੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁਪਚ੍ਚਯੋ

੩੦. ਕੁਸਲਂ ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਧਮ੍ਮਂ ਪਟਿਚ੍ਚ ਕੁਸਲੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਆਸਵਵਿਪ੍ਪਯੁਤ੍ਤਂ ਅਨਾਸਵਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

੩੧. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

ਹੇਤੁਆਰਮ੍ਮਣਪਚ੍ਚਯਾਦਿ

੩੨. ਕੁਸਲੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਕੁਸਲਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਕੁਸਲਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਕੁਸਲੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਕੁਸਲਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਕੁਸਲਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਕੁਸਲੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਆਸਵਵਿਪ੍ਪਯੁਤ੍ਤੋ ਅਨਾਸਵੋ ਧਮ੍ਮੋ ਅਬ੍ਯਾਕਤਸ੍ਸ ਆਸਵਵਿਪ੍ਪਯੁਤ੍ਤਸ੍ਸ ਅਨਾਸਵਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧) (ਸਂਖਿਤ੍ਤਂ.)

੩੩. ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਤੀਣਿ, ਅਨਨ੍ਤਰੇ ਦ੍ਵੇ, ਸਮਨਨ੍ਤਰੇ ਦ੍ਵੇ, ਸਹਜਾਤੇ ਦ੍ਵੇ, ਅਞ੍ਞਮਞ੍ਞੇ ਦ੍ਵੇ, ਨਿਸ੍ਸਯੇ ਦ੍ਵੇ, ਉਪਨਿਸ੍ਸਯੇ ਚਤ੍ਤਾਰਿ…ਪੇ… ਅਵਿਗਤੇ ਦ੍ਵੇ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

ਕੁਸਲਤ੍ਤਿਕਆਸਵਗੋਚ੍ਛਕਂ ਨਿਟ੍ਠਿਤਂ.

੧-੨੦-੫੪. ਕੁਸਲਤ੍ਤਿਕ-ਸਞ੍ਞੋਜਨਾਦਿਦੁਕਾਨਿ

੩੪. ਅਕੁਸਲਂ ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ…ਪੇ… ਅਕੁਸਲਂ ਗਨ੍ਥਂ… ਓਘਂ… ਯੋਗਂ… ਨੀਵਰਣਂ….

ਕੁਸਲਂ ਨੋਪਰਾਮਾਸਂ ਧਮ੍ਮਂ ਪਟਿਚ੍ਚ ਕੁਸਲੋ ਨੋਪਰਾਮਾਸੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (ਆਸਵਗੋਚ੍ਛਕਸਦਿਸਂ.) ਦਿਟ੍ਠਿਂ ਪਟਿਚ੍ਚ ਦਿਟ੍ਠਿ ਨ ਉਪ੍ਪਜ੍ਜਤਿ.

ਕੁਸਲਤ੍ਤਿਕੇ ਛ ਗੋਚ੍ਛਕਂ ਨਿਟ੍ਠਿਤਂ.