੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੦੦. ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਸਮ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਨੀਵਰਣਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਧਮ੍ਮੋ ਨੀਵਰਣਸਮ੍ਪਯੁਤ੍ਤਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੨)

ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਸਮ੍ਪਯੁਤ੍ਤਸ੍ਸ ਚ ਨੀਵਰਣਸਮ੍ਪਯੁਤ੍ਤਸ੍ਸ ਚੇਵ ਨੋ ਚ ਨੀਵਰਣਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਨੀਵਰਣਾਨਞ੍ਚ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਆਰਮ੍ਮਣਪਚ੍ਚਯੋ

੧੦੧. ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਸਮ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਨੀਵਰਣੇ ਆਰਬ੍ਭ ਨੀਵਰਣਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ) ਨੀਵਰਣੇ ਆਰਬ੍ਭ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ) ਨੀਵਰਣੇ ਆਰਬ੍ਭ ਨੀਵਰਣਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

ਨੀਵਰਣਸਮ੍ਪਯੁਤ੍ਤੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਸਮ੍ਪਯੁਤ੍ਤਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਨੀਵਰਣਸਮ੍ਪਯੁਤ੍ਤੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਆਰਬ੍ਭ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਪੁਚ੍ਛਿਤਬ੍ਬਂ) ਨੀਵਰਣਸਮ੍ਪਯੁਤ੍ਤੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਆਰਬ੍ਭ ਨੀਵਰਣਾ ਉਪ੍ਪਜ੍ਜਨ੍ਤਿ. (ਮੂਲਂ ਪੁਚ੍ਛਿਤਬ੍ਬਂ) ਨੀਵਰਣਸਮ੍ਪਯੁਤ੍ਤੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਆਰਬ੍ਭ ਨੀਵਰਣਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਨੀਵਰਣਸਮ੍ਪਯੁਤ੍ਤੋ ਚੇਵ ਨੋ ਚ ਨੀਵਰਣੋ ਚ ਧਮ੍ਮਾ ਨੀਵਰਣਸ੍ਸ ਚੇਵ ਨੀਵਰਣਸਮ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ. (੩)

ਅਧਿਪਤਿਪਚ੍ਚਯਾਦਿ

੧੦੨. ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਸਮ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ (ਗਰੁਕਾਰਮ੍ਮਣਾਯੇਵ).

ਨੀਵਰਣਸਮ੍ਪਯੁਤ੍ਤੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਸਮ੍ਪਯੁਤ੍ਤਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ ਨੀਵਰਣਸਮ੍ਪਯੁਤ੍ਤੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਗਰੁਂ ਕਤ੍ਵਾ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ) ਆਰਮ੍ਮਣਾਧਿਪਤਿ – ਨੀਵਰਣਸਮ੍ਪਯੁਤ੍ਤੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਗਰੁਂ ਕਤ੍ਵਾ ਨੀਵਰਣਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾਧਿਪਤਿ ਸਮ੍ਪਯੁਤ੍ਤਕਾਨਂ ਨੀਵਰਣਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ) ਆਰਮ੍ਮਣਾਧਿਪਤਿ – ਨੀਵਰਣਸਮ੍ਪਯੁਤ੍ਤੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਗਰੁਂ ਕਤ੍ਵਾ ਨੀਵਰਣਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਨੀਵਰਣਾਨਞ੍ਚ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੧੦੩. ਨੀਵਰਣੋ ਚੇਵ ਨੀਵਰਣਸਮ੍ਪਯੁਤ੍ਤੋ ਚ ਨੀਵਰਣਸਮ੍ਪਯੁਤ੍ਤੋ ਚੇਵ ਨੋ ਚ ਨੀਵਰਣੋ ਚ ਧਮ੍ਮਾ ਨੀਵਰਣਸ੍ਸ ਚੇਵ ਨੀਵਰਣਸਮ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ… ਤੀਣਿ. (੩)

ਅਨਨ੍ਤਰਪਚ੍ਚਯੇਨ ਪਚ੍ਚਯੋ (ਆਵਜ੍ਜਨਾਪਿ ਵੁਟ੍ਠਾਨਮ੍ਪਿ ਨਤ੍ਥਿ, ਸਬ੍ਬਤ੍ਥ ਪੁਰਿਮਾ ਪੁਰਿਮਾ ਕਾਤਬ੍ਬਾ)… ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਨਵ… ਸਹਜਾਤਪਚ੍ਚਯੇਨ ਪਚ੍ਚਯੋ… ਨਵ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਵ… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ (ਆਰਮ੍ਮਣਸਦਿਸਂ, ਵਿਪਾਕੋ ਨਤ੍ਥਿ)… ਆਸੇਵਨਪਚ੍ਚਯੇਨ ਪਚ੍ਚਯੋ… ਪਞ੍ਚ.

ਕਮ੍ਮਪਚ੍ਚਯੋ

੧੦੪. ਨੀਵਰਣਸਮ੍ਪਯੁਤ੍ਤੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਸਮ੍ਪਯੁਤ੍ਤਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ) ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਨੀਵਰਣਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (ਮੂਲਂ ਕਾਤਬ੍ਬਂ) ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਨੀਵਰਣਾਨਞ੍ਚ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਆਹਾਰਪਚ੍ਚਯਾਦਿ

੧੦੫. ਨੀਵਰਣਸਮ੍ਪਯੁਤ੍ਤੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਸਮ੍ਪਯੁਤ੍ਤਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ… ਤੀਣਿ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਤੀਣਿ… ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ… ਮਗ੍ਗਪਚ੍ਚਯੇਨ ਪਚ੍ਚਯੋ… ਤੀਣਿ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਨਵ… ਅਤ੍ਥਿਪਚ੍ਚਯੇਨ ਪਚ੍ਚਯੋ… ਨਵ… ਨਤ੍ਥਿਪਚ੍ਚਯੇਨ ਪਚ੍ਚਯੋ… ਨਵ… ਵਿਗਤਪਚ੍ਚਯੇਨ ਪਚ੍ਚਯੋ… ਨਵ… ਅਵਿਗਤਪਚ੍ਚਯੇਨ ਪਚ੍ਚਯੋ … ਨਵ.