੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੯੭. ਸਞ੍ਞੋਜਨਞ੍ਚੇਵ ਸਞ੍ਞੋਜਨਿਯਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚੇਵ ਸਞ੍ਞੋਜਨਿਯੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ (ਚਕ੍ਕਂ). (੧)

ਸਞ੍ਞੋਜਨਞ੍ਚੇਵ ਸਞ੍ਞੋਜਨਿਯਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨਿਯੋ ਚੇਵ ਨੋ ਚ ਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨੇ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੨)

ਸਞ੍ਞੋਜਨਞ੍ਚੇਵ ਸਞ੍ਞੋਜਨਿਯਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚੇਵ ਸਞ੍ਞੋਜਨਿਯੋ ਚ ਸਞ੍ਞੋਜਨਿਯੋ ਚੇਵ ਨੋ ਚ ਸਞ੍ਞੋਜਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ (ਚਕ੍ਕਂ). (੩)

੯੮. ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨਿਯੋ ਚੇਵ ਨੋ ਚ ਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਮਹਾਭੂਤਾ). (੧)

ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚੇਵ ਸਞ੍ਞੋਜਨਿਯੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨਿਯੇ ਚੇਵ ਨੋ ਚ ਸਞ੍ਞੋਜਨੇ ਖਨ੍ਧੇ ਪਟਿਚ੍ਚ ਸਞ੍ਞੋਜਨਾ. (੨)

ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚੇਵ ਸਞ੍ਞੋਜਨਿਯੋ ਚ ਸਞ੍ਞੋਜਨਿਯੋ ਚੇਵ ਨੋ ਚ ਸਞ੍ਞੋਜਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਸਞ੍ਞੋਜਨਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੯੯. ਸਞ੍ਞੋਜਨਞ੍ਚੇਵ ਸਞ੍ਞੋਜਨਿਯਞ੍ਚ ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚੇਵ ਸਞ੍ਞੋਜਨਿਯੋ ਚ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕਾਮਰਾਗਸਞ੍ਞੋਜਨਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ (ਚਕ੍ਕਂ). (੧)

ਸਞ੍ਞੋਜਨਞ੍ਚੇਵ ਸਞ੍ਞੋਜਨਿਯਞ੍ਚ ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨਿਯੋ ਚੇਵ ਨੋ ਚ ਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਏਕਂ ਖਨ੍ਧਞ੍ਚ ਸਞ੍ਞੋਜਨੇ ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੨)

ਸਞ੍ਞੋਜਨਞ੍ਚੇਵ ਸਞ੍ਞੋਜਨਿਯਞ੍ਚ ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚੇਵ ਸਞ੍ਞੋਜਨਿਯੋ ਚ ਸਞ੍ਞੋਜਨਿਯੋ ਚੇਵ ਨੋ ਚ ਸਞ੍ਞੋਜਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਞ੍ਞੋਜਨਿਯਞ੍ਚੇਵ ਨੋ ਚ ਸਞ੍ਞੋਜਨਂ ਏਕਂ ਖਨ੍ਧਞ੍ਚ ਕਾਮਰਾਗਸਞ੍ਞੋਜਨਞ੍ਚ ਪਟਿਚ੍ਚ ਤਯੋ ਖਨ੍ਧਾ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ… (ਚਕ੍ਕਂ ਬਨ੍ਧਿਤਬ੍ਬਂ). (੩)

(ਸਞ੍ਞੋਜਨਗੋਚ੍ਛਕੇ ਪਠਮਦੁਕਸਦਿਸਂ.)

(ਏਵਂ ਇਮਮ੍ਪਿ ਦੁਕਂ ਵਿਤ੍ਥਾਰੇਤਬ੍ਬਂ, ਨਿਨ੍ਨਾਨਾਕਰਣਂ ਠਪੇਤ੍ਵਾ ਲੋਕੁਤ੍ਤਰਂ).

ਸਞ੍ਞੋਜਨਸਞ੍ਞੋਜਨਿਯਦੁਕਂ ਨਿਟ੍ਠਿਤਂ.