੨. ਅਕੁਸਲਾ ਧਮ੍ਮਾ (੧) ਮੂਲਨਯੋ

੬੨. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਾਤਿ?

ਤੀਣੇਵ ਅਕੁਸਲਮੂਲਾਨਿ. ਅਵਸੇਸਾ ਅਕੁਸਲਾ ਧਮ੍ਮਾ ਨ ਅਕੁਸਲਮੂਲਾ.

(ਖ) ਯੇ ਵਾ ਪਨ ਅਕੁਸਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.

੬੩. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਾਤਿ?

ਅਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਨ ਏਕਮੂਲਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਏਕਮੂਲਂ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲੇਨ ਏਕਮੂਲਂ, ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲੇਨ ਏਕਮੂਲਞ੍ਚੇਵ ਅਕੁਸਲਞ੍ਚ.

੬੪. (ਕ) ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਕੁਸਲਮੂਲਾਨਿ ਏਕਮੂਲਾਨਿ ਚੇਵ ਅਞ੍ਞਮਞ੍ਞਮੂਲਾਨਿ ਚ. ਅਵਸੇਸਾ ਅਕੁਸਲਮੂਲਸਹਜਾਤਾ ਧਮ੍ਮਾ ਅਕੁਸਲਮੂਲੇਨ ਏਕਮੂਲਾ, ਨ ਚ ਅਞ੍ਞਮਞ੍ਞਮੂਲਾ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.

(੨) ਮੂਲਮੂਲਨਯੋ

੬੫. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਮੂਲਾਤਿ?

ਤੀਣੇਵ ਅਕੁਸਲਮੂਲਮੂਲਾਨਿ. ਅਵਸੇਸਾ ਅਕੁਸਲਾ ਧਮ੍ਮਾ ਨ ਅਕੁਸਲਮੂਲਮੂਲਾ.

(ਖ) ਯੇ ਵਾ ਪਨ ਅਕੁਸਲਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.

੬੬. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਮੂਲਾਤਿ?

ਅਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਨ ਏਕਮੂਲਮੂਲਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਏਕਮੂਲਮੂਲਂ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲੇਨ ਏਕਮੂਲਮੂਲਂ, ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲੇਨ ਏਕਮੂਲਮੂਲਞ੍ਚੇਵ ਅਕੁਸਲਞ੍ਚ.

੬੭. (ਕ) ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਕੁਸਲਮੂਲਾਨਿ ਏਕਮੂਲਮੂਲਾਨਿ ਚੇਵ ਅਞ੍ਞਮਞ੍ਞਮੂਲਮੂਲਾਨਿ ਚ. ਅਵਸੇਸਾ ਅਕੁਸਲਮੂਲਸਹਜਾਤਾ ਧਮ੍ਮਾ ਅਕੁਸਲਮੂਲੇਨ ਏਕਮੂਲਮੂਲਾ, ਨ ਚ ਅਞ੍ਞਮਞ੍ਞਮੂਲਮੂਲਾ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.

(੩) ਮੂਲਕਨਯੋ

੬੮. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਕਾਤਿ?

ਅਹੇਤੁਕਂ ਅਕੁਸਲਂ ਨ ਅਕੁਸਲਮੂਲਕਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲਕਂ.

(ਖ) ਯੇ ਵਾ ਪਨ ਅਕੁਸਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲਕਂ ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲਕਞ੍ਚੇਵ ਅਕੁਸਲਞ੍ਚ.

੬੯. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਕਾਤਿ?

ਅਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਨ ਏਕਮੂਲਕਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਏਕਮੂਲਕਂ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲੇਨ ਏਕਮੂਲਕਂ, ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲੇਨ ਏਕਮੂਲਕਞ੍ਚੇਵ ਅਕੁਸਲਞ੍ਚ.

੭੦. (ਕ) ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਕੁਸਲਮੂਲਾਨਿ ਏਕਮੂਲਕਾਨਿ ਚੇਵ ਅਞ੍ਞਮਞ੍ਞਮੂਲਕਾਨਿ ਚ. ਅਵਸੇਸਾ ਅਕੁਸਲਮੂਲਸਹਜਾਤਾ ਧਮ੍ਮਾ ਅਕੁਸਲਮੂਲੇਨ ਏਕਮੂਲਕਾ ਨ ਚ ਅਞ੍ਞਮਞ੍ਞਮੂਲਕਾ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.

(੪) ਮੂਲਮੂਲਕਨਯੋ

੭੧. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਮੂਲਕਾਤਿ?

ਅਹੇਤੁਕਂ ਅਕੁਸਲਂ ਨ ਅਕੁਸਲਮੂਲਮੂਲਕਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲਮੂਲਕਂ.

(ਖ) ਯੇ ਵਾ ਪਨ ਅਕੁਸਲਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲਮੂਲਕਂ ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲਮੂਲਕਞ੍ਚੇਵ ਅਕੁਸਲਞ੍ਚ.

੭੨. (ਕ) ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਮੂਲਕਾਤਿ?

ਅਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਨ ਏਕਮੂਲਮੂਲਕਂ. ਸਹੇਤੁਕਂ ਅਕੁਸਲਂ ਅਕੁਸਲਮੂਲੇਨ ਏਕਮੂਲਮੂਲਕਂ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ?

ਅਕੁਸਲਸਮੁਟ੍ਠਾਨਂ ਰੂਪਂ ਅਕੁਸਲਮੂਲੇਨ ਏਕਮੂਲਮੂਲਕਂ, ਨ ਅਕੁਸਲਂ. ਅਕੁਸਲਂ ਅਕੁਸਲਮੂਲੇਨ ਏਕਮੂਲਮੂਲਕਞ੍ਚੇਵ ਅਕੁਸਲਞ੍ਚ.

੭੩. (ਕ) ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਕਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਕੁਸਲਮੂਲਾਨਿ ਏਕਮੂਲਮੂਲਕਾਨਿ ਚੇਵ ਅਞ੍ਞਮਞ੍ਞਮੂਲਮੂਲਕਾਨਿ ਚ. ਅਵਸੇਸਾ ਅਕੁਸਲਮੂਲਸਹਜਾਤਾ ਧਮ੍ਮਾ ਅਕੁਸਲਮੂਲੇਨ ਏਕਮੂਲਮੂਲਕਾ, ਨ ਚ ਅਞ੍ਞਮਞ੍ਞਮੂਲਮੂਲਕਾ.

(ਖ) ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾਤਿ? ਆਮਨ੍ਤਾ.