੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯਾਦਿ

੫੪੯. ਹੇਤੁ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਹੇਤੁਸ੍ਸ ਅਨਿਦਸ੍ਸਨਅਪ੍ਪਟਿਘਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਹੇਤੁ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਹੇਤੁਸ੍ਸ ਅਨਿਦਸ੍ਸਨਅਪ੍ਪਟਿਘਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਨਵ.

ਹੇਤੁ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਹੇਤੁਸ੍ਸ ਅਨਿਦਸ੍ਸਨਅਪ੍ਪਟਿਘਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਤੀਣਿ.

ਨਹੇਤੁ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਨਹੇਤੁਸ੍ਸ ਅਨਿਦਸ੍ਸਨਅਪ੍ਪਟਿਘਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ ਸਹਜਾਤਾਧਿਪਤਿ… ਤੀਣਿ.

ਹੇਤੁ ਅਨਿਦਸ੍ਸਨਅਪ੍ਪਟਿਘੋ ਚ ਨਹੇਤੁ ਅਨਿਦਸ੍ਸਨਅਪ੍ਪਟਿਘੋ ਚ ਧਮ੍ਮਾ ਹੇਤੁਸ੍ਸ ਅਨਿਦਸ੍ਸਨਅਪ੍ਪਟਿਘਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ (ਸਂਖਿਤ੍ਤਂ).

੫੫੦. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਵਿਪਾਕੇ ਨਵ, ਆਹਾਰੇ ਤੀਣਿ, ਇਨ੍ਦ੍ਰਿਯੇ ਨਵ, ਝਾਨੇ ਤੀਣਿ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ (ਸਂਖਿਤ੍ਤਂ).

ਪਚ੍ਚਨੀਯੁਦ੍ਧਾਰੋ

੫੫੧. ਹੇਤੁ ਅਨਿਦਸ੍ਸਨਅਪ੍ਪਟਿਘੋ ਧਮ੍ਮੋ ਹੇਤੁਸ੍ਸ ਅਨਿਦਸ੍ਸਨਅਪ੍ਪਟਿਘਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੫੫੨. ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ, ਏਵਂ ਗਣੇਤਬ੍ਬਂ.)

ਹੇਤੁਦੁਕਸਨਿਦਸ੍ਸਨਸਪ੍ਪਟਿਘਤ੍ਤਿਕਂ ਨਿਟ੍ਠਿਤਂ.