੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੨੪੨. ਹੇਤੁਂ ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਹੇਤੁ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਹੇਤੁਂ ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਨਹੇਤੁ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਹੇਤੁਂ ਸੁਖਸਹਗਤਞ੍ਚ ਨਹੇਤੁਂ ਸੁਖਸਹਗਤਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਸਂਖਿਤ੍ਤਂ).

੨੪੩. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ).

ਨਹੇਤੁ-ਨਅਧਿਪਤਿਪਚ੍ਚਯਾ

੨੪੪. ਨਹੇਤੁਂ ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਨਹੇਤੁ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ.

ਹੇਤੁਂ ਸੁਖਸਹਗਤਂ ਧਮ੍ਮਂ ਪਟਿਚ੍ਚ ਹੇਤੁ ਸੁਖਸਹਗਤੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… ਨਵ (ਸਂਖਿਤ੍ਤਂ).

੨੪੫. ਨਹੇਤੁਯਾ ਏਕਂ, ਨਅਧਿਪਤਿਯਾ ਨਵ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਵਿਪ੍ਪਯੁਤ੍ਤੇ ਨਵ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਅਧਿਪਤਿਯਾ ਨਵ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਟਿਚ੍ਚਵਾਰਸਦਿਸਾ ਵਿਤ੍ਥਾਰੇਤਬ੍ਬਾ.)