੧-੫੫. ਕੁਸਲਤ੍ਤਿਕ-ਸਾਰਮ੍ਮਣਦੁਕਂ

੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੧. ਕੁਸਲਂ ਸਾਰਮ੍ਮਣਂ ਧਮ੍ਮਂ ਪਟਿਚ੍ਚ ਕੁਸਲੋ ਸਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਸਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਕੁਸਲੋ ਸਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਸਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਸਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੨. ਹੇਤੁਯਾ ਤੀਣਿ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

ਹੇਤੁ-ਆਰਮ੍ਮਣਪਚ੍ਚਯਾ

੩. ਕੁਸਲੋ ਸਾਰਮ੍ਮਣੋ ਧਮ੍ਮੋ ਕੁਸਲਸ੍ਸ ਸਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਕੁਸਲੋ ਸਾਰਮ੍ਮਣੋ ਧਮ੍ਮੋ ਅਕੁਸਲਸ੍ਸ ਸਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਸਾਰਮ੍ਮਣੋ ਧਮ੍ਮੋ ਅਬ੍ਯਾਕਤਸ੍ਸ ਸਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਕੁਸਲੋ ਸਾਰਮ੍ਮਣੋ ਧਮ੍ਮੋ ਕੁਸਲਸ੍ਸ ਸਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

੪. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਸਤ੍ਤ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

ਹੇਤੁਸਹਜਾਤਪਚ੍ਚਯਾਦਿ

੫. ਅਬ੍ਯਾਕਤਂ ਅਨਾਰਮ੍ਮਣਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਨਾਰਮ੍ਮਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

ਨਹੇਤੁਯਾ ਏਕਂ…ਪੇ… (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

੬. ਅਬ੍ਯਾਕਤੋ ਅਨਾਰਮ੍ਮਣੋ ਧਮ੍ਮੋ ਅਬ੍ਯਾਕਤਸ੍ਸ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਅਤ੍ਥਿਪਚ੍ਚਯੇਨ ਪਚ੍ਚਯੋ… ਅਵਿਗਤਪਚ੍ਚਯੇਨ ਪਚ੍ਚਯੋ (ਸਬ੍ਬਤ੍ਥ ਏਕਂ. ਸਂਖਿਤ੍ਤਂ.)

੧-੫੬. ਕੁਸਲਤ੍ਤਿਕ-ਚਿਤ੍ਤਦੁਕਂ

੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੭. ਕੁਸਲੋ ਚਿਤ੍ਤੋ ਧਮ੍ਮੋ ਕੁਸਲਸ੍ਸ ਚਿਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

ਆਰਮ੍ਮਣੇ ਨਵ, ਅਧਿਪਤਿਯਾ ਸਤ੍ਤ (ਸਂਖਿਤ੍ਤਂ).

ਨਹੇਤੁਯਾ ਨਵ, ਨਆਰਮ੍ਮਣੇ ਨਵ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

੮. ਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਕੁਸਲੋ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਅਕੁਸਲੋ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਨੋਚਿਤ੍ਤਞ੍ਚ ਅਬ੍ਯਾਕਤਂ ਨੋਚਿਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਨੋਚਿਤ੍ਤਞ੍ਚ ਅਬ੍ਯਾਕਤਂ ਨੋਚਿਤ੍ਤਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਨੋਚਿਤ੍ਤਂ ਧਮ੍ਮਂ ਪਟਿਚ੍ਚ ਕੁਸਲੋ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਸਂਖਿਤ੍ਤਂ).

੯. ਹੇਤੁਯਾ ਨਵ, ਆਰਮ੍ਮਣੇ ਤੀਣਿ, ਅਧਿਪਤਿਯਾ ਨਵ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

੧੦. ਕੁਸਲੋ ਨੋਚਿਤ੍ਤੋ ਧਮ੍ਮੋ ਕੁਸਲਸ੍ਸ ਨੋਚਿਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਧਿਪਤਿਯਾ ਦਸ…ਪੇ… ਅਵਿਗਤੇ ਤੇਰਸ (ਸਂਖਿਤ੍ਤਂ).

੧-੫੭. ਕੁਸਲਤ੍ਤਿਕ-ਚੇਤਸਿਕਦੁਕਂ

੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੧੧. ਕੁਸਲਂ ਚੇਤਸਿਕਂ ਧਮ੍ਮਂ ਪਟਿਚ੍ਚ ਕੁਸਲੋ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਚੇਤਸਿਕਂ ਧਮ੍ਮਂ ਪਟਿਚ੍ਚ ਅਕੁਸਲੋ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਚੇਤਸਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੧੨. ਹੇਤੁਯਾ ਤੀਣਿ, ਆਰਮ੍ਮਣੇ ਤੀਣਿ…ਪੇ… (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

ਹੇਤੁ-ਆਰਮ੍ਮਣਪਚ੍ਚਯਾ

੧੩. ਕੁਸਲੋ ਚੇਤਸਿਕੋ ਧਮ੍ਮੋ ਕੁਸਲਸ੍ਸ ਚੇਤਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਕੁਸਲੋ ਚੇਤਸਿਕੋ ਧਮ੍ਮੋ ਅਕੁਸਲਸ੍ਸ ਚੇਤਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਅਬ੍ਯਾਕਤੋ ਚੇਤਸਿਕੋ ਧਮ੍ਮੋ ਅਬ੍ਯਾਕਤਸ੍ਸ ਚੇਤਸਿਕਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਕੁਸਲੋ ਚੇਤਸਿਕੋ ਧਮ੍ਮੋ ਕੁਸਲਸ੍ਸ ਚੇਤਸਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਚੇਤਸਿਕੋ ਧਮ੍ਮੋ ਅਕੁਸਲਸ੍ਸ ਚੇਤਸਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਚੇਤਸਿਕੋ ਧਮ੍ਮੋ ਅਬ੍ਯਾਕਤਸ੍ਸ ਚੇਤਸਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੧੪. ਹੇਤੁਯਾ ਤੀਣਿ, ਆਰਮ੍ਮਣੇ ਨਵ, ਅਧਿਪਤਿਯਾ ਸਤ੍ਤ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

੧੫. ਕੁਸਲਂ ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਅਚੇਤਸਿਕਞ੍ਚ ਅਬ੍ਯਾਕਤਂ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਅਚੇਤਸਿਕਞ੍ਚ ਅਬ੍ਯਾਕਤਂ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੧੬. ਹੇਤੁਯਾ ਪਞ੍ਚ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਪਞ੍ਚ.

ਨਹੇਤੁਯਾ ਏਕਂ, ਨਆਰਮ੍ਮਣੇ ਪਞ੍ਚ, ਨੋਵਿਗਤੇ ਪਞ੍ਚ.

(ਸਹਜਾਤਵਾਰਮ੍ਪਿ…ਪੇ… ਪਞ੍ਹਾਵਾਰਮ੍ਪਿ ਏਵਂ ਵਿਤ੍ਥਾਰੇਤਬ੍ਬਂ.)

੧-੫੮-੬੫. ਕੁਸਲਤ੍ਤਿਕ-ਚਿਤ੍ਤਸਮ੍ਪਯੁਤ੍ਤਾਦਿਦੁਕਾਨਿ

੧-੭. ਪਟਿਚ੍ਚਵਾਰਾਦਿ

੧੭. ਕੁਸਲਂ ਚਿਤ੍ਤਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਸਂਸਟ੍ਠਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਸਮੁਟ੍ਠਾਨਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਸਹਭੁਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਾਨੁਪਰਿਵਤ੍ਤਿਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਸਂਸਟ੍ਠਸਮੁਟ੍ਠਾਨਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਂ ਧਮ੍ਮਂ ਪਟਿਚ੍ਚ…ਪੇ… ਕੁਸਲਂ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਂ ਧਮ੍ਮਂ ਪਟਿਚ੍ਚ ਕੁਸਲੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਤੀਣਿ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਞ੍ਹਾਵਾਰਮ੍ਪਿ ਏਵਂ ਵਿਤ੍ਥਾਰੇਤਬ੍ਬਂ).

੧-੬੬. ਕੁਸਲਤ੍ਤਿਕ-ਅਜ੍ਝਤ੍ਤਿਕਦੁਕਂ

੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੧੮. ਅਬ੍ਯਾਕਤਂ ਅਜ੍ਝਤ੍ਤਿਕਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਜ੍ਝਤ੍ਤਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਸਹਜਾਤੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ.)

੧੯. ਕੁਸਲੋ ਅਜ੍ਝਤ੍ਤਿਕੋ ਧਮ੍ਮੋ ਕੁਸਲਸ੍ਸ ਅਜ੍ਝਤ੍ਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਕੁਸਲੋ ਅਜ੍ਝਤ੍ਤਿਕੋ ਧਮ੍ਮੋ ਅਕੁਸਲਸ੍ਸ ਅਜ੍ਝਤ੍ਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਕੁਸਲੋ ਅਜ੍ਝਤ੍ਤਿਕੋ ਧਮ੍ਮੋ ਅਬ੍ਯਾਕਤਸ੍ਸ ਅਜ੍ਝਤ੍ਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੩)

ਅਕੁਸਲੋ ਅਜ੍ਝਤ੍ਤਿਕੋ ਧਮ੍ਮੋ ਅਕੁਸਲਸ੍ਸ ਅਜ੍ਝਤ੍ਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਅਜ੍ਝਤ੍ਤਿਕੋ ਧਮ੍ਮੋ ਅਬ੍ਯਾਕਤਸ੍ਸ ਅਜ੍ਝਤ੍ਤਿਕਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੨੦. ਆਰਮ੍ਮਣੇ ਨਵ, ਪੁਰੇਜਾਤੇ ਤੀਣਿ…ਪੇ… ਅਵਿਗਤੇ ਪਞ੍ਚ (ਸਂਖਿਤ੍ਤਂ. ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ).

੨੧. ਕੁਸਲਂ ਬਾਹਿਰਂ ਧਮ੍ਮਂ ਪਟਿਚ੍ਚ ਕੁਸਲੋ ਬਾਹਿਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਨਵ, ਆਰਮ੍ਮਣੇ ਤੀਣਿ…ਪੇ… ਵਿਪਾਕੇ ਏਕਂ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

੨੨. ਕੁਸਲੋ ਬਾਹਿਰੋ ਧਮ੍ਮੋ ਕੁਸਲਸ੍ਸ ਬਾਹਿਰਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ).

ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ…ਪੇ… ਅਵਿਗਤੇ ਤੇਰਸ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

੧-੬੭. ਕੁਸਲਤ੍ਤਿਕ-ਉਪਾਦਾਦੁਕਂ

੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੨੩. ਅਬ੍ਯਾਕਤੋ ਉਪਾਦਾ ਧਮ੍ਮੋ ਅਬ੍ਯਾਕਤਸ੍ਸ ਉਪਾਦਾ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਅਤ੍ਥਿਪਚ੍ਚਯੇਨ ਪਚ੍ਚਯੋ… ਅਵਿਗਤਪਚ੍ਚਯੇਨ ਪਚ੍ਚਯੋ.

ਆਹਾਰੇ ਏਕਂ, ਇਨ੍ਦ੍ਰਿਯੇ ਅਤ੍ਥਿਯਾ ਅਵਿਗਤੇ ਏਕਂ (ਸਂਖਿਤ੍ਤਂ).

੨੪. ਕੁਸਲਂ ਨੋਉਪਾਦਾ ਧਮ੍ਮਂ ਪਟਿਚ੍ਚ ਕੁਸਲੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਕੁਸਲਂ ਨੋਉਪਾਦਾ ਧਮ੍ਮਂ ਪਟਿਚ੍ਚ ਅਕੁਸਲੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਨੋਉਪਾਦਾ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਨੋਉਪਾਦਾ ਚ ਅਬ੍ਯਾਕਤਂ ਨੋਉਪਾਦਾ ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਨੋਉਪਾਦਾ ਚ ਅਬ੍ਯਾਕਤਂ ਨੋਉਪਾਦਾ ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੨੫. ਹੇਤੁਯਾ ਨਵ… (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

੨੬. ਕੁਸਲੋ ਨੋਉਪਾਦਾ ਧਮ੍ਮੋ ਕੁਸਲਸ੍ਸ ਨੋਉਪਾਦਾ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਨੋਉਪਾਦਾ ਧਮ੍ਮੋ ਅਕੁਸਲਸ੍ਸ ਨੋਉਪਾਦਾ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਨੋਉਪਾਦਾ ਧਮ੍ਮੋ ਅਬ੍ਯਾਕਤਸ੍ਸ ਨੋਉਪਾਦਾ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

੨੭. ਕੁਸਲੋ ਨੋਉਪਾਦਾ ਧਮ੍ਮੋ ਕੁਸਲਸ੍ਸ ਨੋਉਪਾਦਾ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਨੋਉਪਾਦਾ ਧਮ੍ਮੋ ਅਕੁਸਲਸ੍ਸ ਨੋਉਪਾਦਾ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਨੋਉਪਾਦਾ ਧਮ੍ਮੋ ਅਬ੍ਯਾਕਤਸ੍ਸ ਨੋਉਪਾਦਾ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੨੮. ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਧਿਪਤਿਯਾ ਦਸ…ਪੇ… ਅਵਿਗਤੇ ਏਕਾਦਸ (ਸਂਖਿਤ੍ਤਂ).

(ਯਥਾ ਕੁਸਲਤ੍ਤਿਕੇ ਪਞ੍ਹਾਵਾਰਂ, ਏਵਂ ਵਿਤ੍ਥਾਰੇਤਬ੍ਬਂ.)

੧-੬੮. ਕੁਸਲਤ੍ਤਿਕ-ਉਪਾਦਿਨ੍ਨਦੁਕਂ

੧-੭. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

੨੯. ਅਬ੍ਯਾਕਤਂ ਉਪਾਦਿਨ੍ਨਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਉਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਸਂਖਿਤ੍ਤਂ).

(ਸਹਜਾਤਵਾਰੇਪਿ…ਪੇ… ਪਞ੍ਹਾਵਾਰੇਪਿ ਸਬ੍ਬਤ੍ਥ ਏਕਂ.)

੩੦. ਕੁਸਲਂ ਅਨੁਪਾਦਿਨ੍ਨਂ ਧਮ੍ਮਂ ਪਟਿਚ੍ਚ ਕੁਸਲੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਕੁਸਲਂ ਅਨੁਪਾਦਿਨ੍ਨਂ ਧਮ੍ਮਂ ਪਟਿਚ੍ਚ ਅਕੁਸਲੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਅਬ੍ਯਾਕਤਂ ਅਨੁਪਾਦਿਨ੍ਨਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਕੁਸਲਂ ਅਨੁਪਾਦਿਨ੍ਨਞ੍ਚ ਅਬ੍ਯਾਕਤਂ ਅਨੁਪਾਦਿਨ੍ਨਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਕੁਸਲਂ ਅਨੁਪਾਦਿਨ੍ਨਞ੍ਚ ਅਬ੍ਯਾਕਤਂ ਅਨੁਪਾਦਿਨ੍ਨਞ੍ਚ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧) (ਸਂਖਿਤ੍ਤਂ.)

੩੧. ਹੇਤੁਯਾ ਨਵ, ਆਰਮ੍ਮਣੇ ਤੀਣਿ…ਪੇ… ਅਵਿਗਤੇ ਨਵ (ਸਂਖਿਤ੍ਤਂ. ਸਹਜਾਤਵਾਰਮ੍ਪਿ…ਪੇ… ਸਮ੍ਪਯੁਤ੍ਤਵਾਰਮ੍ਪਿ ਪਟਿਚ੍ਚਵਾਰਸਦਿਸਂ).

ਹੇਤੁ-ਆਰਮ੍ਮਣਪਚ੍ਚਯਾ

੩੨. ਕੁਸਲੋ ਅਨੁਪਾਦਿਨ੍ਨੋ ਧਮ੍ਮੋ ਕੁਸਲਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਅਨੁਪਾਦਿਨ੍ਨੋ ਧਮ੍ਮੋ ਅਕੁਸਲਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਅਬ੍ਯਾਕਤਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੧)

੩੩. ਕੁਸਲੋ ਅਨੁਪਾਦਿਨ੍ਨੋ ਧਮ੍ਮੋ ਕੁਸਲਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਕੁਸਲੋ ਅਨੁਪਾਦਿਨ੍ਨੋ ਧਮ੍ਮੋ ਅਕੁਸਲਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਅਬ੍ਯਾਕਤਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਕੁਸਲਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਅਬ੍ਯਾਕਤੋ ਅਨੁਪਾਦਿਨ੍ਨੋ ਧਮ੍ਮੋ ਅਕੁਸਲਸ੍ਸ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਸਂਖਿਤ੍ਤਂ).

੩੪. ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਧਿਪਤਿਯਾ ਦਸ, ਅਨਨ੍ਤਰੇ ਛ…ਪੇ… ਸਹਜਾਤੇ ਨਵ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ…ਪੇ… ਅਵਿਗਤੇ ਏਕਾਦਸ (ਸਂਖਿਤ੍ਤਂ).

ਕੁਸਲਤ੍ਤਿਕਮਹਨ੍ਤਰਦੁਕਂ ਨਿਟ੍ਠਿਤਂ.

੧-੬੯-੭੪. ਕੁਸਲਤ੍ਤਿਕ-ਉਪਾਦਾਨਾਦਿਦੁਕਾਨਿ

੩੫. ਅਕੁਸਲਂ ਉਪਾਦਾਨਂ ਧਮ੍ਮਂ ਪਟਿਚ੍ਚ ਅਕੁਸਲੋ ਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ (ਉਪਾਦਾਨਗੋਚ੍ਛਕਂ ਵਿਤ੍ਥਾਰੇਤਬ੍ਬਂ).

ਕੁਸਲਤ੍ਤਿਕਉਪਾਦਾਨਗੋਚ੍ਛਕਂ ਨਿਟ੍ਠਿਤਂ.