੧-੧ ਹੇਤੁਦੁਕ-ਕੁਸਲਤ੍ਤਿਕਂ

੧. ਕੁਸਲਪਦਂ

੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

੨. ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

੩. ਹੇਤੁਂ ਕੁਸਲਞ੍ਚ ਨਹੇਤੁਂ ਕੁਸਲਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਕੁਸਲਞ੍ਚ ਨਹੇਤੁਂ ਕੁਸਲਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਕੁਸਲਞ੍ਚ ਨਹੇਤੁਂ ਕੁਸਲਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

ਆਰਮ੍ਮਣਪਚ੍ਚਯੋ

੪. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਸਂਖਿਤ੍ਤਂ).

੫. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਨਵ, ਆਸੇਵਨੇ ਨਵ, ਕਮ੍ਮੇ ਨਵ, ਆਹਾਰੇ ਨਵ, ਇਨ੍ਦ੍ਰਿਯੇ ਨਵ, ਝਾਨੇ ਨਵ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਵਿਪ੍ਪਯੁਤ੍ਤੇ ਨਵ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ (ਅਨੁਲੋਮਂ).

ਨਅਧਿਪਤਿਪਚ੍ਚਯੋ

੬. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਅਧਿਪਤਿਪਚ੍ਚਯਾ. (੩)

੭. ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… ਤੀਣਿ.

ਹੇਤੁਂ ਕੁਸਲਞ੍ਚ ਨਹੇਤੁਂ ਕੁਸਲਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… ਤੀਣਿ.

ਨਪੁਰੇਜਾਤਪਚ੍ਚਯਾਦਿ

੮. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਪੁਰੇਜਾਤਪਚ੍ਚਯਾ… ਨਵ… ਨਪਚ੍ਛਾਜਾਤਪਚ੍ਚਯਾ… ਨਵ… ਨਆਸੇਵਨਪਚ੍ਚਯਾ … ਨਵ.

ਨਕਮ੍ਮਪਚ੍ਚਯੋ

੯. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਹੇਤੁਂ ਕੁਸਲਞ੍ਚ ਨਹੇਤੁਂ ਕੁਸਲਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਨਵਿਪਾਕਪਚ੍ਚਯਾਦਿ

੧੦. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਵਿਪਾਕਪਚ੍ਚਯਾ… ਨਵ…ਪੇ… ਨਵਿਪ੍ਪਯੁਤ੍ਤਪਚ੍ਚਯਾ… ਨਵ.

੧੧. ਨਅਧਿਪਤਿਯਾ ਨਵ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਵਿਪ੍ਪਯੁਤ੍ਤੇ ਨਵ (ਪਚ੍ਚਨੀਯਂ).

ਹੇਤੁਪਚ੍ਚਯਾ ਨਅਧਿਪਤਿਯਾ ਨਵ (ਸਂਖਿਤ੍ਤਂ, ਅਨੁਲੋਮ ਪਚ੍ਚਨੀਯਂ).

ਨਅਧਿਪਤਿਪਚ੍ਚਯਾ ਹੇਤੁਯਾ ਨਵ, ਆਰਮ੍ਮਣੇ ਨਵ (ਸਂਖਿਤ੍ਤਂ, ਪਚ੍ਚਨੀਯਾਨੁਲੋਮਂ).

(ਸਹਜਾਤਵਾਰਮ੍ਪਿ ਪਚ੍ਚਯਵਾਰਮ੍ਪਿ ਨਿਸ੍ਸਯਵਾਰਮ੍ਪਿ ਸਂਸਟ੍ਠਵਾਰਮ੍ਪਿ ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਾ ਵਿਤ੍ਥਾਰੇਤਬ੍ਬਾ.)

੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੧੨. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਚ ਨਹੇਤੁਸ੍ਸ ਕੁਸਲਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਆਰਮ੍ਮਣਪਚ੍ਚਯਾਦਿ

੧੩. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

੧੪. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਤੀਣਿ.

ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਤੀਣਿ.

ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ.

ਅਨਨ੍ਤਰਪਚ੍ਚਯਾਦਿ

੧੫. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ… ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ.

੧੬. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ… ਤੀਣਿ.

ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ… ਤੀਣਿ.

ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ… ਤੀਣਿ, ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ.

੧੭. ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਚ ਨਹੇਤੁਸ੍ਸ ਕੁਸਲਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਆਹਾਰਪਚ੍ਚਯਾਦਿ

੧੮. ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ… ਤੀਣਿ.

੧੯. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਨਵ.

੨੦. ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ.

੨੧. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਮਗ੍ਗਪਚ੍ਚਯੇਨ ਪਚ੍ਚਯੋ… ਨਵ.

੨੨. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਆਹਾਰੇ ਤੀਣਿ, ਇਨ੍ਦ੍ਰਿਯੇ ਨਵ, ਝਾਨੇ ਤੀਣਿ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ.

ਪਚ੍ਚਨੀਯੁਦ੍ਧਾਰੋ

੨੩. ਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ.

੨੪. ਨਹੇਤੁ ਕੁਸਲੋ ਧਮ੍ਮੋ ਨਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. ਨਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. ਨਹੇਤੁ ਕੁਸਲੋ ਧਮ੍ਮੋ ਹੇਤੁਸ੍ਸ ਕੁਸਲਸ੍ਸ ਚ ਨਹੇਤੁਸ੍ਸ ਕੁਸਲਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੨੫. ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਹੇਤੁਸ੍ਸ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ. (੩)

੨੬. ਨਹੇਤੁਯਾ ਨਵ, ਨਆਰਮ੍ਮਣੇ ਨਵ, ਨਅਧਿਪਤਿਯਾ ਨਵ…ਪੇ… ਨੋਅਵਿਗਤੇ ਨਵ (ਸਂਖਿਤ੍ਤਂ, ਪਚ੍ਚਨੀਯਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ…ਪੇ… ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ (ਸਂਖਿਤ੍ਤਂ, ਅਨੁਲੋਮਪਚ੍ਚਨੀਯਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ, ਪਚ੍ਚਨੀਯਾਨੁਲੋਮਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ, ਏਵਂ ਗਣੇਤਬ੍ਬਂ.)

੨. ਅਕੁਸਲਪਦਂ

੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੨੭. ਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਚ ਨਹੇਤੁ ਅਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

੨੮. ਨਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਨਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਚ ਨਹੇਤੁ ਅਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

੨੯. ਹੇਤੁਂ ਅਕੁਸਲਞ੍ਚ ਨਹੇਤੁਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਅਕੁਸਲਞ੍ਚ ਨਹੇਤੁਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਅਕੁਸਲਞ੍ਚ ਨਹੇਤੁਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਚ ਨਹੇਤੁ ਅਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

੩੦. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ…ਪੇ… ਕਮ੍ਮੇ ਨਵ, ਆਹਾਰੇ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ, ਅਨੁਲੋਮਂ).

ਨਹੇਤੁਪਚ੍ਚਯੋ

੩੧. ਨਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ. (੧)

ਨਅਧਿਪਤਿਪਚ੍ਚਯਾਦਿ

੩੨. ਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… ਨਵ…ਪੇ….

ਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਨਹੇਤੁਂ ਅਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਹੇਤੁਂ ਅਕੁਸਲਞ੍ਚ ਨਹੇਤੁਂ ਅਕੁਸਲਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧) (ਸਂਖਿਤ੍ਤਂ.)

੩੩. ਨਹੇਤੁਯਾ ਏਕਂ, ਨਅਧਿਪਤਿਯਾ ਨਵ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਵਿਪ੍ਪਯੁਤ੍ਤੇ ਨਵ (ਪਚ੍ਚਨੀਯਂ).

ਹੇਤੁਪਚ੍ਚਯਾ ਨਅਧਿਪਤਿਯਾ ਨਵ (ਸਂਖਿਤ੍ਤਂ, ਅਨੁਲੋਮਪਚ੍ਚਨੀਯਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ (ਸਂਖਿਤ੍ਤਂ, ਪਚ੍ਚਨੀਯਾਨੁਲੋਮਂ).

੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੩੪. ਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਚ ਨਹੇਤੁਸ੍ਸ ਅਕੁਸਲਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਆਰਮ੍ਮਣਪਚ੍ਚਯਾਦਿ

੩੫. ਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਨਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਹੇਤੁ ਅਕੁਸਲੋ ਚ ਨਹੇਤੁ ਅਕੁਸਲੋ ਚ ਧਮ੍ਮਾ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

੩੬. ਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ.

ਨਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਤੀਣਿ.

ਹੇਤੁ ਅਕੁਸਲੋ ਚ ਨਹੇਤੁ ਅਕੁਸਲੋ ਚ ਧਮ੍ਮਾ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ…ਪੇ….

੩੭. ਨਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਚ ਨਹੇਤੁਸ੍ਸ ਅਕੁਸਲਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਆਹਾਰਪਚ੍ਚਯਾਦਿ

੩੮. ਨਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ… ਤੀਣਿ.

੩੯. ਨਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਤੀਣਿ.

੪੦. ਨਹੇਤੁ ਅਕੁਸਲੋ ਧਮ੍ਮੋ ਨਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੪੧. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਆਹਾਰੇ ਤੀਣਿ, ਇਨ੍ਦ੍ਰਿਯੇ ਤੀਣਿ, ਝਾਨੇ ਤੀਣਿ, ਮਗ੍ਗੇ ਤੀਣਿ, ਸਮ੍ਪਯੁਤ੍ਤੇ ਨਵ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ.

ਪਚ੍ਚਨੀਯੁਦ੍ਧਾਰੋ

੪੨. ਹੇਤੁ ਅਕੁਸਲੋ ਧਮ੍ਮੋ ਹੇਤੁਸ੍ਸ ਅਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੪੩. ਨਹੇਤੁਯਾ ਨਵ, ਨਆਰਮ੍ਮਣੇ ਨਵ, ਨਅਧਿਪਤਿਯਾ ਨਵ, ਨਅਨਨ੍ਤਰੇ ਨਵ, ਨਸਮਨਨ੍ਤਰੇ ਨਵ, ਨਸਹਜਾਤੇ ਨਵ, ਨਅਞ੍ਞਮਞ੍ਞੇ ਨਵ…ਪੇ… ਨੋਅਵਿਗਤੇ ਨਵ (ਪਚ੍ਚਨੀਯਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ (ਸਂਖਿਤ੍ਤਂ, ਅਨੁਲੋਮਪਚ੍ਚਨੀਯਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ, ਪਚ੍ਚਨੀਯਾਨੁਲੋਮਂ).

੩. ਅਬ੍ਯਾਕਤਪਦਂ

੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯਾਦਿ

੪੪. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਹੇਤੁ ਅਬ੍ਯਾਕਤੋ ਚ ਨਹੇਤੁ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. (੩)

੪੫. ਨਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਹੇਤੁਂ ਅਬ੍ਯਾਕਤਞ੍ਚ ਨਹੇਤੁਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

੪੬. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਸਂਖਿਤ੍ਤਂ).

੪੭. ਹੇਤੁਯਾ ਨਵ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਨਵ, ਆਸੇਵਨੇ ਨਵ, ਕਮ੍ਮੇ ਨਵ, ਵਿਪਾਕੇ ਨਵ, ਆਹਾਰੇ ਨਵ, ਇਨ੍ਦ੍ਰਿਯੇ ਨਵ, ਝਾਨੇ ਨਵ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਵਿਪ੍ਪਯੁਤ੍ਤੇ ਨਵ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ (ਅਨੁਲੋਮਂ).

ਨਹੇਤੁ-ਨਆਰਮ੍ਮਣਪਚ੍ਚਯਾ

੪੮. ਨਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ. (੧)

੪੯. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ. (੧)

ਨਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ. (੧)

ਹੇਤੁਂ ਅਬ੍ਯਾਕਤਞ੍ਚ ਨਹੇਤੁਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ. (੧)

ਨਅਧਿਪਤਿਪਚ੍ਚਯਾਦਿ

੫੦. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ… ਨਵ…ਪੇ….

੫੧. ਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਨਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

ਹੇਤੁਂ ਅਬ੍ਯਾਕਤਞ੍ਚ ਨਹੇਤੁਂ ਅਬ੍ਯਾਕਤਞ੍ਚ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਕਮ੍ਮਪਚ੍ਚਯਾ. (੧)

੫੨. ਨਹੇਤੁਂ ਅਬ੍ਯਾਕਤਂ ਧਮ੍ਮਂ ਪਟਿਚ੍ਚ ਨਹੇਤੁ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਨਆਹਾਰਪਚ੍ਚਯਾ… ਨਇਨ੍ਦ੍ਰਿਯਪਚ੍ਚਯਾ… ਨਝਾਨਪਚ੍ਚਯਾ (ਸਂਖਿਤ੍ਤਂ).

੫੩. ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ, ਨਅਨਨ੍ਤਰੇ ਤੀਣਿ, ਨਸਮਨਨ੍ਤਰੇ ਤੀਣਿ, ਨਅਞ੍ਞਮਞ੍ਞੇ ਤੀਣਿ, ਨਉਪਨਿਸ੍ਸਯੇ ਤੀਣਿ, ਨਪੁਰੇਜਾਤੇ ਨਵ, ਨਪਚ੍ਛਾਜਾਤੇ ਨਵ, ਨਆਸੇਵਨੇ ਨਵ, ਨਕਮ੍ਮੇ ਤੀਣਿ, ਨਵਿਪਾਕੇ ਨਵ, ਨਆਹਾਰੇ ਏਕਂ, ਨਇਨ੍ਦ੍ਰਿਯੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਸਮ੍ਪਯੁਤ੍ਤੇ ਤੀਣਿ, ਨਵਿਪ੍ਪਯੁਤ੍ਤੇ ਨਵ, ਨੋਨਤ੍ਥਿਯਾ ਤੀਣਿ, ਨੋਵਿਗਤੇ ਤੀਣਿ (ਪਚ੍ਚਨੀਯਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ, ਨਅਧਿਪਤਿਯਾ ਨਵ (ਸਂਖਿਤ੍ਤਂ, ਅਨੁਲੋਮਪਚ੍ਚਨੀਯਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ (ਸਂਖਿਤ੍ਤਂ, ਪਚ੍ਚਨੀਯਾਨੁਲੋਮਂ).

(ਸਹਜਾਤਵਾਰੋਪਿ ਪਚ੍ਚਯਵਾਰੋਪਿ ਨਿਸ੍ਸਯਵਾਰੋਪਿ ਸਂਸਟ੍ਠਵਾਰੋਪਿ ਸਮ੍ਪਯੁਤ੍ਤਵਾਰੋਪਿ ਪਟਿਚ੍ਚਵਾਰਸਦਿਸਾ ਵਿਤ੍ਥਾਰੇਤਬ੍ਬਾ.)

੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੫੪. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਚ ਨਹੇਤੁਸ੍ਸ ਅਬ੍ਯਾਕਤਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਆਰਮ੍ਮਣਪਚ੍ਚਯਾਦਿ

੫੫. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਨਵ.

੫੬. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਤੀਣਿ.

ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਤੀਣਿ.

ਹੇਤੁ ਅਬ੍ਯਾਕਤੋ ਚ ਨਹੇਤੁ ਅਬ੍ਯਾਕਤੋ ਚ ਧਮ੍ਮਾ ਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ…ਪੇ….

ਪੁਰੇਜਾਤਪਚ੍ਚਯਾਦਿ

੫੭. ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ.

੫੮. ਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)

ਹੇਤੁ ਅਬ੍ਯਾਕਤੋ ਚ ਨਹੇਤੁ ਅਬ੍ਯਾਕਤੋ ਚ ਧਮ੍ਮਾ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)

੫੯. ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ… ਤੀਣਿ.

੬੦. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ… ਨਵ.

੬੧. ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਝਾਨਪਚ੍ਚਯੇਨ ਪਚ੍ਚਯੋ… ਮਗ੍ਗਪਚ੍ਚਯੇਨ ਪਚ੍ਚਯੋ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ.

ਵਿਪ੍ਪਯੁਤ੍ਤਪਚ੍ਚਯੋ

੬੨. ਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)

ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਤੀਣਿ.

ਹੇਤੁ ਅਬ੍ਯਾਕਤੋ ਚ ਨਹੇਤੁ ਅਬ੍ਯਾਕਤੋ ਚ ਧਮ੍ਮਾ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੬੩. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਵਿਪਾਕੇ ਨਵ, ਆਹਾਰੇ ਤੀਣਿ, ਇਨ੍ਦ੍ਰਿਯੇ ਨਵ, ਝਾਨੇ ਤੀਣਿ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ.

ਪਚ੍ਚਨੀਯੁਦ੍ਧਾਰੋ

੬੪. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. ਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. ਹੇਤੁ ਅਬ੍ਯਾਕਤੋ ਧਮ੍ਮੋ ਹੇਤੁਸ੍ਸ ਅਬ੍ਯਾਕਤਸ੍ਸ ਚ ਨਹੇਤੁਸ੍ਸ ਅਬ੍ਯਾਕਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੬੫. ਨਹੇਤੁ ਅਬ੍ਯਾਕਤੋ ਧਮ੍ਮੋ ਨਹੇਤੁਸ੍ਸ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ.

੬੬. ਨਹੇਤੁਯਾ ਨਵ, ਨਆਰਮ੍ਮਣੇ ਨਵ, ਨਅਧਿਪਤਿਯਾ ਨਵ (ਸਂਖਿਤ੍ਤਂ, ਪਚ੍ਚਨੀਯਂ).