੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੯੦. ਨੀਵਰਣੋ ਚੇਵ ਨੀਵਰਣਿਯੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਿਯਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਾ ਚੇਵ ਨੀਵਰਣਿਯਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਨੀਵਰਣਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਨੀਵਰਣੋ ਚੇਵ ਨੀਵਰਣਿਯੋ ਚ ਧਮ੍ਮੋ ਨੀਵਰਣਿਯਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਾ ਚੇਵ ਨੀਵਰਣਿਯਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੨)

ਨੀਵਰਣੋ ਚੇਵ ਨੀਵਰਣਿਯੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਿਯਸ੍ਸ ਚ ਨੀਵਰਣਿਯਸ੍ਸ ਚੇਵ ਨੋ ਚ ਨੀਵਰਣਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਾ ਚੇਵ ਨੀਵਰਣਿਯਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਨੀਵਰਣਾਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੩)

ਨੀਵਰਣਿਯੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਿਯਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਆਰਮ੍ਮਣਪਚ੍ਚਯੋ

੯੧. ਨੀਵਰਣੋ ਚੇਵ ਨੀਵਰਣਿਯੋ ਚ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਨੀਵਰਣੇ ਆਰਬ੍ਭ ਨੀਵਰਣਾ ਉਪ੍ਪਜ੍ਜਨ੍ਤਿ. (ਮੂਲਂ ਪੁਚ੍ਛਿਤਬ੍ਬਂ) ਨੀਵਰਣੇ ਆਰਬ੍ਭ ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਪੁਚ੍ਛਿਤਬ੍ਬਂ) ਨੀਵਰਣੇ ਆਰਬ੍ਭ ਨੀਵਰਣਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

ਨੀਵਰਣਿਯੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਿਯਸ੍ਸ ਚੇਵ ਨੋ ਚ ਨੀਵਰਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ… ਵਿਚਿਕਿਚ੍ਛਾ… ਉਦ੍ਧਚ੍ਚਂ… ਦੋਮਨਸ੍ਸਂ ਉਪ੍ਪਜ੍ਜਤਿ; ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਅਰਿਯਾ ਗੋਤ੍ਰਭੁਂ ਪਚ੍ਚਵੇਕ੍ਖਨ੍ਤਿ, ਵੋਦਾਨਂ…ਪੇ… ਪਹੀਨੇ ਕਿਲੇਸੇ …ਪੇ… ਵਿਕ੍ਖਮ੍ਭਿਤੇ ਕਿਲੇਸੇ…ਪੇ… ਪੁਬ੍ਬੇ ਸਮੁਦਾਚਿਣ੍ਣੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੀਵਰਣਿਯੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਅਨਿਚ੍ਚਤੋ…ਪੇ… ਵਿਪਸ੍ਸਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ… (ਯਾਵ ਆਵਜ੍ਜਨਾ ਤਾਵ ਕਾਤਬ੍ਬਾ). (੧)

ਨੀਵਰਣਿਯੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੀਵਰਣਿਯੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ…ਪੇ… ਦਿਟ੍ਠਿ… ਵਿਚਿਕਿਚ੍ਛਾ… ਉਦ੍ਧਚ੍ਚਂ… ਦੋਮਨਸ੍ਸਂ ਉਪ੍ਪਜ੍ਜਤਿ. (੨)

ਨੀਵਰਣਿਯੋ ਚੇਵ ਨੋ ਚ ਨੀਵਰਣੋ ਧਮ੍ਮੋ ਨੀਵਰਣਸ੍ਸ ਚੇਵ ਨੀਵਰਣਿਯਸ੍ਸ ਚ ਨੀਵਰਣਿਯਸ੍ਸ ਚੇਵ ਨੋ ਚ ਨੀਵਰਣਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ…ਪੇ… ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ …ਪੇ… ਚਕ੍ਖੁਂ…ਪੇ… ਵਤ੍ਥੁਂ ਨੀਵਰਣਿਯੇ ਚੇਵ ਨੋ ਚ ਨੀਵਰਣੇ ਖਨ੍ਧੇ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਨੀਵਰਣਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ (ਏਵਂ ਇਤਰੇਪਿ ਤੀਣਿ ਕਾਤਬ੍ਬਾ). (੩)

(ਆਰਮ੍ਮਣਸਦਿਸਾ ਅਧਿਪਤਿਪਚ੍ਚਯਾ, ਪੁਰੇਜਾਤਮ੍ਪਿ ਆਰਮ੍ਮਣਸਦਿਸਂ. ਉਪਨਿਸ੍ਸਯੇਪਿ ਲੋਕੁਤ੍ਤਰਂ ਨ ਕਾਤਬ੍ਬਂ. ਸਂਖਿਤ੍ਤਂ, ਏਵਂ ਵਿਤ੍ਥਾਰੇਤਬ੍ਬਂ ਯਥਾ ਨੀਵਰਣਦੁਕਂ, ਏਵਂ ਪਚ੍ਚਵੇਕ੍ਖਿਤ੍ਵਾ ਕਾਤਬ੍ਬਂ.)

ਨੀਵਰਣਨੀਵਰਣਿਯਦੁਕਂ ਨਿਟ੍ਠਿਤਂ.