੧. ਪਚ੍ਚਯਾਨੁਲੋਮਂ

੨. ਸਙ੍ਖ੍ਯਾਵਾਰੋ

੧੬੩. ਹੇਤੁਯਾ ਚਤ੍ਤਾਰਿ, ਆਰਮ੍ਮਣੇ ਨਵ, ਅਧਿਪਤਿਯਾ ਨਵ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਨਵ, ਕਮ੍ਮੇ ਛ, ਵਿਪਾਕੇ ਨਵ, ਆਹਾਰੇ ਚਤ੍ਤਾਰਿ, ਇਨ੍ਦ੍ਰਿਯੇ ਚਤ੍ਤਾਰਿ, ਝਾਨੇ ਨਵ, ਮਗ੍ਗੇ ਚਤ੍ਤਾਰਿ, ਸਮ੍ਪਯੁਤ੍ਤੇ ਛ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ.

ਅਨੁਲੋਮਂ.

ਪਚ੍ਚਨੀਯੁਦ੍ਧਾਰੋ

੧੬੪. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. ਸਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. ਸਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

੧੬੫. ਅਪ੍ਪੀਤਿਕੋ ਧਮ੍ਮੋ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. ਅਪ੍ਪੀਤਿਕੋ ਧਮ੍ਮੋ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

੧੬੬. ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਅਪ੍ਪੀਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. ਸਪ੍ਪੀਤਿਕੋ ਚ ਅਪ੍ਪੀਤਿਕੋ ਚ ਧਮ੍ਮਾ ਸਪ੍ਪੀਤਿਕਸ੍ਸ ਚ ਅਪ੍ਪੀਤਿਕਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

(ਪਚ੍ਚਨੀਯਵਿਭਙ੍ਗਗਣਨਾਪਿ ਸਵਿਤਕ੍ਕਦੁਕਸਦਿਸਾ. ਯਦਿਪਿ ਨ ਸਮੇਤਿ ਇਮਂ ਅਨੁਲੋਮਂ ਪਚ੍ਚਵੇਕ੍ਖਿਤ੍ਵਾ ਗਣੇਤਬ੍ਬਂ, ਇਤਰੇ ਦ੍ਵੇ ਗਣਨਾ ਗਣੇਤਬ੍ਬਾ.)

ਸਪ੍ਪੀਤਿਕਦੁਕਂ ਨਿਟ੍ਠਿਤਂ.