੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੮੦. ਹੇਤੁਯਾ ਚਤ੍ਤਾਰਿ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਪਞ੍ਚ, ਅਨਨ੍ਤਰੇ ਚਤ੍ਤਾਰਿ, ਸਮਨਨ੍ਤਰੇ ਚਤ੍ਤਾਰਿ, ਸਹਜਾਤੇ ਪਞ੍ਚ, ਅਞ੍ਞਮਞ੍ਞੇ ਦ੍ਵੇ, ਨਿਸ੍ਸਯੇ ਸਤ੍ਤ, ਉਪਨਿਸ੍ਸਯੇ ਚਤ੍ਤਾਰਿ, ਪੁਰੇਜਾਤੇ ਦ੍ਵੇ, ਪਚ੍ਛਾਜਾਤੇ ਦ੍ਵੇ, ਆਸੇਵਨੇ ਦ੍ਵੇ, ਕਮ੍ਮੇ ਚਤ੍ਤਾਰਿ, ਵਿਪਾਕੇ ਏਕਂ, ਆਹਾਰੇ ਚਤ੍ਤਾਰਿ, ਇਨ੍ਦ੍ਰਿਯੇ ਚਤ੍ਤਾਰਿ, ਝਾਨੇ ਚਤ੍ਤਾਰਿ, ਮਗ੍ਗੇ ਚਤ੍ਤਾਰਿ, ਸਮ੍ਪਯੁਤ੍ਤੇ ਦ੍ਵੇ, ਵਿਪ੍ਪਯੁਤ੍ਤੇ ਤੀਣਿ, ਅਤ੍ਥਿਯਾ ਸਤ੍ਤ, ਨਤ੍ਥਿਯਾ ਚਤ੍ਤਾਰਿ, ਵਿਗਤੇ ਚਤ੍ਤਾਰਿ, ਅਵਿਗਤੇ ਸਤ੍ਤ.

ਅਨੁਲੋਮਂ.

ਪਚ੍ਚਨੀਯੁਦ੍ਧਾਰੋ

੮੧. ਪਰਾਮਾਸਸਮ੍ਪਯੁਤ੍ਤੋ ਧਮ੍ਮੋ ਪਰਾਮਾਸਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਪਰਾਮਾਸਸਮ੍ਪਯੁਤ੍ਤੋ ਧਮ੍ਮੋ ਪਰਾਮਾਸਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਪਰਾਮਾਸਸਮ੍ਪਯੁਤ੍ਤੋ ਧਮ੍ਮੋ ਪਰਾਮਾਸਸਮ੍ਪਯੁਤ੍ਤਸ੍ਸ ਚ ਪਰਾਮਾਸਵਿਪ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ. (੩)

੮੨. ਪਰਾਮਾਸਵਿਪ੍ਪਯੁਤ੍ਤੋ ਧਮ੍ਮੋ ਪਰਾਮਾਸਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਪਰਾਮਾਸਵਿਪ੍ਪਯੁਤ੍ਤੋ ਧਮ੍ਮੋ ਪਰਾਮਾਸਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਪਰਾਮਾਸਸਮ੍ਪਯੁਤ੍ਤੋ ਚ ਪਰਾਮਾਸਵਿਪ੍ਪਯੁਤ੍ਤੋ ਚ ਧਮ੍ਮਾ ਪਰਾਮਾਸਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਸਹਜਾਤਂ, ਪੁਰੇਜਾਤਂ. (੧)

ਪਰਾਮਾਸਸਮ੍ਪਯੁਤ੍ਤੋ ਚ ਪਰਾਮਾਸਵਿਪ੍ਪਯੁਤ੍ਤੋ ਚ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਸਹਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. (੨)