੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੮੭. ਪਰਾਮਟ੍ਠੋ ਚੇਵ ਨੋ ਚ ਪਰਾਮਾਸੋ ਧਮ੍ਮੋ ਪਰਾਮਟ੍ਠਸ੍ਸ ਚੇਵ ਨੋ ਚ ਪਰਾਮਾਸਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਪਰਾਮਟ੍ਠੋ ਚੇਵ ਨੋ ਚ ਪਰਾਮਾਸੋ ਧਮ੍ਮੋ ਪਰਾਮਾਸਸ੍ਸ ਚੇਵ ਪਰਾਮਟ੍ਠਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ ਹੇਤੂ ਪਰਾਮਾਸਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. (੨)

ਪਰਾਮਟ੍ਠੋ ਚੇਵ ਨੋ ਚ ਪਰਾਮਾਸੋ ਧਮ੍ਮੋ ਪਰਾਮਾਸਸ੍ਸ ਚੇਵ ਪਰਾਮਟ੍ਠਸ੍ਸ ਚ ਪਰਾਮਟ੍ਠਸ੍ਸ ਚੇਵ ਨੋ ਚ ਪਰਾਮਾਸਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਪਰਾਮਾਸਸ੍ਸ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਆਰਮ੍ਮਣਪਚ੍ਚਯੋ

੮੮. ਪਰਾਮਾਸੋ ਚੇਵ ਪਰਾਮਟ੍ਠੋ ਚ ਧਮ੍ਮੋ ਪਰਾਮਾਸਸ੍ਸ ਚੇਵ ਪਰਾਮਟ੍ਠਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਆਰਬ੍ਭ ਕਾਤਬ੍ਬਾਨਿ ਪਰਾਮਾਸਦੁਕਸਦਿਸਂ).

੮੯. ਪਰਾਮਟ੍ਠੋ ਚੇਵ ਨੋ ਚ ਪਰਾਮਾਸੋ ਧਮ੍ਮੋ ਪਰਾਮਟ੍ਠਸ੍ਸ ਚੇਵ ਨੋ ਚ ਪਰਾਮਾਸਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ…ਪੇ… ਵਿਚਿਕਿਚ੍ਛਾ, ਉਦ੍ਧਚ੍ਚਂ, ਦੋਮਨਸ੍ਸਂ ਉਪ੍ਪਜ੍ਜਤਿ, ਪੁਬ੍ਬੇ…ਪੇ… ਝਾਨਾ…ਪੇ… ਅਰਿਯਾ ਗੋਤ੍ਰਭੁਂ ਪਚ੍ਚਵੇਕ੍ਖਨ੍ਤਿ, ਵੋਦਾਨਂ ਪਚ੍ਚਵੇਕ੍ਖਨ੍ਤਿ, ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ…ਪੇ… ਪੁਬ੍ਬੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਪਰਾਮਟ੍ਠੇ ਚੇਵ ਨੋ ਚ ਪਰਾਮਾਸੇ ਖਨ੍ਧੇ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ. ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ (ਯਾਵ ਆਵਜ੍ਜਨਾ ਸਬ੍ਬਂ ਕਾਤਬ੍ਬਂ). (੧)

ਪਰਾਮਟ੍ਠੋ ਚੇਵ ਨੋ ਚ ਪਰਾਮਾਸੋ ਧਮ੍ਮੋ ਪਰਾਮਾਸਸ੍ਸ ਚੇਵ ਪਰਾਮਟ੍ਠਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ…ਪੇ… ਝਾਨਾ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਪਰਾਮਟ੍ਠੇ ਚੇਵ ਨੋ ਚ ਪਰਾਮਾਸੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਦਿਟ੍ਠਿ ਉਪ੍ਪਜ੍ਜਤਿ. (੨)

ਪਰਾਮਟ੍ਠੋ ਚੇਵ ਨੋ ਚ ਪਰਾਮਾਸੋ ਧਮ੍ਮੋ ਪਰਾਮਾਸਸ੍ਸ ਚੇਵ ਪਰਾਮਟ੍ਠਸ੍ਸ ਚ ਪਰਾਮਟ੍ਠਸ੍ਸ ਚੇਵ ਨੋ ਚ ਪਰਾਮਾਸਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ…ਪੇ… ਝਾਨਾ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਪਰਾਮਟ੍ਠੇ ਚੇਵ ਨੋ ਚ ਪਰਾਮਾਸੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਪਰਾਮਾਸੋ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

(ਏਵਂ ਇਤਰੇਪਿ ਤੀਣਿ ਆਰਬ੍ਭ ਕਾਤਬ੍ਬਾਨਿ. ਇਮਂ ਦੁਕਂ ਪਰਾਮਾਸਦੁਕਸਦਿਸਂ. ਲੋਕੁਤ੍ਤਰਂ ਯਹਿਂ ਨ ਲਬ੍ਭਤਿ ਤਹਿਂ ਨ ਕਾਤਬ੍ਬਂ.)

ਪਰਾਮਾਸਪਰਾਮਟ੍ਠਦੁਕਂ ਨਿਟ੍ਠਿਤਂ.