੩. ਅਬ੍ਯਾਕਤਾ ਧਮ੍ਮਾ (੧) ਮੂਲਨਯੋ

੭੪. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਾਤਿ?

ਤੀਣੇਵ ਅਬ੍ਯਾਕਤਮੂਲਾਨਿ. ਅਵਸੇਸਾ ਅਬ੍ਯਾਕਤਾ ਧਮ੍ਮਾ ਨ ਅਬ੍ਯਾਕਤਮੂਲਾ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੭੫. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਾਤਿ?

ਅਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਨ ਏਕਮੂਲਂ. ਸਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਏਕਮੂਲਂ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੭੬. (ਕ) ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਬ੍ਯਾਕਤਮੂਲਾਨਿ ਏਕਮੂਲਾਨਿ ਚੇਵ ਅਞ੍ਞਮਞ੍ਞਮੂਲਾਨਿ ਚ. ਅਵਸੇਸਾ ਅਬ੍ਯਾਕਤਮੂਲਸਹਜਾਤਾ ਧਮ੍ਮਾ ਅਬ੍ਯਾਕਤਮੂਲੇਨ ਏਕਮੂਲਾ, ਨ ਚ ਅਞ੍ਞਮਞ੍ਞਮੂਲਾ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

(੨) ਮੂਲਮੂਲਨਯੋ

੭੭. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਮੂਲਾਤਿ?

ਤੀਣੇਵ ਅਬ੍ਯਾਕਤਮੂਲਮੂਲਾਨਿ. ਅਵਸੇਸਾ ਅਬ੍ਯਾਕਤਾ ਧਮ੍ਮਾ ਨ ਅਬ੍ਯਾਕਤਮੂਲਮੂਲਾ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੭੮. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਮੂਲਾਤਿ?

ਅਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਨ ਏਕਮੂਲਮੂਲਂ. ਸਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਏਕਮੂਲਮੂਲਂ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੭੯. (ਕ) ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਬ੍ਯਾਕਤਮੂਲਾਨਿ ਏਕਮੂਲਮੂਲਾਨਿ ਚੇਵ ਅਞ੍ਞਮਞ੍ਞਮੂਲਮੂਲਾਨਿ ਚ. ਅਵਸੇਸਾ ਅਬ੍ਯਾਕਤਮੂਲਸਹਜਾਤਾ ਧਮ੍ਮਾ ਅਬ੍ਯਾਕਤਮੂਲੇਨ ਏਕਮੂਲਮੂਲਾ, ਨ ਚ ਅਞ੍ਞਮਞ੍ਞਮੂਲਮੂਲਾ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

(੩) ਮੂਲਕਨਯੋ

੮੦. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਕਾਤਿ?

ਅਹੇਤੁਕਂ ਅਬ੍ਯਾਕਤਂ ਨ ਅਬ੍ਯਾਕਤਮੂਲਕਂ. ਸਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲਕਂ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੮੧. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਕਾਤਿ?

ਅਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਨ ਏਕਮੂਲਕਂ. ਸਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਏਕਮੂਲਕਂ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੮੨. (ਕ) ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਕਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਬ੍ਯਾਕਤਮੂਲਾਨਿ ਏਕਮੂਲਕਾਨਿ ਚੇਵ ਅਞ੍ਞਮਞ੍ਞਮੂਲਕਾਨਿ ਚ. ਅਵਸੇਸਾ ਅਬ੍ਯਾਕਤਮੂਲਸਹਜਾਤਾ ਧਮ੍ਮਾ ਅਬ੍ਯਾਕਤਮੂਲੇਨ ਏਕਮੂਲਕਾ, ਨ ਚ ਅਞ੍ਞਮਞ੍ਞਮੂਲਕਾ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

(੪) ਮੂਲਮੂਲਕਨਯੋ

੮੩. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਮੂਲਕਾਤਿ?

ਅਹੇਤੁਕਂ ਅਬ੍ਯਾਕਤਂ ਨ ਅਬ੍ਯਾਕਤਮੂਲਮੂਲਕਂ. ਸਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲਮੂਲਕਂ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੮੪. (ਕ) ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾਤਿ?

ਅਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਨ ਏਕਮੂਲਮੂਲਕਂ. ਸਹੇਤੁਕਂ ਅਬ੍ਯਾਕਤਂ ਅਬ੍ਯਾਕਤਮੂਲੇਨ ਏਕਮੂਲਮੂਲਕਂ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.

੮੫. (ਕ) ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਕਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਅਬ੍ਯਾਕਤਮੂਲਾਨਿ ਏਕਮੂਲਮੂਲਕਾਨਿ ਚੇਵ ਅਞ੍ਞਮਞ੍ਞਮੂਲਮੂਲਕਾਨਿ ਚ. ਅਵਸੇਸਾ ਅਬ੍ਯਾਕਤਮੂਲਸਹਜਾਤਾ ਧਮ੍ਮਾ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾ, ਨ ਚ ਅਞ੍ਞਮਞ੍ਞਮੂਲਮੂਲਕਾ.

(ਖ) ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾਤਿ? ਆਮਨ੍ਤਾ.