ਆਪਤ੍ਤਿਵੁਟ੍ਠਾਨਕੁਸਲਤਾਤਿ ਦੇਸਨਾਯ ਵਾ ਕਮ੍ਮਵਾਚਾਯ ਵਾ ਆਪਤ੍ਤੀਹਿ ਵੁਟ੍ਠਾਨਜਾਨਨਨ੍ਤਿ.

ਧਮ੍ਮਵਗ੍ਗੋ ਚਤੁਤ੍ਥੋ.