੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੪੯. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਸਪ੍ਪੀਤਿਕਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਸਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਸਪ੍ਪੀਤਿਕਾ ਹੇਤੂ ਪੀਤਿਯਾ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਪੀਤਿਯਾ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੩)

ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਅਪ੍ਪੀਤਿਕਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਆਰਮ੍ਮਣਪਚ੍ਚਯੋ

੧੫੦. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਸਪ੍ਪੀਤਿਕੇ ਖਨ੍ਧੇ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕੇ ਖਨ੍ਧੇ ਆਰਬ੍ਭ ਅਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕੇ ਖਨ੍ਧੇ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (੩)

੧੫੧. ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਅਪ੍ਪੀਤਿਕੇਨ ਚਿਤ੍ਤੇਨ ਪਚ੍ਚਵੇਕ੍ਖਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਅਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਵਿਚਿਕਿਚ੍ਛਾ ਉਪ੍ਪਜ੍ਜਤਿ, ਉਦ੍ਧਚ੍ਚਂ ਉਪ੍ਪਜ੍ਜਤਿ, ਦੋਮਨਸ੍ਸਂ ਉਪ੍ਪਜ੍ਜਤਿ; ਅਪ੍ਪੀਤਿਕਾ ਝਾਨਾ ਵੁਟ੍ਠਹਿਤ੍ਵਾ…ਪੇ… ਮਗ੍ਗਾ ਵੁਟ੍ਠਹਿਤ੍ਵਾ…ਪੇ… ਫਲਾ ਵੁਟ੍ਠਹਿਤ੍ਵਾ ਅਪ੍ਪੀਤਿਕੇਨ ਚਿਤ੍ਤੇਨ ਫਲਂ ਪਚ੍ਚਵੇਕ੍ਖਤਿ, ਅਰਿਯਾ ਅਪ੍ਪੀਤਿਕੇਨ ਚਿਤ੍ਤੇਨ ਨਿਬ੍ਬਾਨਂ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਅਪ੍ਪੀਤਿਕਸ੍ਸ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਆਵਜ੍ਜਨਾਯ ਪੀਤਿਯਾ ਚ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਰਿਯਾ ਅਪ੍ਪੀਤਿਕੇਨ ਚਿਤ੍ਤੇਨ ਅਪ੍ਪੀਤਿਕੇ ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ…ਪੇ… ਪੁਬ੍ਬੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਅਪ੍ਪੀਤਿਕੇਨ ਚਿਤ੍ਤੇਨ ਅਨਿਚ੍ਚਤੋ…ਪੇ… ਵਿਪਸ੍ਸਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਅਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਪ੍ਪੀਤਿਕਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਪੀਤਿਯਾ ਚ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਆਰਬ੍ਭ ਅਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (੧)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਸਪ੍ਪੀਤਿਕੇਨ ਚਿਤ੍ਤੇਨ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਸਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ; ਅਪ੍ਪੀਤਿਕਾ ਝਾਨਾ ਵੁਟ੍ਠਹਿਤ੍ਵਾ…ਪੇ… ਮਗ੍ਗਾ ਵੁਟ੍ਠਹਿਤ੍ਵਾ…ਪੇ… ਫਲਾ ਵੁਟ੍ਠਹਿਤ੍ਵਾ ਸਪ੍ਪੀਤਿਕੇਨ ਚਿਤ੍ਤੇਨ ਫਲਂ ਪਚ੍ਚਵੇਕ੍ਖਤਿ, ਅਰਿਯਾ ਸਪ੍ਪੀਤਿਕੇਨ ਚਿਤ੍ਤੇਨ ਨਿਬ੍ਬਾਨਂ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਸਪ੍ਪੀਤਿਕਸ੍ਸ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਰਿਯਾ ਸਪ੍ਪੀਤਿਕੇਨ ਚਿਤ੍ਤੇਨ ਅਪ੍ਪੀਤਿਕੇ ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ …ਪੇ… ਪੁਬ੍ਬੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਸਪ੍ਪੀਤਿਕੇਨ ਚਿਤ੍ਤੇਨ ਅਨਿਚ੍ਚਤੋ…ਪੇ… ਵਿਪਸ੍ਸਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਸਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ; ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਉਪ੍ਪਜ੍ਜਨ੍ਤਿ. (੨)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਸਪ੍ਪੀਤਿਕੇਨ ਚਿਤ੍ਤੇਨ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ, ਅਪ੍ਪੀਤਿਕਾ ਝਾਨਾ…ਪੇ… ਮਗ੍ਗਾ…ਪੇ… ਫਲਾ ਵੁਟ੍ਠਹਿਤ੍ਵਾ ਸਪ੍ਪੀਤਿਕੇਨ ਚਿਤ੍ਤੇਨ ਫਲਂ ਪਚ੍ਚਵੇਕ੍ਖਤਿ, ਅਰਿਯਾ ਸਪ੍ਪੀਤਿਕੇਨ ਚਿਤ੍ਤੇਨ ਨਿਬ੍ਬਾਨਂ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਸਪ੍ਪੀਤਿਕਸ੍ਸ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਪੀਤਿਯਾ ਚ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਰਿਯਾ ਸਪ੍ਪੀਤਿਕੇਨ ਚਿਤ੍ਤੇਨ ਅਪ੍ਪੀਤਿਕੇ ਪਹੀਨੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਵਿਕ੍ਖਮ੍ਭਿਤੇ ਕਿਲੇਸੇ…ਪੇ… ਪੁਬ੍ਬੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਸਪ੍ਪੀਤਿਕੇਨ ਚਿਤ੍ਤੇਨ ਅਨਿਚ੍ਚਤੋ…ਪੇ… ਵਿਪਸ੍ਸਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ, ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (੩)

੧੫੨. ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਆਰਬ੍ਭ ਅਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ.

(ਮੂਲਂ ਕਾਤਬ੍ਬਂ.) ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਆਰਬ੍ਭ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (੩)

ਅਧਿਪਤਿਪਚ੍ਚਯੋ

੧੫੩. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਸਪ੍ਪੀਤਿਕੇ ਖਨ੍ਧੇ ਗਰੁਂ ਕਤ੍ਵਾ ਸਪ੍ਪੀਤਿਕਾ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਸਪ੍ਪੀਤਿਕਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਸਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਸਪ੍ਪੀਤਿਕੇ ਖਨ੍ਧੇ ਗਰੁਂ ਕਤ੍ਵਾ ਅਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਸਪ੍ਪੀਤਿਕਾਧਿਪਤਿ ਪੀਤਿਯਾ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਸਪ੍ਪੀਤਿਕੇ ਖਨ੍ਧੇ ਗਰੁਂ ਕਤ੍ਵਾ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਸਪ੍ਪੀਤਿਕਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਪੀਤਿਯਾ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੧੫੪. ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਅਪ੍ਪੀਤਿਕੇਨ ਚਿਤ੍ਤੇਨ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਅਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ; ਅਪ੍ਪੀਤਿਕਾ ਝਾਨਾ…ਪੇ… ਮਗ੍ਗਾ…ਪੇ… ਫਲਾ ਵੁਟ੍ਠਹਿਤ੍ਵਾ ਅਪ੍ਪੀਤਿਕੇਨ ਚਿਤ੍ਤੇਨ ਫਲਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ; ਅਰਿਯਾ ਅਪ੍ਪੀਤਿਕੇਨ ਚਿਤ੍ਤੇਨ ਨਿਬ੍ਬਾਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਅਪ੍ਪੀਤਿਕਸ੍ਸ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਅਪ੍ਪੀਤਿਕੇਨ ਚਿਤ੍ਤੇਨ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਅਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਗਰੁਂ ਕਤ੍ਵਾ ਅਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਅਪ੍ਪੀਤਿਕਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… (ਸਂਖਿਤ੍ਤਂ) ਨਿਬ੍ਬਾਨਂ ਸਪ੍ਪੀਤਿਕਸ੍ਸ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਸਪ੍ਪੀਤਿਕੇਨ ਚਿਤ੍ਤੇਨ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਸਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ; ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਗਰੁਂ ਕਤ੍ਵਾ ਸਪ੍ਪੀਤਿਕਾ ਖਨ੍ਧਾ ਉਪ੍ਪਜ੍ਜਨ੍ਤਿ. (੨)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਦਾਨਂ…ਪੇ… (ਸਂਖਿਤ੍ਤਂ) ਨਿਬ੍ਬਾਨਂ ਸਪ੍ਪੀਤਿਕਸ੍ਸ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਪੀਤਿਯਾ ਚ ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਸਪ੍ਪੀਤਿਕੇਨ ਚਿਤ੍ਤੇਨ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ ਅਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਗਰੁਂ ਕਤ੍ਵਾ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (੩)

੧੫੫. ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਗਰੁਂ ਕਤ੍ਵਾ ਸਪ੍ਪੀਤਿਕਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਗਰੁਂ ਕਤ੍ਵਾ ਅਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕੇ ਖਨ੍ਧੇ ਚ ਪੀਤਿਞ੍ਚ ਗਰੁਂ ਕਤ੍ਵਾ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਉਪ੍ਪਜ੍ਜਨ੍ਤਿ. (੩)

ਅਨਨ੍ਤਰਪਚ੍ਚਯਾਦਿ

੧੫੬. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਸਪ੍ਪੀਤਿਕਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਸਪ੍ਪੀਤਿਕਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਪੁਰਿਮਾ ਪੁਰਿਮਾ ਸਪ੍ਪੀਤਿਕਾ ਖਨ੍ਧਾ ਪਚ੍ਛਿਮਾਯ ਪਚ੍ਛਿਮਾਯ ਪੀਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਸਪ੍ਪੀਤਿਕਂ ਚੁਤਿਚਿਤ੍ਤਂ ਅਪ੍ਪੀਤਿਕਸ੍ਸ ਉਪਪਤ੍ਤਿਚਿਤ੍ਤਸ੍ਸ, ਸਪ੍ਪੀਤਿਕਂ ਭਵਙ੍ਗਂ ਆਵਜ੍ਜਨਾਯ, ਸਪ੍ਪੀਤਿਕਾ ਖਨ੍ਧਾ ਅਪ੍ਪੀਤਿਕਸ੍ਸ ਵੁਟ੍ਠਾਨਸ੍ਸ, ਪੀਤਿਸਹਗਤਾ ਵਿਪਾਕਮਨੋਵਿਞ੍ਞਾਣਧਾਤੁ ਕਿਰਿਯਮਨੋਵਿਞ੍ਞਾਣਧਾਤੁਯਾ, ਸਪ੍ਪੀਤਿਕਂ ਭਵਙ੍ਗਂ ਅਪ੍ਪੀਤਿਕਸ੍ਸ ਭਵਙ੍ਗਸ੍ਸ, ਸਪ੍ਪੀਤਿਕਂ ਕੁਸਲਾਕੁਸਲਂ ਅਪ੍ਪੀਤਿਕਸ੍ਸ ਵੁਟ੍ਠਾਨਸ੍ਸ, ਕਿਰਿਯਂ ਵੁਟ੍ਠਾਨਸ੍ਸ, ਫਲਂ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਪੁਰਿਮਾ ਪੁਰਿਮਾ ਸਪ੍ਪੀਤਿਕਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਸਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੧੫੭. ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਪੀਤਿ ਪਚ੍ਛਿਮਾਯ ਪਚ੍ਛਿਮਾਯ ਪੀਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਪੁਰਿਮਾ ਪੁਰਿਮਾ ਅਪ੍ਪੀਤਿਕਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਅਪ੍ਪੀਤਿਕਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਅਨੁਲੋਮਂ ਗੋਤ੍ਰਭੁਸ੍ਸ…ਪੇ… ਅਪ੍ਪੀਤਿਕਾਯ ਫਲਸਮਾਪਤ੍ਤਿਯਾ ਪੀਤਿਯਾ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਪੁਰਿਮਾ ਪੁਰਿਮਾ ਪੀਤਿ ਪਚ੍ਛਿਮਾਨਂ ਪਚ੍ਛਿਮਾਨਂ ਸਪ੍ਪੀਤਿਕਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਅਪ੍ਪੀਤਿਕਂ ਚੁਤਿਚਿਤ੍ਤਂ ਸਪ੍ਪੀਤਿਕਸ੍ਸ ਉਪਪਤ੍ਤਿਚਿਤ੍ਤਸ੍ਸ, ਆਵਜ੍ਜਨਾ ਸਪ੍ਪੀਤਿਕਾਨਂ ਖਨ੍ਧਾਨਂ, ਅਪ੍ਪੀਤਿਕਾ ਖਨ੍ਧਾ ਸਪ੍ਪੀਤਿਕਸ੍ਸ ਵੁਟ੍ਠਾਨਸ੍ਸ, ਵਿਪਾਕਮਨੋਧਾਤੁ ਸਪ੍ਪੀਤਿਕਾਯ ਵਿਪਾਕਮਨੋਵਿਞ੍ਞਾਣਧਾਤੁਯਾ, ਅਪ੍ਪੀਤਿਕਂ ਭਵਙ੍ਗਂ ਸਪ੍ਪੀਤਿਕਸ੍ਸ ਭਵਙ੍ਗਸ੍ਸ, ਅਪ੍ਪੀਤਿਕਂ ਕੁਸਲਾਕੁਸਲਂ ਸਪ੍ਪੀਤਿਕਸ੍ਸ ਵੁਟ੍ਠਾਨਸ੍ਸ, ਕਿਰਿਯਂ ਵੁਟ੍ਠਾਨਸ੍ਸ, ਫਲਂ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਨਿਰੋਧਾ ਵੁਟ੍ਠਹਨ੍ਤਸ੍ਸ ਨੇਵਸਞ੍ਞਾਨਾਸਞ੍ਞਾਯਤਨਂ ਸਪ੍ਪੀਤਿਕਾਯ ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਪੀਤਿ ਪਚ੍ਛਿਮਾਨਂ ਪਚ੍ਛਿਮਾਨਂ ਸਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੧੫੮. ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਪਚ੍ਛਿਮਾਨਂ ਪਚ੍ਛਿਮਾਨਂ ਸਪ੍ਪੀਤਿਕਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਪਚ੍ਛਿਮਾਯ ਪਚ੍ਛਿਮਾਯ ਪੀਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਸਪ੍ਪੀਤਿਕਂ ਚੁਤਿਚਿਤ੍ਤਞ੍ਚ ਪੀਤਿ ਚ ਅਪ੍ਪੀਤਿਕਸ੍ਸ ਉਪਪਤ੍ਤਿਚਿਤ੍ਤਸ੍ਸ… ਸਪ੍ਪੀਤਿਕਂ ਭਵਙ੍ਗਞ੍ਚ ਪੀਤਿ ਚ ਆਵਜ੍ਜਨਾਯ… ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਅਪ੍ਪੀਤਿਕਸ੍ਸ ਵੁਟ੍ਠਾਨਸ੍ਸ… ਸਪ੍ਪੀਤਿਕਾ ਵਿਪਾਕਮਨੋਵਿਞ੍ਞਾਣਧਾਤੁ ਚ ਪੀਤਿ ਚ ਕਿਰਿਯਮਨੋਵਿਞ੍ਞਾਣਧਾਤੁਯਾ… ਸਪ੍ਪੀਤਿਕਂ ਭਵਙ੍ਗਞ੍ਚ ਪੀਤਿ ਚ ਅਪ੍ਪੀਤਿਕਸ੍ਸ ਭਵਙ੍ਗਸ੍ਸ… ਸਪ੍ਪੀਤਿਕਂ ਕੁਸਲਾਕੁਸਲਞ੍ਚ ਪੀਤਿ ਚ ਅਪ੍ਪੀਤਿਕਸ੍ਸ ਵੁਟ੍ਠਾਨਸ੍ਸ… ਕਿਰਿਯਞ੍ਚ ਪੀਤਿ ਚ ਵੁਟ੍ਠਾਨਸ੍ਸ… ਫਲਞ੍ਚ ਪੀਤਿ ਚ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਪਚ੍ਛਿਮਾਨਂ ਪਚ੍ਛਿਮਾਨਂ ਸਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਨਵ… ਸਹਜਾਤਪਚ੍ਚਯੇਨ ਪਚ੍ਚਯੋ… ਨਵ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਵ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ.

ਉਪਨਿਸ੍ਸਯਪਚ੍ਚਯੋ

੧੫੯. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਪ੍ਪੀਤਿਕਾ ਖਨ੍ਧਾ ਸਪ੍ਪੀਤਿਕਾਨਂ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕਾ ਖਨ੍ਧਾ ਅਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕਾ ਖਨ੍ਧਾ ਸਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੧੬੦. ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਅਪ੍ਪੀਤਿਕਂ ਸਦ੍ਧਂ ਉਪਨਿਸ੍ਸਾਯ ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦੇਤਿ, ਸੀਲਂ ਸਮਾਦਿਯਤਿ, ਉਪੋਸਥਕਮ੍ਮਂ ਕਰੋਤਿ; ਅਪ੍ਪੀਤਿਕਂ ਝਾਨਂ…ਪੇ… ਵਿਪਸ੍ਸਨਂ… ਮਗ੍ਗਂ… ਅਭਿਞ੍ਞਂ… ਸਮਾਪਤ੍ਤਿਂ ਉਪ੍ਪਾਦੇਤਿ, ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਅਪ੍ਪੀਤਿਕਂ ਸੀਲਂ…ਪੇ… ਪਞ੍ਞਂ… ਰਾਗਂ… ਦੋਸਂ… ਮੋਹਂ… ਮਾਨਂ… ਦਿਟ੍ਠਿਂ… ਪਤ੍ਥਨਂ… ਕਾਯਿਕਂ ਸੁਖਂ… ਕਾਯਿਕਂ ਦੁਕ੍ਖਂ… ਉਤੁਂ… ਭੋਜਨਂ… ਸੇਨਾਸਨਂ… ਪੀਤਿਂ ਉਪਨਿਸ੍ਸਾਯ ਅਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਪਾਣਂ ਹਨਤਿ…ਪੇ… ਸਙ੍ਘਂ ਭਿਨ੍ਦਤਿ; ਅਪ੍ਪੀਤਿਕਾ ਸਦ੍ਧਾ…ਪੇ… ਸੇਨਾਸਨਂ ਪੀਤਿ ਚ ਅਪ੍ਪੀਤਿਕਾਯ ਸਦ੍ਧਾਯ…ਪੇ… ਪਤ੍ਥਨਾਯ… ਕਾਯਿਕਸ੍ਸ ਸੁਖਸ੍ਸ… ਕਾਯਿਕਸ੍ਸ ਦੁਕ੍ਖਸ੍ਸ… ਮਗ੍ਗਸ੍ਸ ਫਲਸਮਾਪਤ੍ਤਿਯਾ ਪੀਤਿਯਾ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਤੀਣਿ ਉਪਨਿਸ੍ਸਯਾ). ਅਪ੍ਪੀਤਿਕਂ ਸਦ੍ਧਂ ਉਪਨਿਸ੍ਸਾਯ ਸਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਅਪ੍ਪੀਤਿਕਾ ਝਾਨਾ…ਪੇ… ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਅਪ੍ਪੀਤਿਕਂ ਸੀਲਂ…ਪੇ… ਸੇਨਾਸਨਂ ਪੀਤਿਂ ਉਪਨਿਸ੍ਸਾਯ ਸਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ; ਸਪ੍ਪੀਤਿਕੇਨ ਚਿਤ੍ਤੇਨ ਅਦਿਨ੍ਨਂ ਆਦਿਯਤਿ, ਮੁਸਾ…ਪੇ… ਪਿਸੁਣਂ…ਪੇ… ਸਮ੍ਫਂ…ਪੇ… ਸਨ੍ਧਿਂ…ਪੇ… ਨਿਲ੍ਲੋਪਂ…ਪੇ… ਏਕਾਗਾਰਿਕਂ…ਪੇ… ਪਰਿਪਨ੍ਥੇ…ਪੇ… ਪਰਦਾਰਂ…ਪੇ… ਗਾਮਘਾਤਂ…ਪੇ… ਨਿਗਮਘਾਤਂ ਕਰੋਤਿ; ਅਪ੍ਪੀਤਿਕਾ ਸਦ੍ਧਾ…ਪੇ… ਸੇਨਾਸਨਂ ਪੀਤਿ ਚ ਸਪ੍ਪੀਤਿਕਾਯ ਸਦ੍ਧਾਯ…ਪੇ… ਪਞ੍ਞਾਯ ਰਾਗਸ੍ਸ, ਮੋਹਸ੍ਸ… ਮਾਨਸ੍ਸ… ਦਿਟ੍ਠਿਯਾ… ਪਤ੍ਥਨਾਯ… ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੨)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਤੀਣਿ ਉਪਨਿਸ੍ਸਯਾ). ਅਪ੍ਪੀਤਿਕਂ ਸਦ੍ਧਂ ਉਪਨਿਸ੍ਸਾਯ ਸਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਅਪ੍ਪੀਤਿਕਂ ਸੀਲਂ…ਪੇ… ਸੇਨਾਸਨਂ ਪੀਤਿਂ ਉਪਨਿਸ੍ਸਾਯ ਸਪ੍ਪੀਤਿਕੇਨ ਚਿਤ੍ਤੇਨ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ; ਸਪ੍ਪੀਤਿਕੇਨ ਚਿਤ੍ਤੇਨ ਅਦਿਨ੍ਨਂ ਆਦਿਯਤਿ…ਪੇ… (ਦੁਤਿਯਵਾਰਸਦਿਸਂ) ਨਿਗਮਘਾਤਂ ਕਰੋਤਿ; ਅਪ੍ਪੀਤਿਕਾ ਸਦ੍ਧਾ…ਪੇ… ਸੇਨਾਸਨਂ ਪੀਤਿ ਚ ਸਪ੍ਪੀਤਿਕਾਯ ਸਦ੍ਧਾਯ…ਪੇ… ਪਞ੍ਞਾਯ… ਰਾਗਸ੍ਸ… ਮੋਹਸ੍ਸ… ਮਾਨਸ੍ਸ… ਦਿਟ੍ਠਿਯਾ… ਪਤ੍ਥਨਾਯ… ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਪੀਤਿਯਾ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਤੀਣਿਪਿ ਉਪਨਿਸ੍ਸਯਾ). ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਸਪ੍ਪੀਤਿਕਾਨਂ ਖਨ੍ਧਾਨਂ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਅਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ.) ਸਪ੍ਪੀਤਿਕਾ ਖਨ੍ਧਾ ਚ ਪੀਤਿ ਚ ਸਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

ਪੁਰੇਜਾਤਪਚ੍ਚਯੋ

੧੬੧. ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਪ੍ਪੀਤਿਕੇਨ ਚਿਤ੍ਤੇਨ ਅਨਿਚ੍ਚਤੋ…ਪੇ… ਵਿਪਸ੍ਸਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਅਪ੍ਪੀਤਿਕੋ ਰਾਗੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ, ਪੀਤਿ ਉਪ੍ਪਜ੍ਜਤਿ, ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਵਤ੍ਥੁ ਅਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੧)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਸਪ੍ਪੀਤਿਕੇਨ ਚਿਤ੍ਤੇਨ ਅਨਿਚ੍ਚਤੋ…ਪੇ… ਵਿਪਸ੍ਸਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਸਪ੍ਪੀਤਿਕੋ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਵਤ੍ਥੁਪੁਰੇਜਾਤਂ – ਵਤ੍ਥੁ ਸਪ੍ਪੀਤਿਕਾਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਸਪ੍ਪੀਤਿਕੇਨ ਚਿਤ੍ਤੇਨ ਅਨਿਚ੍ਚਤੋ…ਪੇ… ਵਿਪਸ੍ਸਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਪੀਤਿ ਚ ਸਮ੍ਪਯੁਤ੍ਤਕਾ ਖਨ੍ਧਾ ਚ ਉਪ੍ਪਜ੍ਜਨ੍ਤਿ. ਵਤ੍ਥੁਪੁਰੇਜਾਤਂ – ਵਤ੍ਥੁ ਸਪ੍ਪੀਤਿਕਾਨਂ ਖਨ੍ਧਾਨਂ ਪੀਤਿਯਾ ਚ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

ਪਚ੍ਛਾਜਾਤਪਚ੍ਚਯਾਦਿ

੧੬੨. ਸਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਤੀਣਿ… ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ… ਕਮ੍ਮਪਚ੍ਚਯੇਨ ਪਚ੍ਚਯੋ… ਛ (ਸਹਜਾਤਾਪਿ ਨਾਨਾਕ੍ਖਣਿਕਾਪਿ ਕਾਤਬ੍ਬਾ… ਦ੍ਵੇ ਨਾਨਾਕ੍ਖਣਿਕਾ)… ਵਿਪਾਕਪਚ੍ਚਯੇਨ ਪਚ੍ਚਯੋ… ਨਵ… ਆਹਾਰਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ… ਝਾਨਪਚ੍ਚਯੇਨ ਪਚ੍ਚਯੋ… ਨਵ… ਮਗ੍ਗਪਚ੍ਚਯੇਨ ਪਚ੍ਚਯੋ… ਚਤ੍ਤਾਰਿ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਛ… ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਪਞ੍ਚ… ਅਤ੍ਥਿਪਚ੍ਚਯੇਨ ਪਚ੍ਚਯੋ… ਨਵ (ਸਂਖਿਤ੍ਤਂ. ਸਵਿਤਕ੍ਕਦੁਕਸਦਿਸਂ ਕਾਤਬ੍ਬਂ.)… ਨਤ੍ਥਿਪਚ੍ਚਯੇਨ ਪਚ੍ਚਯੋ… ਵਿਗਤਪਚ੍ਚਯੇਨ ਪਚ੍ਚਯੋ… ਅਵਿਗਤਪਚ੍ਚਯੇਨ ਪਚ੍ਚਯੋ… ਨਵ.