੧-੬. ਪਟਿਚ੍ਚਵਾਰਾਦਿ

ਪਚ੍ਚਯਚਤੁਕ੍ਕਂ

ਹੇਤੁ-ਆਰਮ੍ਮਣਪਚ੍ਚਯਾ

੧. ਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ.

ਅਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਅਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

ਅਬ੍ਯਾਕਤਂ ਹੇਤੁਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. (੧)

੨. ਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. (੧)

ਅਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਅਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. (੧)

ਅਬ੍ਯਾਕਤਂ ਹੇਤੁਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ. (੧) (ਸਂਖਿਤ੍ਤਂ.)

੩. ਹੇਤੁਯਾ ਤੀਣਿ, ਆਰਮ੍ਮਣੇ ਤੀਣਿ, ਅਧਿਪਤਿਯਾ ਤੀਣਿ, ਅਨਨ੍ਤਰੇ ਤੀਣਿ, ਸਮਨਨ੍ਤਰੇ ਤੀਣਿ, ਸਹਜਾਤੇ ਤੀਣਿ, ਅਞ੍ਞਮਞ੍ਞੇ ਤੀਣਿ, ਨਿਸ੍ਸਯੇ ਤੀਣਿ, ਉਪਨਿਸ੍ਸਯੇ ਤੀਣਿ, ਪੁਰੇਜਾਤੇ ਤੀਣਿ, ਆਸੇਵਨੇ ਤੀਣਿ, ਕਮ੍ਮੇ ਤੀਣਿ, ਵਿਪਾਕੇ ਏਕਂ, ਆਹਾਰੇ ਤੀਣਿ…ਪੇ… ਅਵਿਗਤੇ ਤੀਣਿ (ਸਂਖਿਤ੍ਤਂ).

ਪਚ੍ਚਨੀਯਂ –ਨਅਧਿਪਤਿਪਚ੍ਚਯੋ

੪. ਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ. (੧)

ਅਕੁਸਲਂ ਹੇਤੁਂ ਧਮ੍ਮਂ ਪਟਿਚ੍ਚ ਅਕੁਸਲੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ. (੧)

ਅਬ੍ਯਾਕਤਂ ਹੇਤੁਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਨਅਧਿਪਤਿਪਚ੍ਚਯਾ. (੧) (ਸਂਖਿਤ੍ਤਂ.)

੫. ਨਅਧਿਪਤਿਯਾ ਤੀਣਿ, ਨਪੁਰੇਜਾਤੇ ਤੀਣਿ, ਨਪਚ੍ਛਾਜਾਤੇ ਤੀਣਿ, ਨਆਸੇਵਨੇ ਤੀਣਿ, ਨਵਿਪਾਕੇ ਤੀਣਿ, ਨਵਿਪ੍ਪਯੁਤ੍ਤੇ ਤੀਣਿ (ਸਂਖਿਤ੍ਤਂ).

ਹੇਤੁਪਚ੍ਚਯਾ ਨਅਧਿਪਤਿਯਾ ਤੀਣਿ (ਸਂਖਿਤ੍ਤਂ).

ਨਅਧਿਪਤਿਪਚ੍ਚਯਾ ਹੇਤੁਯਾ ਤੀਣਿ (ਸਂਖਿਤ੍ਤਂ).

(ਸਹਜਾਤਵਾਰੇਪਿ ਪਚ੍ਚਯਵਾਰੇਪਿ ਨਿਸ੍ਸਯਵਾਰੇਪਿ ਸਂਸਟ੍ਠਵਾਰੇਪਿ ਸਮ੍ਪਯੁਤ੍ਤਵਾਰੇਪਿ ਸਬ੍ਬਤ੍ਥ ਤੀਣਿ.)