੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੩. ਨੀਵਰਣਂ ਧਮ੍ਮਂ ਪਚ੍ਚਯਾ ਨੀਵਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨੋਨੀਵਰਣਂ ਧਮ੍ਮਂ ਪਚ੍ਚਯਾ ਨੋਨੀਵਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਨੀਵਰਣਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… (ਯਾਵ ਅਜ੍ਝਤ੍ਤਿਕਾ ਮਹਾਭੂਤਾ), ਵਤ੍ਥੁਂ ਪਚ੍ਚਯਾ ਨੋਨੀਵਰਣਾ ਖਨ੍ਧਾ. (੧)

ਨੋਨੀਵਰਣਂ ਧਮ੍ਮਂ ਪਚ੍ਚਯਾ ਨੀਵਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਨੀਵਰਣੇ ਖਨ੍ਧੇ ਪਚ੍ਚਯਾ ਨੀਵਰਣਾ, ਵਤ੍ਥੁਂ ਪਚ੍ਚਯਾ ਨੀਵਰਣਾ. (੨)

ਨੋਨੀਵਰਣਂ ਧਮ੍ਮਂ ਪਚ੍ਚਯਾ ਨੀਵਰਣੋ ਚ ਨੋਨੀਵਰਣੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਨੀਵਰਣਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਨੀਵਰਣਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਵਤ੍ਥੁਂ ਪਚ੍ਚਯਾ ਨੀਵਰਣਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਤ੍ਥੁਂ ਪਚ੍ਚਯਾ ਨੀਵਰਣਾ ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

੧੪. ਨੀਵਰਣਞ੍ਚ ਨੋਨੀਵਰਣਞ੍ਚ ਧਮ੍ਮਂ ਪਚ੍ਚਯਾ ਨੀਵਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕਾਮਚ੍ਛਨ੍ਦਨੀਵਰਣਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਚ੍ਚਯਾ ਥਿਨਮਿਦ੍ਧਨੀਵਰਣਂ ਉਦ੍ਧਚ੍ਚਨੀਵਰਣਂ ਅਵਿਜ੍ਜਾਨੀਵਰਣਂ (ਚਕ੍ਕਂ). ਕਾਮਚ੍ਛਨ੍ਦਨੀਵਰਣਞ੍ਚ ਵਤ੍ਥੁਞ੍ਚ ਪਚ੍ਚਯਾ ਥਿਨਮਿਦ੍ਧਨੀਵਰਣਂ ਉਦ੍ਧਚ੍ਚਨੀਵਰਣਂ ਅਵਿਜ੍ਜਾਨੀਵਰਣਂ (ਚਕ੍ਕਂ). (੧)

ਨੀਵਰਣਞ੍ਚ ਨੋਨੀਵਰਣਞ੍ਚ ਧਮ੍ਮਂ ਪਚ੍ਚਯਾ ਨੋਨੀਵਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਨੀਵਰਣਂ ਏਕਂ ਖਨ੍ਧਞ੍ਚ ਨੀਵਰਣਞ੍ਚ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਨੀਵਰਣਞ੍ਚ ਵਤ੍ਥੁਞ੍ਚ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ, ਨੀਵਰਣਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਨੀਵਰਣੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਨੀਵਰਣਞ੍ਚ ਨੋਨੀਵਰਣਞ੍ਚ ਧਮ੍ਮਂ ਪਚ੍ਚਯਾ ਨੀਵਰਣੋ ਚ ਨੋਨੀਵਰਣੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਨੀਵਰਣਂ ਏਕਂ ਖਨ੍ਧਞ੍ਚ ਕਾਮਚ੍ਛਨ੍ਦਨੀਵਰਣਞ੍ਚ ਪਚ੍ਚਯਾ ਤਯੋ ਖਨ੍ਧਾ ਥਿਨਮਿਦ੍ਧਨੀਵਰਣਂ ਉਦ੍ਧਚ੍ਚਨੀਵਰਣਂ ਅਵਿਜ੍ਜਾਨੀਵਰਣਂ…ਪੇ… ਦ੍ਵੇ ਖਨ੍ਧੇ …ਪੇ… (ਚਕ੍ਕਂ). ਕਾਮਚ੍ਛਨ੍ਦਨੀਵਰਣਞ੍ਚ ਵਤ੍ਥੁਞ੍ਚ ਪਚ੍ਚਯਾ ਥਿਨਮਿਦ੍ਧਨੀਵਰਣਂ ਉਦ੍ਧਚ੍ਚਨੀਵਰਣਂ ਅਵਿਜ੍ਜਾਨੀਵਰਣਂ ਸਮ੍ਪਯੁਤ੍ਤਕਾ ਚ ਖਨ੍ਧਾ (ਚਕ੍ਕਂ. ਸਂਖਿਤ੍ਤਂ). (੩)