(੩) ਮੂਲਕਨਯੋ

੬੮. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਕਾਤਿ?

ਅਹੇਤੁਕਂ ਅਕੁਸਲਂ ਨ ਅਕੁਸਲਮੂਲਕਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲਕਂ.

(ਖ) ਯੇ ਵਾ ਪਨ ਅਕੁਸਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲਕਂ ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲਕਞ੍ਚੇਵ ਅਕੁਸਲਞ੍ਚ.

੬੯. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਕਾਤਿ?

ਅਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਨ ਏਕਮੂਲਕਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਏਕਮੂਲਕਂ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲੇਨ ਏਕਮੂਲਕਂ, ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲੇਨ ਏਕਮੂਲਕਞ੍ਚੇਵ ਅਕੁਸਲਞ੍ਚ.

੭੦. (ਕ) ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਕੁਸਲਮੂਲਾਨਿ ਏਕਮੂਲਕਾਨਿ ਚੇਵ ਅਞ੍ਞਮਞ੍ਞਮੂਲਕਾਨਿ ਚ. ਅਵਸੇਸਾ ਅਕੁਸਲਮੂਲਸਹਜਾਤਾ ਧਮ੍ਮਾ ਅਕੁਸਲਮੂਲੇਨ ਏਕਮੂਲਕਾ ਨ ਚ ਅਞ੍ਞਮਞ੍ਞਮੂਲਕਾ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.