੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੯੦. ਹੇਤੁਯਾ ਛ, ਆਰਮ੍ਮਣੇ ਨਵ, ਅਧਿਪਤਿਯਾ ਪਞ੍ਚ, ਅਨਨ੍ਤਰੇ ਨਵ, ਸਮਨਨ੍ਤਰੇ ਨਵ, ਸਹਜਾਤੇ ਨਵ, ਅਞ੍ਞਮਞ੍ਞੇ ਛ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਤੀਣਿ, ਪਚ੍ਛਾਜਾਤੇ ਤੀਣਿ, ਆਸੇਵਨੇ ਨਵ, ਕਮ੍ਮੇ ਚਤ੍ਤਾਰਿ, ਵਿਪਾਕੇ ਏਕਂ, ਆਹਾਰੇ ਚਤ੍ਤਾਰਿ, ਇਨ੍ਦ੍ਰਿਯੇ ਚਤ੍ਤਾਰਿ, ਝਾਨੇ ਚਤ੍ਤਾਰਿ, ਮਗ੍ਗੇ ਚਤ੍ਤਾਰਿ, ਸਮ੍ਪਯੁਤ੍ਤੇ ਛ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਨਵ, ਨਤ੍ਥਿਯਾ ਨਵ, ਵਿਗਤੇ ਨਵ, ਅਵਿਗਤੇ ਨਵ.

ਅਨੁਲੋਮਂ.

ਪਚ੍ਚਨੀਯੁਦ੍ਧਾਰੋ

੯੧. ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਸਞ੍ਞੋਜਨਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਸਞ੍ਞੋਜਨਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਸਞ੍ਞੋਜਨਸਮ੍ਪਯੁਤ੍ਤਸ੍ਸ ਚ ਸਞ੍ਞੋਜਨਵਿਪ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)

੯੨. ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਸਞ੍ਞੋਜਨਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ, ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ … ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਸਞ੍ਞੋਜਨਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਸਞ੍ਞੋਜਨਸਮ੍ਪਯੁਤ੍ਤਸ੍ਸ ਚ ਸਞ੍ਞੋਜਨਵਿਪ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

੯੩. ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਸਞ੍ਞੋਜਨਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਸਞ੍ਞੋਜਨਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੨)

ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਸਞ੍ਞੋਜਨਸਮ੍ਪਯੁਤ੍ਤਸ੍ਸ ਚ ਸਞ੍ਞੋਜਨਵਿਪ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੩)