੧-੨. ਕਾਮਭੋਗੀਸੁਤ੍ਤਾਦਿਵਣ੍ਣਨਾ

੯੧-੯੨. ਪਞ੍ਚਮਸ੍ਸ ਪਠਮੇ ਸਾਹਸੇਨਾਤਿ ਸਾਹਸਿਯਕਮ੍ਮੇਨ. ਦੁਤਿਯੇ ਭਯਾਨੀਤਿ ਚਿਤ੍ਤੁਤ੍ਰਾਸਭਯਾਨਿ. ਵੇਰਾਨੀਤਿ ਅਕੁਸਲਵੇਰਪੁਗ੍ਗਲਵੇਰਾਨਿ. ਅਰਿਯੋ ਚਸ੍ਸ ਞਾਯੋਤਿ ਸਹ ਵਿਪਸ੍ਸਨਾਯ ਮਗ੍ਗੋ. ਇਤਿ ਇਮਸ੍ਮਿਂ ਸਤਿ ਇਦਂ ਹੋਤੀਤਿ ਏਵਂ ਇਮਸ੍ਮਿਂ ਅਵਿਜ੍ਜਾਦਿਕੇ ਕਾਰਣੇ ਸਤਿ ਇਦਂ ਸਙ੍ਖਾਰਾਦਿਕਂ ਫਲਂ ਹੋਤਿ. ਇਮਸ੍ਸੁਪ੍ਪਾਦਾ ਇਦਂ ਉਪ੍ਪਜ੍ਜਤੀਤਿ ਯੋ ਯਸ੍ਸ ਸਹਜਾਤਪਚ੍ਚਯੋ ਹੋਤਿ, ਤਸ੍ਸ ਉਪ੍ਪਾਦਾ ਇਤਰਂ ਉਪ੍ਪਜ੍ਜਤਿ ਨਾਮ. ਇਮਸ੍ਮਿਂ ਅਸਤੀਤਿ ਅਵਿਜ੍ਜਾਦਿਕੇ ਕਾਰਣੇ ਅਸਤਿ ਸਙ੍ਖਾਰਾਦਿਕਂ ਫਲਂ ਨ ਹੋਤਿ. ਇਮਸ੍ਸ ਨਿਰੋਧਾਤਿ ਕਾਰਣਸ੍ਸ ਅਪ੍ਪਵਤ੍ਤਿਯਾ ਫਲਸ੍ਸ ਅਪ੍ਪਵਤ੍ਤਿ ਹੋਤਿ.