੭. ਪਞ੍ਹਾਵਾਰੋ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯਾਦਿ

੩੫੧. ਹੇਤੁ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਹੇਤੁਸ੍ਸ ਨੇਵਸੇਕ੍ਖਨਾਸੇਕ੍ਖਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਹੇਤੁ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਹੇਤੁਸ੍ਸ ਨੇਵਸੇਕ੍ਖਨਾਸੇਕ੍ਖਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਨਵ.

ਹੇਤੁ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਹੇਤੁਸ੍ਸ ਨੇਵਸੇਕ੍ਖਨਾਸੇਕ੍ਖਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ… ਨਵ…ਪੇ….

ਨਹੇਤੁ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਨਹੇਤੁਸ੍ਸ ਨੇਵਸੇਕ੍ਖਨਾਸੇਕ੍ਖਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੩੫੨. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਨਵ, ਕਮ੍ਮੇ ਤੀਣਿ, ਵਿਪਾਕੇ ਨਵ, ਆਹਾਰੇ ਤੀਣਿ, ਇਨ੍ਦ੍ਰਿਯੇ ਨਵ, ਝਾਨੇ ਤੀਣਿ, ਮਗ੍ਗੇ ਨਵ, ਸਮ੍ਪਯੁਤ੍ਤੇ ਨਵ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ (ਸਂਖਿਤ੍ਤਂ).

ਪਚ੍ਚਨੀਯੁਦ੍ਧਾਰੋ

੩੫੩. ਹੇਤੁ ਨੇਵਸੇਕ੍ਖਨਾਸੇਕ੍ਖੋ ਧਮ੍ਮੋ ਹੇਤੁਸ੍ਸ ਨੇਵਸੇਕ੍ਖਨਾਸੇਕ੍ਖਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੩੫੪. ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਆਰਮ੍ਮਣੇ ਤੀਣਿ (ਸਂਖਿਤ੍ਤਂ).

ਨਹੇਤੁਪਚ੍ਚਯਾ ਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਸ੍ਸ ਅਨੁਲੋਮਮ੍ਪਿ ਪਚ੍ਚਨੀਯਮ੍ਪਿ ਅਨੁਲੋਮਪਚ੍ਚਨੀਯਮ੍ਪਿ ਪਚ੍ਚਨੀਯਾਨੁਲੋਮਮ੍ਪਿ ਗਣਿਤਂ ਏਵਂ ਗਣੇਤਬ੍ਬਂ.)

ਹੇਤੁਦੁਕਸੇਕ੍ਖਤ੍ਤਿਕਂ ਨਿਟ੍ਠਿਤਂ.