(੨) ਮੂਲਮੂਲਨਯੋ

੫੩. (ਕ) ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਮੂਲਾਤਿ? ਤੀਣੇਵ ਕੁਸਲਮੂਲਮੂਲਾਨਿ. ਅਵਸੇਸਾ ਕੁਸਲਾ ਧਮ੍ਮਾ ਨ ਕੁਸਲਮੂਲਮੂਲਾ.

(ਖ) ਯੇ ਵਾ ਪਨ ਕੁਸਲਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾਤਿ? ਆਮਨ੍ਤਾ.

੫੪. (ਕ) ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਏਕਮੂਲਮੂਲਾਤਿ? ਆਮਨ੍ਤਾ.

(ਖ) ਯੇ ਵਾ ਪਨ ਕੁਸਲਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾਤਿ?

ਕੁਸਲਸਮੁਟ੍ਠਾਨਂ ਰੂਪਂ ਕੁਸਲਮੂਲੇਨ ਏਕਮੂਲਮੂਲਂ, ਨ ਕੁਸਲਂ. ਕੁਸਲਂ ਕੁਸਲਮੂਲੇਨ ਏਕਮੂਲਮੂਲਞ੍ਚੇਵ ਕੁਸਲਞ੍ਚ.

੫੫. (ਕ) ਯੇ ਕੇਚਿ ਕੁਸਲਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾਤਿ?

ਮੂਲਾਨਿ ਯਾਨਿ ਏਕਤੋ ਉਪ੍ਪਜ੍ਜਨ੍ਤਿ ਕੁਸਲਮੂਲਾਨਿ ਏਕਮੂਲਮੂਲਾਨਿ ਚੇਵ ਅਞ੍ਞਮਞ੍ਞਮੂਲਮੂਲਾਨਿ ਚ. ਅਵਸੇਸਾ ਕੁਸਲਮੂਲਸਹਜਾਤਾ ਧਮ੍ਮਾ ਕੁਸਲਮੂਲੇਨ ਏਕਮੂਲਮੂਲਾ, ਨ ਚ ਅਞ੍ਞਮਞ੍ਞਮੂਲਮੂਲਾ.

(ਖ) ਯੇ ਵਾ ਪਨ ਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾਤਿ? ਆਮਨ੍ਤਾ.